ഡിസംബർ 12; ഓഹരിവിപണിയിൽ നടന്ന പ്രധാന സംഭവങ്ങൾ അറിയാം

ഇന്ന് രാവിലെ ചാഞ്ചാട്ടത്തോടെയാണ് ഇന്ത്യൻ ഓഹരി വിപണികളിൽ വ്യാപാരം ആരംഭിച്ചത്. ഇന്ന് വ്യാപാരം ക്ലോസ് ചെയ്തപ്പോൾ നിഫ്റ്റി 50 സൂചിക നേരിയ തോതിൽ 0.55 പോയിന്റുകൾ ഉയർന്ന് 18497.15 പോയിന്റുകളിൽ വ്യാപാരം ക്ലോസ് ചെയ്തു. ബിഎസ്ഇ സെൻസെക്സ് 51.10 പോയിന്റുകൾ താഴ്ന്ന് 62130.57 പോയിന്റുകളിലാണ് വ്യാപാരം ക്ലോസ് ചെയ്തത്. നിഫ്റ്റിയിൽ 1787 ഓഹരികൾ ലാഭം നേടിയപ്പോൾ, 1688 ഓഹരികൾ നഷ്ടം നേരിട്ടു. 194 ഓഹരികളുടെ വില മാറ്റമില്ലാതെ തുടർന്നു.

Also Read : ഡിസംബർ 12-16; ഇന്ത്യൻ ഓഹരി വിപണി വിശകലനം

നിഫ്റ്റിയിൽ ഏഷ്യൻ പെയിന്റ്സ്, ഐഷർ മോട്ടോഴ്സ്, ടൈറ്റൻ കമ്പനി, കൊടക് മഹീന്ദ്ര ബാങ്ക് എന്നിവ ഏറ്റവും കൂടുതൽ നഷ്ടം നേരിട്ടു. അതേ സമയം ബിപിസിഎൽ, ഡിവിസ് ലബോറട്ടറീസ്, കോൾ ഇന്ത്യ, അപ്പോളോ ഹോസ്പിറ്റൽസ്, യുപിഎൽ എന്നീ ഓഹരികൾ ഏറ്റവും കൂടുതൽ ലാഭം നേടി.

നിഫ്റ്റിയിലെ സെക്ടറുകൾ പരിശോധിക്കുമ്പോൾ ഐടി സൂചിക 0.5% ഇടിവ് നേരിട്ടു. അതേ സമയം പി എസ് യു ബാങ്ക്, ഓയിൽ & ഗ്യാസ് സൂചികകൾ 1 ശതമാനം ലാഭം നേടി.

ബിഎസ്ഇ മിഡ്ക്യാപ്, സ്മാൾ ക്യാപ് സൂചികകൾ നേട്ടത്തിലാണ് വ്യാപാരം അവസാനിപ്പിച്ചത്.

Also Read : വരും ദിവസങ്ങളില്‍ നിരീക്ഷിക്കാന്‍ അപ്പര്‍സീല്‍ തൊട്ട ചില കുഞ്ഞന്‍ ഓഹരികള്‍ ഇവയാണ്

ഇന്ന്, മോർഗൻ & സ്റ്റാൻലി, ആദിത്യ ബിർള ക്യാപിറ്റലിനെ ഓവർവെയ്റ്റ് വിഭാഗത്തിൽ നിന്നും, ഈക്വൽ വെയ്റ്റ് വിഭാഗത്തിലേക്ക് മാറ്റി. 160 രൂപയാണ് ലക്ഷ്യവിലയായി നിശ്ചയിച്ചിരിക്കുന്നത്. കമ്പനിയുടെ ലാഭക്ഷമത, നിക്ഷേപകരുടെ വിശ്വാസം എന്നിവ വർധിച്ചു എന്നും വിലയിരുത്തി.

ആഗോള സൂചനകൾക്ക് അനുസൃതമായിട്ടാണ് ഇന്ത്യൻ വിപണികളിൽ ഇന്ന് വ്യാപാരം നടന്നത്. ഇതേ ട്രെൻഡ് തന്നെ വരും ദിവസങ്ങളിലും തുടരുമെന്നാണ് വിദഗ്ധരുടെ വിലയിരുത്തൽ.

(എൻഎസ്ഇയിൽ ഡിസംബർ 12 ന് വ്യാപാരം ക്ലോസ് ചെയ്തതിനു ശേഷമുള്ള വിവരങ്ങളാണ് ഇവിടെ നൽകിയിരിക്കുന്നത്. മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും വിധത്തിലുള്ള ഓഹരി നിർദേശങ്ങളല്ല, നിക്ഷേപകരുടെ അറിവിലേക്കുള്ള കാര്യങ്ങൾ‍ മാത്രമാണ്. ഓഹരിവിപണിയിലെ നിക്ഷേപം ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ സ്വന്തം ഉത്തരവാദിത്തത്തിൽ മാത്രം പണം നിക്ഷേപിക്കേണ്ടതാണ്. നിക്ഷേപത്തെ തുടർന്നുണ്ടാകുന്ന ലാഭ-നഷ്ടങ്ങൾക്ക് നിക്ഷേപകർക്കു മാത്രമായിരിക്കും ഉത്തരവാദിത്തമുള്ളത്)

Read Latest Business News and Malayalam New