ഇൻഫോസിസ് നാലാം പാദഫലങ്ങളും,ഡിവിഡന്റും പ്രഖ്യാപിച്ചു; ലാഭത്തിൽ 8%, വരുമാനത്തിൽ 16% എന്നിങ്ങനെ വർധന

രാജ്യത്തെ പ്രമുഖ ഐടി കമ്പനിയായ ഇൻഫോസിസ് നാലാം പാദഫലങ്ങൾ പ്രഖ്യാപിച്ചു. കമ്പനിയുടെ ലാഭത്തിൽ ഏകദേശം 7.8% വർധനവുണ്ട്. കഴിഞ്ഞ സാമ്പത്തിക വർഷത്തിലെ നാലാം പാദത്തിൽ 5,696 കോടി രൂപയായിരുന്ന ലാഭം ഇത്തവണ 6,128 കോടി രൂപയായി മാറി. വരുമാനം 16% വർധിച്ച് 37,441 കോടി രൂപയായി മാറി. കഴിഞ്ഞ സാമ്പത്തിക വർഷത്തിലെ ഇതേ കാലയളവിൽ ഇത് 32,276 കോടി രൂപയായിരുന്നു. ഫലപ്രഖ്യാപനം നടത്തിയതിനൊപ്പം, ലാഭവിഹിതം നൽകുമെന്നും കമ്പനി പ്രഖ്യാപിച്ചു. ഒരു ഓഹരിക്ക് 17.50 രൂപ നിരക്കിലാണ് ഡിവിഡന്റ് നൽകുന്നത്. ഇതിനുള്ള റെക്കോർഡ് ഡേറ്റായി 2023 ജൂൺ 2 എന്ന തിയ്യതിയാണ് നിശ്ചയിച്ചിരിക്കുന്നത്.

കമ്പനിയുടെ ഓപ്പറേറ്റിങ് പ്രൊഫിറ്റ് 7,877 കോടി രൂപയാണ്. YoY അടിസ്ഥാനത്തിൽ പരിശോധിക്കുമ്പോൾ 6,956 കോടി രൂപയിൽ നിന്ന് 13% വർധനവാണിത്. മൂന്നാം പാദത്തിൽ ഓപ്പറേറ്റിങ് പ്രൊഫിറ്റ് 8,242 കോടി രൂപയായിരുന്നു. വാർഷികാടിസ്ഥാനത്തിൽ, ഓപ്പറേറ്റിങ് മാർജിനിൽ 0.5%, സീക്വൻഷ്യൽ അടിസ്ഥാനത്തിൽ 21% എന്നിങ്ങനെ കുറവുണ്ടായി.


കഴിഞ്ഞ അഞ്ച് വർഷമായി ലാഭവിഹിതം നൽകുന്നതിൽ മികച്ച ട്രാക്ക് റെക്കോർഡുള്ള കമ്പനിയാണ് ഇൻഫോസിസ്. ട്രെൻഡ് ലൈൻ നൽകുന്ന കണക്കുകൾ പ്രകാരം 2000, ഒക്ടോബർ 25 മുതൽ 47 തവണയാണ് കമ്പനി ഡിവിഡന്റ് നൽകിയിട്ടുള്ളത്. കഴി‍ഞ്ഞ 12 മാസങ്ങളിൽ ഒരു ഓഹരിക്ക് 32.50 രൂപ എന്ന തോതിലാണ് ലാഭവിഹിതം നൽകിയിരിക്കുന്നത്.

Also Read : 4.4 രൂപയിൽ നിന്ന് 598 രൂപയിലേക്ക്; 1 ലക്ഷം 1.2 കോടി രൂപയാക്കി 12,150% നേട്ടം നൽകിയ ഓഹരി
ഇൻഫോസിസ് ഓഹരികൾ വളരെ ശക്തമായ സപ്പോർട്ട് നിലവാരത്തിനടുത്താണെന്ന് അൽഗോരിതം പവർ അഡ്വൈസറി പ്ലാറ്റ്ഫോമായ ഹെഡ്ജ്ഡ് സ്ഥാപകനും, സിഇഒയുമായ രാഹുൽ ഘോസ് പറഞ്ഞു. സപ്പോർട്ട് നിലവാരത്തിനടുത്ത് ഒരു ഡബിൾ ബോട്ടം പാറ്റേണാണ് രൂപീകരിച്ചിരിക്കുന്നത്. നിലവിൽ ഈ നിലവാരത്തിൽ നിന്നും ഓഹരി ബൗൺസ് ചെയ്യുന്നു. പ്രതിവാര ചാർട്ടിലെ മൊമന്റം സൂചകങ്ങൾ, ഫലപ്രഖ്യാപനത്തിനു മുമ്പു തന്നെ ബുള്ളിഷ് സൂചനയാണ് ഓഹരിക്ക് നൽകുന്നത്. ഡിമാൻഡ് സോണിൽ നിന്നും പോസിറ്റീവ് ഡൈവേർജൻസിലൂടെ ഉയരാനാണ് ഓഹരി ശ്രമിക്കുന്നതെന്നും അദ്ദേഹം പറഞ്ഞു.

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക.

Read Latest Business News and Malayalam News