എം.എ യൂസഫലി പുതിയതായി വാങ്ങിക്കൂട്ടിയ ഓഹരി; 12,649,748 ഓഹരികളുടെ മൂല്യം 20.5 കോടി രൂപ

പ്രശസ്തനായ മലയാളി വ്യവസായിയാണ് എം. എ യൂസഫലി. ലുലു ഗ്രൂപ്പ് ഇന്റർനാഷണലിന്റെ ചെയർമാനും, മാനേജിങ് ഡയറക്ടറുമാണ് അദ്ദേഹം. ഇക്കഴിഞ്ഞ മാർച്ച് പാദത്തിൽ അദ്ദേഹം പുതിയതായി നിക്ഷേപം നടത്തിയ കമ്പനിയാണ് ധൻലക്ഷ്മി ബാങ്ക് ലിമിറ്റഡ്. ധനലക്ഷ്മി ബാങ്കിന്റെ 5% ഓഹരികളാണ് എം.എ യൂസഫലി ഹോൾഡ് ചെയ്യുന്നത്. 20.5 കോടി രൂപയുടെ 12,649,748 ഓഹരികളാണ് അദ്ദേഹം സ്വന്തമാക്കിയിരിക്കുന്നത്

2023 മാർച്ച് 31 കണക്കുകൾ പ്രകാരം 1250.1 കോടി രൂപ മൂല്യമുള്ള നാല് കമ്പനികളുടെ ഓഹരികളാണ് അദ്ദേഹം ഹോൾഡ് ചെയ്യുന്നത്. സൗത്ത് ഇന്ത്യൻ ബാങ്ക്, ഫെഡറൽ ബാങ്ക്, കാത്തലിക് സിറിയൻ ബാങ്ക് എന്നിവയാണ് മറ്റ് മൂന്ന് കമ്പനികൾ.


ധൻലക്ഷ്മി ബാങ്ക് ലിമിറ്റഡ്
തൃശ്ശൂരിൽ 1927 ൽ സ്ഥാപിതമായതാണ് ധൻലക്ഷ്മി ബാങ്ക്. റീടെയിൽ ബാങ്കിങ്, കോർപറേറ്റ് ബാങ്കിങ്, ട്രഷറി ഓപ്പറേഷനുകൾ തുടങ്ങിയവയിലെല്ലാം സേവനങ്ങൾ നൽകുന്നു. പ്രധാനമായും ദക്ഷിണേന്ത്യൻ സംസ്ഥാനങ്ങളിലാണ് കൂടുതലായും ബിസിനസ് നടക്കുന്നത്.

Also Read : വാണിജ്യാവശ്യത്തിനുള്ള എൽപിജി സിലിണ്ടറുകളുടെ വില കുറച്ചു; ഇന്ന് മുതൽ പ്രാബല്യം
പുതിയതായി 20 ബ്രാഞ്ചുകൾ ആരംഭിക്കാനുള്ള അനുമതി റിസർവ് ബാങ്കിൽ നിന്ന് നിലവിൽ ലഭിച്ചിട്ടുണ്ട്. 2022 ൽ ഹൈദരാബാദിൽ പുതിയ ഒരു റീജണൽ ഓഫീസ് ആരംഭിച്ചു. ജനറൽ ഇൻഷുറൻസ് ഉല്പന്നങ്ങളുടെ ബിസിനസിനായി എസ്ബിഐ ജനറൽ ഇൻഷുറൻസുമായി ബാങ്ക് കരാറിൽ ഏർപ്പെട്ടിരിക്കുന്നു.

Also Read : എം.എ യൂസഫലി ഓഹരി പോർട്ഫോളിയോ; കേരളത്തിലെ 3 കമ്പനികളിൽ 1213.2 കോടിയുടെ നിക്ഷേപം
ഓഹരി വിവരങ്ങൾ
ധൻലക്ഷ്മി ബാങ്കിന്റെ മാർക്കറ്റ് ക്യാപിറ്റലൈസേഷൻ 410 കോടി രൂപയാണ്. ഇൻഡസ്ട്രി പി/ഇ അനുപാതം 13.4 നിലവാരത്തിലും, സ്റ്റോക്ക് പി/ഇ അനുപാതം 11.8 എന്ന നിലയിലുമാണ്. ഇത് ഓഹരി അണ്ടർ വാല്യുവേഷനിലാണെന്ന സൂചന നൽകുന്നു. ആർഒസിഇ : 4.51%, ആർഒഇ : 4.05%, പ്രൈസ് റ്റു ഏണിങ് : 11.8, ഇപിഎസ് : 1.37 രൂപ, ഡെറ്റ് റ്റു ഇക്വിറ്റി : 14, ഡെറ്റ് : 12,553 കോടി രൂപ എന്നിങ്ങനെയാണ്. ഓഹരിയുടെ 52 ആഴ്ച്ചയിലെ ഉയർന്ന/താഴ്ന്ന നിലവാരങ്ങൾ യഥാക്രമം 26.4/10.5 രൂപ എന്നിങ്ങനെയാണ്. നിലവിലെ ഓഹരിവില : 16.20 രൂപയാണ്. കമ്പനി നാലാം പാദഫലങ്ങൾ പ്രഖ്യാപിച്ചിട്ടില്ല.

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക

Read Latest Business News and Malayalam News