വന്‍കിട നിക്ഷേപകരുടെ സാന്നിധ്യം
ഇന്ത്യയുടെ വാറന്‍ ബഫറ്റ് എന്നറിയപ്പെടുന്ന രാകേഷ് ജുന്‍ജുന്‍വാലയെ അറിയാത്ത ഓഹരി വിപണി നിക്ഷേപകര്‍ വിരളമായിരിക്കും. എന്നാല്‍ ജുന്‍ജുന്‍വാലയുടെ ചടുലമായ നീക്കങ്ങള്‍ എല്ലാ നിക്ഷേപകര്‍ക്കും മനസിലാകണമെന്നില്ല. എന്നാല്‍ ലക്ഷകണക്കിനു നിക്ഷേപകര്‍ കണ്ണും പൂട്ടി പിന്തുടരുന്ന ഒരു വന്‍കിട നിക്ഷേപകനാണ് വിജയ് കേഡിയ.
Also Read: പണം ഇല്ലെങ്കിലും എല്‍.ഐ.സി. പ്രീമിയം അടയ്ക്കാം; അറിയേണ്ട കാര്യങ്ങള്‍
സാമാന്യം ദീര്‍ഘകാല ലക്ഷ്യത്തോടെ ചെറു ഓഹരികളില്‍നിന്നു വന്‍ നേട്ടമുണ്ടാക്കുന്ന ഈ നിക്ഷേപകന്റെ പോര്‍ട്‌ഫോളിയോയിലും തേജസ് നെറ്റ്‌വര്‍ക്ക് മാസങ്ങള്‍ക്കു മുമ്പ് സ്ഥാനം പിടിച്ചിട്ടുണ്ട്. കേഡിയ സെക്യൂരിറ്റീസിന്റെ സാരഥി കൂടിയാണ് വിജയ് കേഡിയ.
തേജസ് നെറ്റ്‌വര്‍ക്ക്‌സ്
ഒപ്റ്റിക്കല്‍, ബ്രോഡ്ബാന്‍ഡ്, ഡേറ്റ നെറ്റ്‌വര്‍ക്കിങ് സേവനങ്ങള്‍ നല്‍കുന്ന രാജ്യത്തെ പ്രമുഖരാണ് തേജസ് നെറ്റ്‌വര്‍ക്ക്‌സ്. 75 ഓളം രാജ്യങ്ങിലെ ടെലികോം സേവന ദാതാക്കള്‍, ഇന്റര്‍നെറ്റ് സേവന ദാതാക്കള്‍, പ്രതിരോധ കമ്പനികൾ, സര്‍ക്കാരുകള്‍ തുടങ്ങിയവര്‍ക്ക് കമ്പനി സേവനം നല്‍കുന്നുണ്ട്.
Also Read: സിനിമ- കായിക താരങ്ങളെ പിന്നിലാക്കി മുകേഷ് അംബാനിയും നിതയും
ബംഗളുരു ആസ്ഥാനമായാണ് കമ്പനിയുടെ പ്രവര്‍ത്തനം. വിപണികളിലെ ഒരു മള്‍ട്ടിബാഗര്‍ കൂടിയാണ് ഈ ഓഹരി. ഇന്ത്യ, 5ജി സാങ്കേതിക വിദ്യയിലേക്ക് കടക്കാനിരിക്കേ കമ്പനിയുടെ ഭാവി ശോഭനമാണെന്നാണു വിപണി വിദഗ്ധരുടെ നിലപാട്. 5ജി സേവനങ്ങള്‍ക്കു മെയ്ഡ് ഇന്‍ ഇന്ത്യ ഉല്‍പ്പന്നങ്ങള്‍ ഉപയോഗിക്കാന്‍ സര്‍ക്കാര്‍ നല്‍കുന്ന പ്രോല്‍സാഹനവും കമ്പനിക്കു നേട്ടമാണ്.
ഓഹരികളുടെ ചരിത്രം
നിലവില്‍ ഓഹരികളുടെ വില 451 രൂപയാണ്. ആറു മാസത്തിനിടെ ഓഹരികള്‍ 157.57 ശതമാനവും ഒരു വര്‍ഷത്തിനിടെ 200 ശതമാനവും നേട്ടം കൈവരിച്ചിട്ടുണ്ട്. 52 ആഴ്ചയിലെ മോശം പ്രകടനം 122.50 രൂപയും, ഉയര്‍ന്ന പ്രകടനം 570.50 രൂപയുമാണ്. നിലവില്‍ ലാഭവിഹിതം നല്‍കുന്നില്ല. 5,153 കോടി രൂപയാണ് വിപണിമൂല്യം.
Also Read: ഒറ്റ വര്‍ഷം കൊണ്ട് 82 ശതമാനത്തോളം ആദായം നല്‍കിയ നാല് ഫണ്ടുകള്‍
ഓഹരികളുടെ മുഖവില 10 രൂപയാണെന്നതും ശ്രദ്ധേയമായ കാര്യമാണ്. അതുകൊണ്ടു തന്നെ ഭാവിയില്‍ ഓഹരി വിഭജനവും പ്രതീക്ഷിക്കാം. 140.28 രൂപയാണ് ബുക്ക്‌വാല്യൂ. സെപ്റ്റംബര്‍ പാദ കണക്കുകള്‍ പ്രകാരം കമ്പനിയുടെ 3.42 ശതമാനം ഓഹരികള്‍ വിജയ് കേഡിയയുടെ കേഡിയ സെക്യൂരിറ്റീസിന്റെ പക്കലാണ്. ഏകദേശം 39 ലക്ഷം ഓഹരികൾ വരുമിത്.
ഓഹരിയിലെ പ്രവചനങ്ങള്‍
വിവിധ ഏജന്‍സികള്‍ ഹ്രസ്വകാല- ദീര്‍ഘകാല നിക്ഷേപകര്‍ക്കായി ഈ ഓഹരി നിര്‍ദേശിക്കുന്നുണ്ട്. ഹ്രസ്വകാലത്ത് ഓഹരികള്‍ 500- 530 രൂപവരെ നേട്ടം കൈവരിക്കുമെന്നാണ് ചോയിസ് ബ്രോക്കിങ്ങിന്റെ എക്‌സിക്യൂട്ടീസ് ഡയറക്ടര്‍ സുമീത് ബഗാജിയ വ്യക്തമാക്കുന്നത്. 52 ആഴ്ചയില്‍ ഓഹരികള്‍ 570 രൂപ വരെ ഉയര്‍ന്നിട്ടുണ്ടെന്ന കാര്യവും ശ്രദ്ധേയമാണ്.
Also Read: രണ്ടര വര്‍ഷം കൊണ്ട് നിക്ഷേപകരെ കോടീശ്വരന്‍മാരാക്കി ഒരു ഓഹരി
അതേസമയം 9- 12 മാസത്തിനുള്ളില്‍ തേജസ് ഓഹരികള്‍ 650- 750 രൂപ കൈവരിക്കുമെന്നാണ് സി.ജി.എല്‍. സെക്യൂരിറ്റീസിലെ രവി സിംഗ്ഹാള്‍ വ്യക്തമാക്കുന്നത്. 400- 450 രൂപ നിരക്കില്‍ ഓഹരികള്‍ വാങ്ങാനാണ് നിര്‍ദേശം.
മുകളിൽ പറഞ്ഞിരിക്കുന്ന കാര്യങ്ങൾ ലഭ്യമായ വസ്തുതകൾ അ‌ടിസ്ഥാനമാക്കിയാണ്. ഇത് ഓഹരി വാങ്ങാനുള്ള നിർദേശമല്ല. നിക്ഷേപകരുടെ അ‌റിവിലേക്കാണ്. ഓഹരി, ഓഹരി അ‌നുബന്ധ നിക്ഷേപങ്ങൾ വിപണികളിലെ ലാഭ- നഷ്ട സാധ്യതകൾക്കു വിധേയമാണ്. മുൻകാല പ്രകടനങ്ങൾ ഓഹരികൾ തുടർന്നേക്കണമെന്നില്ല. അ‌തിനാൽ നിക്ഷേപങ്ങൾ സ്വന്തം ഉത്തരവാദിത്വത്തിൽ വേണം.