കമ്പനികൾ നൽകുന്ന ലാഭവിഹിതം (Dividend), നിക്ഷേപകരെ സംബന്ധിച്ച് ഒരു അധിക നേട്ടമാണ്. കൃത്യമായ ഇടവേളകളിൽ മുടങ്ങാതെ ലാഭവിഹിതം കൈമാറുമെന്ന ഓഹരിയാണെങ്കിൽ, ബാങ്കിൽ നിന്നും പലിശ ലഭിക്കുന്നതു പോലെ നിക്ഷേപകർക്ക് ഒരു അധിക വരുമാനവുമാകും. ചുരുക്കത്തിൽ സ്ഥിരമായി ലാഭവിഹിതം നൽകുന്നതിനൊപ്പം അടിസ്ഥാനപരമായി മികച്ച നിലയിലുമുള്ള ഓഹരി നിക്ഷേപത്തിനുള്ള സുവർണ അവസരമാകും. അതേസമയം വരുന്ന വ്യാപാര ആഴ്ചയിൽ (മേയ് 29 മുതൽ ജൂൺ 2 വരെ) നിക്ഷേപകർക്ക് ലാഭവിഹിതം നൽകുന്ന ഓഹരികളുടെ വിശദാംശമാണ് ചുവടെ ചേർക്കുന്നത്. റെക്കോഡ് തീയതി: മേയ് 29
റെക്കോഡ് തീയതി: മേയ് 30
റെക്കോഡ് തീയതി: മേയ് 31
റെക്കോഡ് തീയതി: ജൂൺ 1
- ആനന്ദ് രാത്തി വെൽത്ത്: ഓഹരിയൊന്നിന് 7 രൂപ വീതം അന്തിമ ലാഭവിഹിതം നൽകും.
- ഐആർബി ഇൻഫ്രാസ്ട്രക്ചർ: പ്രതിയോഹരി 0.08 രൂപ വീതം ഇടക്കാല ലാഭവിഹിതം കൈമാറും.
- എംഎം ഫോർജിങ്സ്: ഓഹരിയൊന്നിന് 6 രൂപ വീതം ഇടക്കാല ലാഭവിഹിതം നൽകും.
റെക്കോഡ് തീയതി: മേയ് 30
- ഐടിസി: ഓഹരിയൊന്നിന് 6.75 രൂപ വീതം അന്തിമ ലാഭവിഹിതവും വിശേഷാൽ ലാഭവിഹിതമായി 2.75 രൂപ വീതവും കൈമാറും. അതായത്, ലാഭവിഹിതമായി മൊത്തം 9.5 രൂപ കിട്ടുമെന്ന് സാരം.
- റാലീസ് ഇന്ത്യ: പ്രതിയോഹരി 2.5 രൂപ വീതം അന്തിമ ലാഭവിഹിതമായി ലഭിക്കും.
- വേദാന്ത ലിമിറ്റഡ്: ഇടക്കാല ലാഭവിഹിതമായി ഓഹരിയൊന്നിന് 18.50 രൂപ വീതം കൈമാറും.
റെക്കോഡ് തീയതി: മേയ് 31
- അദ്വാനി ഹോട്ടൽസ് & റിസോർട്ട്സ്: ഇടക്കാല ലാഭവിഹിതമായി 1.40 രൂപ വീതം നൽകും.
- ഡിബി കോർപ്: ഓഹരിയൊന്നിന് 3 രൂപ വീതം ഇടക്കാല ലാഭവിഹിതമായി കിട്ടും.
- സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ): ലാഭവിഹിതമായി 11.30 രൂപ വീതം നിക്ഷേപകർക്ക് നൽകും.
റെക്കോഡ് തീയതി: ജൂൺ 1
- ആപ്ടെക് ലിമിറ്റഡ്: ഇടക്കാല ലാഭവിഹിതമായി 6 രൂപ വീതം ഓഹരി ഉടമകൾക്ക് കിട്ടും.
- ശ്രീ സിമന്റ്സ്: ഇടക്കാല ലാഭവിഹിതമായി 55 രൂപ വീതം നൽകും.
- സ്റ്റാൻഡേർഡ് ഇൻഡസ്ട്രീസ്: ഇടക്കാല ലാഭവിഹിതമായി 0.80 രൂപ വീതം കൈമാറും.
- ട്രൈഡന്റ് ലിമിറ്റഡ്: ഓഹരിയൊന്നിന് ഇടക്കാല ലാഭവിഹിതമായി 0.36 രൂപ വീതം നൽകും.
- ഇൻഡസ്ഇൻഡ് ബാങ്ക്: പ്രതിയോഹരി 14 രൂപ വീതം അന്തിമ ലാഭവിഹിതമായി നിക്ഷേപകർക്ക് കൈമാറും.
- ഹാവെൽസ് ഇന്ത്യ: അന്തിമ ലാഭവിഹിതമായി 4.50 രൂപ വീതം നൽകും.
- ഇൻഫോസിസ്: ഓഹരിയൊന്നിന് 17.50 രൂപ വീതം അന്തിമ ലാഭവിഹിതമായി കൈമാറും.
- ജെഎസ്ഡബ്ല്യൂ എനർജി: പ്രതിയോഹരി 2 രൂപ വീതം അന്തിമ ലാഭവിഹിതമായി നൽകും.
- മഹീന്ദ്ര സിഐഇ ഓട്ടോമോട്ടീവ്: അന്തിമ ലാഭവിഹിതമായി 2.50 രൂപ വീതം നിക്ഷേപകർക്ക് കൊടുക്കുമെന്നാണ് അറിയിപ്പ്.
- പേജ് ഇൻഡസ്ട്രീസ്: ഇടക്കാല ലാഭിവിഹിതം കൈമാറുന്നതിനായുള്ള റെക്കോഡ് തീയതിയായി ജൂൺ 2 നിശ്ചയിച്ചു. എത്രയാണ് ലാഭവിഹിതമെന്ന് കമ്പനി ഉടൻ പ്രഖ്യാപിക്കുമെന്നാണ് അറിയിപ്പ്.
- സ്റ്റീൽകാസ്റ്റ് ലിമിറ്റഡ്: വിശേഷാൽ ലാഭവിഹിതമായി ഓഹരിയൊന്നിന് 3.15 രൂപ വീതം നൽകും.