ദീർഘകാലത്തിൽ ഓഹരികൾ കൈവശം വച്ചവർക്ക് മികച്ച റിട്ടേൺ നൽകിയ സാനിറ്ററി വെയർ ബ്രാൻഡ്. കഴിഞ്ഞ 10 വർഷത്തിനിടയിൽ സെറ സാനിറ്ററിവെയറിൻെറ ഓഹരികൾ 1,300-ലധികം റിട്ടേൺ ആണ് ആണ് നിക്ഷേപകർക്ക് നൽകിയത്. ഈ മൾട്ടിബാഗർ ഓഹരി വില 2022 മെയ് 10-ന് 52 ആഴ്ചയിലെ ഏറ്റവും താഴ്ന്ന നിരക്കായ 3,518.60 രൂപയിൽ ആയിരുന്നു. ഇപ്പോൾ താഴ്ന്ന നിലയിൽ നിന്ന് 77 ശതമാനത്തിലധികം ഉയർന്നിരിക്കുകയാണ് ഈ ഓഹരി.
ചെറു നഗരങ്ങളിൽ റസിഡൻഷ്യൽ ഹൗസിംഗ് പ്രോപ്പർട്ടികൾക്ക് ഡിമാൻഡ് വർധിക്കുന്നത് സാനിറ്ററിവെയറുകളുടെയും അനുബന്ധ ഉൽപ്പന്നങ്ങളുടെയും ഡിമാൻഡ് ഉയർത്തിയേക്കും.
Also Read: രവി പിള്ളയുടെ കൈവശമുള്ള ബാങ്ക് ഓഹരി
40 മാസത്തിനുള്ളിൽ വരുമാനം ഇരട്ടിയാക്കുന്നതിനുള്ള പദ്ധതികൾ രൂപകൽപ്പന ചെയ്യുകയാണ് കമ്പനി. 2023 സാമ്പത്തിക വർഷത്തിലെ നാലാം പാദത്തിൽ വിവിധ വിഭാഗങ്ങളിലുടനീളം വില വർധനവൊന്നും വരുത്തിയിട്ടില്ല . 6,746 രൂപയാണ് ഐസിഐസിഐ സെക്യൂരിറ്റീസ് ഈ ഓഹരിക്ക് നൽകിയിരിക്കുന്ന ടാർഗറ്റ് വില. ചൊവ്വാഴ്ചത്തെ ക്ലോസിംഗ് വിലയായ 6226.75 രൂപയിൽ നിന്ന് എട്ട് ശതമാനം വില ഉയരാൻ സാധ്യതയുണ്ടെന്നാണ് സൂചന.
2023 സാമ്പത്തിക വർഷത്തിലെ മൂന്നാം പാദത്തിൽ കമ്പനി നികുതിക്ക് ശേഷം 18 ശതമാനം ലാഭം നേടിയിരുന്നു. വാർഷികാടിസ്ഥാനത്തിൽ 33 ശതമാനമാണ് ലാഭം. കമ്പനിയുടെ
റോസ് ഗോൾഡ്, ഫ്രഞ്ച് ഗോൾഡ്, പ്ലാറ്റിനം സാനിറ്ററിവെയർ ഉൽപ്പന്നങ്ങൾക്ക് ഉപഭോക്താക്കൾക്കിടയിൽ മികച്ച സ്വീകാര്യത ലഭിച്ചു. ഇത് പോസിറ്റീവ് ട്രെൻഡാണെന്നാണ് വിശ്വാസം.