എച്ച്ഡിഎഫ്സി സെക്യൂരിറ്റീസ് ഇപ്പോൾ വാങ്ങാൻ നിർദേശിക്കുന്ന 3 ഓഹരികൾ; മികച്ച വളർച്ചാ സാധ്യതകളെന്ന് പ്രവചനം

ആഭ്യന്തര ബ്രോക്കിങ് സ്ഥാപനമായ എച്ച്ഡിഎഫ്സി സെക്യൂരിറ്റീസ്, മൂന്ന് ഓഹരികളിൽ വാങ്ങൽ നിർദേശം നൽകിയിരിക്കുന്നു. റിയൽറ്റി-സിവിൽ കൺസ്ട്രക്ഷൻ കമ്പനിയായ അലുവാലിയ കോൺട്രാക്ട്സ്, ഹോസ്പിറ്റൽ സെക്ടറിലുള്ള ഇന്ദ്രപ്രസ്ഥ മെഡിക്കൽ കോർപ്പറേഷൻ, സ്റ്റേഷനറി സെഗ്മെന്റിലുള്ള ലിങ്ക് എന്നീ ഓഹരികളാണ് നിർദേശിച്ചിരിക്കുന്നത്. രണ്ടു മുതൽ മൂന്നു വരെ പാദങ്ങളിലേക്ക് ഈ ഓഹരികളെ പരിഗണിക്കാം എന്നാണ് നിർദേശിച്ചിരിക്കുന്നത്. എച്ച്ഡിഎഫ്സി നൽകിയിരിക്കുന്ന വിവരങ്ങളാണ് താഴെ നൽകിയിരിക്കുന്നത്.

1. അലുവാലിയ കോൺട്രാക്ട്സ് (Ahluwalia Contracts)
ഹെൽത്ത് കെയർ, ഡാറ്റാ സെന്റർ, ഇൻഡ്സട്രിയിൽ സ്ട്രക്ചർ തുടങ്ങിയവയിൽ വലിയ വളർച്ചാ സാധ്യതയാണ് കമ്പനി പ്രതീക്ഷിക്കുന്നത്. മത്സരാധിഷ്ഠിത പ്രകടനത്തിലും, ബിഡ്ഡുകൾ തെരഞ്ഞെടുക്കുന്നതിലും കമ്പനി മികച്ച നിലയിലാണ്.


ഈ ഓഹരി, 511-521 നിലവാരത്തിൽ വാങ്ങുന്നത് പരിഗണിക്കാം. ഡിപ്പുകളിൽ 457-465 നിലവാരങ്ങളിൽ കൂടുതൽ ഓഹരികൾ ആഡ് ചെയ്യുന്നത് പരിഗണിക്കാം. 564 - 610 രൂപ നിലവാരങ്ങളിലേക്ക് ഓഹരിവില ഉയരാം.

2. ഇന്ദ്രപ്രസ്ഥ മെഡിക്കൽ കോർപ്പറേഷൻ (Indraprastha Medical Corporation)
കോവിഡ് കാലത്തെ ലോക് ഡൗൺ, ഇന്ത്യയിലെ ആരോഗ്യ രംഗത്തെ ദോഷകരമായി ബാധിച്ചിരുന്നു. എന്നാൽ സാഹചര്യങ്ങൾ മെച്ചപ്പെട്ടപ്പോൾ ഇന്ദ്രപ്രസ്ഥയുടെ ബിസിനസ് ട്രാക്കിൽ തിരികെയത്തി. 2022 സാമ്പത്തിക വർഷത്തിൽ, വരുമാനത്തിൽ 45% വർധനവാണ് രേഖപ്പെടുത്തിയത്. ലാഭവിഹിതം മികച്ച രീതിയിൽ നൽകിയ ചരിത്രമാണ് കമ്പനിക്കുള്ളത്. 2022-25 സാമ്പത്തിക വർഷത്തിൽ വരുമാനത്തിൽ 18% സിഎജിആർ, ലാഭത്തിൽ 32% സിഎജിആർ എന്നിവ പ്രതീക്ഷിക്കുന്നു.

Also Read : ഓഹരിവില 115 രൂപ; പൊറിഞ്ചു വെളിയത്ത് പോർട്ഫോളിയോയിലെ പുതിയ ഓഹരി, വാങ്ങിയത് 60,000 ഷെയറുകൾ
ഈ ഓഹരി, 82-84 നിലവാരങ്ങളിൽ വാങ്ങുന്നത് പരിഗണിക്കാം. 72-74 രൂപ നിലവാരങ്ങളിൽ ഡിപ്പിലുള്ള വാങ്ങൽ നടത്താം. 93 രൂപ മുതൽ 99.5 രൂപ നിലവാരം വരെ ഓഹരി വില ഉയരാം എന്നാണ് വിലയിരുത്തുന്നത്.

3. ലിങ്ക് ലിമിറ്റഡ് (Linc Ltd)
2022-25 സാമ്പത്തിക വർഷങ്ങളിൽ കമ്പനിയുടെ വരുമാനം, PAT വളർച്ച എന്നിവ യഥാക്രമം 24%, 90% എന്നിങ്ങനെ ഉയരുമെന്നാണ് വിലയിരുത്തൽ. ലിങ്കിന്റെ വളർച്ചയ്ക്ക് എഫ്എംസിജി കമ്പനിയായി മാറുന്ന വിഷയം കമ്പനി പരിഗണിക്കുന്നു.

ഈ ഓഹരി, 591-601 നിലവാരങ്ങളിൽ വാങ്ങിക്കുന്നത് പരിഗണിക്കാം. 525-533 നിലവാരങ്ങളിൽ ഡിപ്പിലുള്ള വാങ്ങൽ നടത്താം. 661-715 രൂപ വരെ ഓഹരിവില ഉയരാം.

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക

Read Latest Business News and Malayalam News