കല്ല്യാൺ ജ്വല്ലേഴ്സിന്റെ 256 കോടിയുടെ ഓഹരികൾ വിറ്റഴിച്ച് ഹൈഡെൽ ഇൻവെസ്റ്റ്മെന്റ്

വാർബർഗ് പിൻകസിന്റെ ഉടമസ്ഥതയിലുള്ള ഹൈ‍ഡെൽ ഇൻവെസ്റ്റ്മെന്റ്, കല്ല്യാൺ ജ്വല്ലേഴ്സിലുള്ള ഓഹരി പങ്കാളിത്തം കുറച്ചു. ഓപ്പൺ മാർക്കറ്റ് ട്രാൻസാക്ഷനിലൂടെ 256 കോടിയുടെ ഓഹരികളാണ് വിറ്റഴിച്ചത്. എൻഎസ്ഇയിലെ, ബൾക്ക് ഡീൽ ഡാറ്റ പ്രകാരം ഹെഡെൽ ഇൻവെസ്റ്റ്മെന്റ്, കല്ല്യാൺ ജ്വല്ലേഴ്സിന്റെ 2,33,25,686 ഓഹരികളാണ് വിറ്റഴിച്ചത്. ഒരു ഓഹരിക്ക് 110.04 രൂപ എന്ന തോതിൽ, 256.67 കോടിയുടെ ഓഹരികളാണ് വിറ്റത്. ഡിസംബർ പാദം അവസാനിക്കുമ്പോൾ ഹൈഡൽ ഇൻവെസ്റ്റ്മെന്റിന് 26.36% ഓഹരി പങ്കാളിത്തമാണ് കല്ല്യാൺ ജ്വല്ലേഴ്സിലുണ്ടായിരുന്നത്.

2022 ഡിസംബർ 31ന് അവസാനിച്ച പാദത്തിൽ, കല്ല്യാൺ ജ്വല്ലേഴ്സ് ഇന്ത്യയുടെ, കൺസോളിഡേറ്റഡ് പ്രൊഫിറ്റ് ആഫ്റ്റർ ടാക്സ് 148 കോടിയായി മാറി 10% വളർച്ച രേഖപ്പെടുത്തി. ഈ പാദത്തിലെ കമ്പനിയുടെ അറ്റാദായം 134.5 കോടി രൂപയാണ്.

Also Read : ആരോപണം ദുരുദ്ദേശപരമെന്ന് അദാനി ​ഗ്രൂപ്പ്; വായ്പകൾ തിരിച്ചടച്ചിട്ടില്ലെന്ന റിപ്പോർട്ട് തള്ളി
ഡിസംബർ പാദത്തിൽ കമ്പനിയുടെ കൺസോളിഡേറ്റഡ് വരുമാനത്തിൽ YoY അടിസ്ഥാനത്തിൽ 13% വളർച്ചയുണ്ട്. ഒരു വർഷം മുമ്പ്, 3,435 കോടിയായിരുന്ന വരുമാനം 3,884 കോടിയിലേക്കാണ് വർധിച്ചത്. ഡിസംബർ പാദത്തിൽ, കമ്പനിയുടെ അറ്റാദായം 106 കോടിയിൽ നിന്ന്, 146 കോടിയായി മാറി.അടുത്തിടെ കമ്പനി ബിസിനസ് വിപുലീകരണവുമായി ബന്ധപ്പെട്ട പദ്ധതികളും പ്രഖ്യാപിച്ചിരുന്നു. 2023 കലണ്ടർ വർഷത്തിൽ 52 പുതിയ ഷോറൂമുകൾ തുറക്കുമെന്ന പ്രഖ്യാപനവും നടത്തിയിരുന്നു.

കഴിഞ്ഞ ഒരു മാസത്തിലെ ഓഹരിയുടെ പ്രകടനം മികച്ചതാണ്. നിക്ഷേപകർക്ക് 2.86% റിട്ടേണാണ് ഈ കാലയളവിൽ ലഭിച്ചത്. എന്നാൽ കഴിഞ്ഞ മൂന്ന് മാസത്തിലെ ഓഹരിയുടെ പ്രകടനത്തിൽ 4.31% ഇടിവാണ് രേഖപ്പെടുത്തിയത്. കഴിഞ്ഞ ഒരു വർഷത്തെ പ്രകടനം പരിശോധിക്കുമ്പോൾ, ഓഹരി മികച്ച നേട്ടം നൽകിയതായി കാണാം. 99.08% എന്ന മികച്ച ലാഭമാണ് നിക്ഷേപകർക്ക് ലഭിച്ചത്.

അടിസ്ഥാന വിവരങ്ങൾ
കല്ല്യാൺ ജ്വല്ലേഴ്സിന്റെ നിലവിലെ മാർക്കറ്റ് ക്യാപ്, 11,037 കോടിയാണ്. സ്റ്റോക്ക് പി/ഇ അനുപാതം 25.4 നിലവാരത്തിലാണ്. ആർഒസിഇ 9.36%, ആർഒഇ 7.51% എന്നിങ്ങനെയാണ്. ബുക്ക് വാല്യു 32.2 രൂപ, പ്രമോട്ടർ ഹോൾഡിങ് 60.5% എന്നിങ്ങനെയാണ്. കമ്പനിയുടെ 52 ആഴ്ച്ചയിലെ ഉയർന്ന വില രൂപയും, താഴ്ന്ന വില രൂപയുമാണ്. കമ്പനിയുടെ നിലവിലെ ഓഹരിവില രൂപയാണ്.

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല

Read Latest Business News and Malayalam News