Share Market News, 24th March 2022: റഷ്യ- യുക്രൈന്‍ യുദ്ധം തുടരുന്നതിനിടെ, കൊവിഡ് ഭീതി രാജ്യാന്തരതലത്തില്‍ വീണ്ടും തലയുയര്‍ത്തിയിട്ടുണ്ട്. ചൈനയില്‍ കാര്യങ്ങള്‍ വീണ്ടും കൈവിടുകയാണെന്നാണു റിപ്പോര്‍ട്ട്. എണ്ണവിലയിലെ അനശ്ചിതത്വം രൂപ- ഡോളര്‍ മൂല്യത്തിലും പ്രതിഫലിക്കുന്നുണ്ട്.
Samayam Malayalam24 Mar 2022, 9:37 am
ഉച്ചസമയം വിപണികള്‍ക്കു ഏറെ നിര്‍ണായകമാകുന്നു. കഴിഞ്ഞ ദിവസങ്ങളില്‍ ഉച്ചവരെ നഷ്ടത്തില്‍ പോയിരുന്ന സൂചികകള്‍ ഉച്ചയ്ക്കു ശേഷം മികച്ച നേട്ടം കൈവരിച്ചിരുന്നു. എന്നാല്‍ ഉച്ചവരെ നേട്ടത്തില്‍ പോകുന്ന ദിനങ്ങളില്‍ ഉച്ചയ്ക്കു ശേഷം നഷ്ടം വരുത്തുന്ന അവസ്ഥയാണുള്ളത്. പ്രതിസന്ധികള്‍ കടുത്തതോടെ പ്രവചാനാതീതമായി പിടിതരാതെ നീങ്ങുകയാണ് സൂചികകള്‍. വാരത്തിലെ ഫ്യൂച്ചര്‍ ആന്‍ഡ് ഓപ്ഷന്‍സ് കാലവധി പൂര്‍ത്തീകരിക്കാനൊരുങ്ങവേ ഇന്നു സൂചികകളില്‍ സമ്മര്‍ദം ശക്തമാകാനാണു സാധ്യത. രാജ്യാന്തര സൂചികകളുടെ തളര്‍ച്ചയും പ്രാദേശിക വിപണികള്‍ക്കു വെല്ലുവിളിയാണ്. നാളുകള്‍ക്കു ശേഷം ഇന്ത്യന്‍ ഐ.പി.ഒ. വിപണിയും ഇന്ന് ഉണരുകയാണ്.
ഇന്ത്യന്‍ ഓഹരി വിപണികളുടെ ആദ്യ പ്രതിഫലനമെന്നു വിശേഷിപ്പിക്കപ്പെടുന്ന സിംഗപ്പൂര്‍ സൂചികയില്‍ (എസ്.ജി.എക്‌സ്) നിഫ്റ്റി ഫ്യൂച്ചേഴ്‌സ് തണുപ്പന്‍ പ്രകടനമാണ് കാഴ്ചവയ്ക്കുന്നത്. നേട്ടം നാമമാത്രമാണ്. പ്രീ സെക്ഷനില്‍ സെന്‍സെക്‌സ് 500 പോയിന്റോളം നഷ്ടം വരിച്ചു. നിലവില്‍ (9.35 എ.എം) സെന്‍സെക്‌സ് 177 പോയിന്റ് നഷ്ടത്തില്‍ 57,507.01 ലും നിഫ്റ്റി 38 പോയിന്റ് താഴ്ന്ന് 17,207.05 ലുമാണ്. നിഫ്റ്റിയുടെ സമീപകാല പ്രകടനങ്ങള്‍ പ്രതീക്ഷ നല്‍കുന്നതല്ലെന്നു വിദഗ്ധര്‍ ചൂണ്ടിക്കാട്ടുന്നു. വിദേശ നിക്ഷേപകരുടെ തിരിച്ചുവരവ് മാത്രമാണ് വിപണികള്‍ക്കു നേരിയ തോതില്‍ ആശ്വാസം പകരുന്നത്. ബുധനാഴ്ച വിദേശനിക്ഷേപകര്‍ 481 കോടിയുടെ ഓഹരികള്‍ വാങ്ങിയപ്പോള്‍ പ്രാദേശിക നിക്ഷേപകര്‍ 294 കോടിയുടെ ഓഹരികള്‍ കൈയ്യൊഴിഞ്ഞു.
ബാബ രാംദേവിന്റെ പതഞ്ജലി പിന്തുണയുള്ള രുചി സോയ ഫോളോ ഓണ്‍ പബ്ലിക് ഓഫറിങ് (എഫ്.പി.ഒ) ഇന്ന് തുറക്കും. മാര്‍ച്ച് 28 ന് സമാപിക്കും. പതഞ്ജലി ഗ്രൂപ്പ് സബ്സിഡിയറി ഈ എഫ്.പി.ഒയ്ക്ക് ഇക്വിറ്റി ഷെയറിന് 615- 650 രൂപ പ്രൈസ് ബാന്‍ഡ് നിശ്ചയിച്ചിട്ടുണ്ട്. എഫ്.എം.സി.ജി കമ്പനിയുടെ 99 ശതമാനം ഓഹരി കൈവശമുള്ള പ്രൊമോട്ടര്‍മാര്‍, എഫ്.പി.ഒയുടെ ഈ റൗണ്ടില്‍ കുറഞ്ഞത് ഒമ്പതു ശതമാനം ഓഹരികള്‍ വാഗ്ദാനം ചെയ്യുന്നു. എഫ്.പി.ഒയ്ക്ക് മുന്നോടിയായി 46 ആങ്കര്‍ നിക്ഷേപകരില്‍ നിന്ന് എഫ്.എം.സി.ജി കമ്പനി 1,289 കോടി രൂപയില്‍ കൂടുതല്‍ സമാഹരിച്ചു. കഴിഞ്ഞ സെഷനില്‍ ബി.എസ്.ഇയില്‍ രുചി സോയ സ്‌ക്രിപ്റ്റ് 896 രൂപയിലാണ് ക്ലോസ് ചെയ്തത്. ഏപ്രില്‍ ആറിനാണ് ലിസ്റ്റിങ്. Also Read: കൃഷിയില്‍ താല്‍പര്യമുണ്ടോ? വെറും 75 രൂപ നിക്ഷേപിച്ചാല്‍ ഭാവിയില്‍ 5- 10 ലക്ഷം രൂപ വരെ നേടാന്‍ അവസരം
ഇന്നലെ വിപണി സമയങ്ങള്‍ക്കു ശേഷം നിക്ഷേപ ശ്രദ്ധ ആകര്‍ഷിച്ച ചില കാര്യങ്ങള്‍ ഇന്നത്തെ വ്യാപാരത്തില്‍ പ്രതിഫലിക്കുമെന്നാണു വിലയിരുത്തല്‍. കാനഡ പെന്‍ഷന്‍ പ്ലാന്‍ ഇന്‍വെസ്റ്റ്മെന്റ് ബോര്‍ഡ് ബ്ലോക്ക് ഡീലുകളിലൂടെ കൊട്ടക് മഹീന്ദ്ര ബാങ്കിലെ രണ്ടു ഓഹരി പ്രതിനിധീകരിക്കുന്ന നാലു കോടി ഓഹരികള്‍ വില്‍ക്കും. ഇന്‍വെസ്‌കോ ഇ.ജി.എം. എന്ന ആവശ്യം പിന്‍വലിക്കുകയും സീ- സോണി ലയനത്തെ അനുകൂലിക്കുകയും ചെയ്തു. ലയനം ഓഹരി ഉടമകള്‍ക്ക് ഗുണം ചെയ്യുമെന്ന് ഇന്‍വെസ്‌കോ വിശ്വസിക്കുന്നു. ലയനം കമ്പനിയുടെ ബോര്‍ഡില്‍ മാറ്റങ്ങള്‍ വരുത്തും. ഇരുചക്രവാഹന നിര്‍മ്മാതാക്കളായ ഹീറോ മോട്ടോകോര്‍പ്പ് ചെയര്‍മാന്‍ പവന്‍ മുഞ്ജാലിന്റെ വസതിയില്‍ ഐടി വകുപ്പ് നടത്തിയ റെയ്ഡില്‍ വിശദീകരണം നല്‍കിയതും ഇന്നു പ്രതിഫലനങ്ങള്‍ക്കു വഴിവയ്ക്കാം. റഷ്യയില്‍ നിന്ന് എണ്ണ വാങ്ങിയ ഇന്ത്യന്‍ ഓയില്‍ കോര്‍പ്പറേഷന്‍, വില വര്‍ധിപ്പിച്ച ഐ.ജി.എല്‍, പുതിയ കരാറുകള്‍ ഒപ്പുവച്ച സണ്‍ഫാര്‍മ, ഓഹരി തിരികെ വാങ്ങല്‍ ഇന്നലെ അവസാനിച്ച ടി.സി.എസ് ഓഹരികളും ശ്രദ്ധാകേന്ദ്രങ്ങളാണ്. ലാഭവിഹിതം ചര്‍ച്ച ചെയ്യാന്‍ 28ന് യോഗം ചേരുന്ന കോള്‍ഗേറ്റ് പാമോലിവ്, സ്റ്റെപ്പ്- ഡൗണ്‍ സബ്സിഡിയറി സൊമാറ്റോ കാനഡ ഇന്‍ക് പിരിച്ചുവിടുന്നതിനെക്കുറിച്ച് അറിയിച്ച സൊമാറ്റോ, ഫ്യൂച്ചര്‍ റീട്ടെയില്‍, ഡിജിറ്റല്‍ ഇന്‍ഫ്രാസ്ട്രക്ചര്‍ ഫ്രെയിംവര്‍ക്ക് സംരംഭമായ ഒ.എന്‍.ഡി.സിയുടെ 7.84 ശതമാനം ഓഹരികള്‍ സ്വ്തമാക്കിയ എച്ച്.ഡി.എഫ്.സി. ബാങ്ക് ഓഹരികളിലും ചലനങ്ങള്‍ പ്രതീക്ഷിക്കാം.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
