മുഹറം: ഓഹരി വിപണികള്‍ക്ക് അവധി

ദേശീയ ഓഹരി വിപണിയായ നിഫ്റ്റിയും ബോംബേ ഓഹരി വിപണിയായ സെന്‍സെക്‌സും മുഹറം പ്രമാണിച്ച് ഇന്ന് പ്രവര്‍ത്തിക്കില്ല. ലോഹവും സ്വര്‍ണവുമടങ്ങിയ കമോഡിറ്റി വിപണിയും അടഞ്ഞുകിടക്കും. ഇന്നലെ വ്യാപാരത്തിൻെറ തുടക്കത്തില്‍ 56,000 മാര്‍ക്ക് കടന്നു റെക്കോഡിട്ട സെന്‍സെക്‌സ് വില്‍പ്പനസമ്മര്‍ദത്തെ തുടര്‍ന്നു 162.78 പോയിൻറ് നഷ്ടത്തില്‍ 55,629.49ലാണ് വ്യാപാരം അവസാനിപ്പിച്ചത്. നിഫ്റ്റിയും 45.80 പോയിൻറ് നഷ്ടത്തില്‍ 16,568.80ലെത്തി.

യു.കെയില്‍ തൊഴിലവസരങ്ങള്‍ വര്‍ധിക്കുന്നു

വിപണികള്‍ സ്ഥിരത കൈവരിക്കുന്നതിൻെറ സൂചനയായാണ് ഇടിവിനെ വിദഗ്ധര്‍ വിശേഷിപ്പിക്കുന്നത്. തുടര്‍ച്ചയായി റെക്കോഡ് പ്രകടനം തുടരുന്ന വിപണികളില്‍ ഒരു ഇടിവ് അനിവാര്യമാണെന്നാണു ഇവരുടെ വാദം. വിദേശനിക്ഷേപകരുടെ പിന്‍വാങ്ങലാണ് ഇന്നലെ നഷ്ടങ്ങള്‍ക്കു വഴിവച്ചത്. ഇന്ത്യന്‍ സൂചികകളെ സംബന്ധിച്ചു മികച്ച അവസരമാണ് മുന്നിലുള്ളത്. വരും ദിവസങ്ങളില്‍ സൂചിക മികച്ച നേട്ടം കൈവരിക്കുമെന്നാണു നിക്ഷേപകരുടെ പ്രതീക്ഷ.