ഒറ്റയൊരു ഓഹരി; മൂല്യം മൂന്ന് കോടി രൂപ, ഏറ്റവും മൂല്യമേറിയ ഓഹരികൾ ഈ കമ്പനികളുടേതാണ്

ഓഹരി മൂല്യത്തിൽ രണ്ടാമുള്ള കമ്പനിയുടെ പേര് അങ്ങനെ കേൾക്കാത്തതാണ്. സ്വിസ് ചോക്ലേറ്റ് നിര്‍മാതാക്കളായ ലിൻറ് ആണ് രണ്ടാം സ്ഥാനത്തുള്ളത്. 1.1 ലക്ഷം ഡോളറിലേറെയാണ് ഒരു ഓഹരിയുടെ മൂല്യം. ഏകദേശം 83 ലക്ഷം രൂപയോളം വരുമിത്. 1845-ൽ സ്ഥാപിച്ച ഈ കമ്പനിക്ക് ഇപ്പോൾ 450 കോടി രൂപയിലേറെയാണ് വിറ്റുവരവ്. ലോകമെമ്പാടും ശാഖകളുള്ള കമ്പനിയുടെ പ്രവര്‍ത്തനങ്ങൾ 1994-ൽ ഏകോപിപ്പിച്ച് ഒരു കുടക്കീഴിൽ ആക്കിയിരുന്നു. ഇതും ലിൻഡ് കമ്പനിയുടെ മൂല്യം ഉയര്‍ത്തി.

യുകെ കമ്പനിയായ നെക്സ്റ്റ് പിഎൽസിയുടെ ഓഹരികളാണ് മൂല്യത്തിൽ തൊട്ടുപിന്നിൽ ഉള്ളത്. മൾട്ടി നാഷണൽ ക്ലോത്തിങ് ബ്രാൻഡും, ഫൂട്ട്‍വെയര്‍ ബ്രാൻഡും റീട്ടെയ്‍ലറുമൊക്കെയായ കമ്പനിയുടെ ഓഹരി ഒന്നിന് 6,553 ഡോളറോളമാണ് മൂല്യം. ഏകദേശം 4.9 ലക്ഷം രൂപയോളം വരുമിത്.

തൊട്ടുപിന്നിലുള്ളത് യുഎസ് കമ്പനിയാണ്. യുഎസിലെ അഗ്രി ബിസിനസ് കമ്പനിയായ സീബോര്‍ഡ് കോര്‍പ്പറേഷൻെറ ഓഹരി ഒന്നിന് 4,166 ഡോളറിൽ ഏറെയാണ് മൂല്യം. 3.1 ലക്ഷം രൂപ മൂല്യമുള്ളതാണ് ഈ ഓഹരികളും. യുഎസിൽ പന്നി മാംസത്തിൻെറ ഉത്പാദനവും സംസ്കരണവും ഒക്കെയാണ് കമ്പനി പ്രധാനമായും ചെയ്യുന്നത്. 11,800-ൽ അധികം ജീവനക്കാരുണ്ട്.