Share Market Updates: എൽ.ഐ.സി. ഐ.പി.ഒ. ഇന്ന്; ഫെഡ് റിസർവ് യോഗം നിർണായകം, നേട്ടത്തിനായി പരിശ്രമിച്ച് വിപണികൾ

വിപണികൾ കാത്തിരുന്ന എൽ.ഐ.സി. ഐ.പി.ഒ. ഇന്നു വിപണിയിലെത്തുന്ന ആഹ്ലാദത്തിലാണ് നിക്ഷേപലോകം. കഴിഞ്ഞ കുറേ നാളുകളായി വിപണികൾ വിടുന്ന വിദേശനിക്ഷേപകരെ ഐ.പി.ഒ. തിരിച്ചെത്തിക്കുമെന്നാണു വിലയിരുത്തൽ. അ‌തേസമയം യു.എസ്. ഫെഡ് റിസർവ് യോഗ തീരുമാനങ്ങളിലേക്കും കണ്ണുകൾ നീളുന്നുണ്ട്. ഇന്ത്യൻ വിപണികളുടെ ആദ്യ പ്രതിഫലനം എന്നു വിശേഷിപ്പിക്കപ്പെടുന്ന സിംഗപ്പൂർ സൂചികയിൽ നിഫ്റ്റി ഫ്യൂച്ചേഴ്‌സ് 102 പോയിന്റിലേറെ നേട്ടം കൈവരിച്ചു. പ്രീ സെക്ഷനിൽ സെൻസെക്‌സ് പോയിന്റോളം 170 നേട്ടം കൈവരിച്ചു. നിലവിൽ (9.25 എ.എം) സെൻസെക്‌സ് 2.75 പോയിന്റ് നേട്ടത്തിൽ 56,978.74 ലും നിഫ്റ്റി 2.20 പോയിന്റ് ഉയർന്ന് 17,071.30 ലുമാണ്.

Also Read: ഒരുങ്ങാം... എല്‍.ഐ.സി. ഐ.പി.ഒ. ഇന്ന്; ശ്രദ്ധിക്കേണ്ട കാര്യങ്ങള്‍ ഒറ്റനോട്ടത്തില്‍

കോർപ്പറേറ്റ് കമ്പനികളുടെ വരുമാന കണക്കുകളും വിപണികളുടെ ചലനങ്ങളെ ബാധിക്കുന്ന ഘടകമാണ്. കൊട്ടക് മഹീന്ദ്ര ബാങ്ക്, ടാറ്റ കൺസ്യൂമർ പ്രൊഡക്ട്സ്, എ.ബി.ബി ഇന്ത്യ, അദാനി ഗ്രീൻ എനർജി എന്നിവയിൽ ഇന്നു ശ്രദ്ധ കേന്ദ്രീകരിക്കും. കാർട്രേഡ് ടെക്, അദാനി ടോട്ടൽ ഗ്യാസ്, ഇക്വിറ്റാസ് സ്‌മോൾ ഫിനാൻസ് ബാങ്ക്, ഹാവെൽസ് ഇന്ത്യ, ബോംബെ ഡൈയിങ് ആൻഡ് മാനുഫാക്ചറിങ് കമ്പനി, ദീപക് നൈട്രൈറ്റ്, ലക്ഷ്മി ഓർഗാനിക് ഇൻഡസ്ട്രീസ്, മഹീന്ദ്ര ഇപിസി ഇറിഗേഷൻ, സാറ്റിൻ ക്രെഡിറ്റ്‌കെയർ നെറ്റ്വർക്ക്, എസ്.ഐ.എസ്, ഒറക്കിൾ ഇൻഡ്യൻസ് ഫൈനാൻഷ്യൽ, ഐ.ഐ.എഫ്.എൽ. വെൽത്ത് മാനേജ്മെന്റ്, ആപ്ടെക്, സിഗ്‌നിറ്റി ടെക്നോളജീസ്, മാസ് ഫിനാൻഷ്യൽ സർവീസസ് എന്നിവരുടെ പ്രവർത്തന ഫലങ്ങളും ഇന്നു പുറത്തുവരും.

Also Read: ജീവിത പങ്കാളിയെ തേടിത്തരും, കൂടെ ശമ്പള വർധനയും; ഐടി കമ്പനിയുടെ ഇടപെടൽ വൈറൽ

അതേസമയം കഴിഞ്ഞ ദിവസങ്ങളിൽ റിപ്പോർട്ടുകളിൽ പിന്നിലായ ഹീറോമോട്ടോ കോർപ്, അദാനി എന്റർപ്രൈസസ്, അദാനി വിൽമാർ, ടൈറ്റാൻ കമ്പനി ഓഹരികളിൽ സമ്മർദം പ്രതീക്ഷിക്കാം. അതേസമയം അദാനി വിൽമാറിന്റെ ഏറ്റെടുപ്പുകളും ശ്രദ്ധേയമാണ്. റിപ്പോർട്ടുകളിൽ തിളങ്ങിയ ബ്രിട്ടാനിയ ഇൻഡസ്ട്രീസ്, ജെ.എസ്.ഡബ്ല്യു. എനർജി, ഐ.ഡി.ബി.ഐ. ബാങ്ക്, നെറ്റ്‌വർക്ക് 18 മീഡിയ, ഗോദറേജ് പ്രോപ്പർട്ടീസ് ഓഹരികളിലും ചലനങ്ങൾ പ്രതീക്ഷിക്കാം. എൽ.ഐ.സിക്കു കീഴിൽ നിലവിൽ പ്രവർത്തിക്കുന്ന ഐ.ഡി.ബി.ഐയുടെ നേട്ടം എൽ.ഐ.സി. ഐ.പി.ഒയ്ക്കും അനുകൂലമാണ്.

20ല്‍ അധികം മേഖലകളില്‍ നിന്നുള്ള, സൂഷ്മവും വിശദവും ആധികാരികവുമായ ഇക്കോണമിക് ടൈംസ് സ്റ്റോറികള്‍ വായിക്കാന്‍ ഇവിടെ ക്ളിക്ക് ചെയ്യുക