ഉണർവിൽ ഇന്ത്യൻ വിപണി..അടുത്ത ദിവസത്തേക്കുള്ള ഓഹരി നിർദേശങ്ങൾ ഇവ

ഇന്ത്യൻ വിപണികൾ ഉയർച്ച പ്രകടമാക്കിയ ദിവസമായിരുന്നു ഇന്ന്. നിഫ്റ്റി 50 സൂചിക 127.60 പോയിന്റുകൾ ഉയർന്ന് 17,525.10 ലാണ് ക്ലോസ് ചെയ്തത്. നിഫ്റ്റിയിലെ സെക്ടറുകളിൽ ഐടിയും, പി എസ് യു ബാങ്കും മാത്രമാണ് ചെറിയ നഷ്ടമുണ്ടാക്കിയത്. ബാങ്ക് നിഫ്റ്റി 316.80 പോയിന്റുകൾ ഉയർന്നു. ബിഎസ്ഇ സെൻസെക്സ് 449.75 പോയിന്റുകൾ ഉയർന്ന് 58,837.68 പോയിന്റുകളിലാണ് വ്യാപാരം അവസാനിപ്പിച്ചത്.

ആഗോളവിപണികളിൽ യുഎസ് മാർക്കറ്റ് കയറ്റിറക്കങ്ങളിലായിരുന്നു. യൂറോപ്യൻ മാർക്കറ്റുകളെല്ലാം നേട്ടത്തിലായപ്പോൾ ഏഷ്യൻ വിപണികളിൽ ഹാങ്സെങ്, തയ്വാൻ‍ വിപണികൾ ഇടിഞ്ഞു.

പേടിഎം, സൈമെൻസ്, അദാനി ട്രാൻസ്മിഷൻ, പിരാമൾ എന്റർപ്രൈസസ്, പ്രോക്ടർ ആൻഡ് ഗാംബിൾ, അദാനി എന്റർപ്രൈസസ് തുടങ്ങിയവ ഇന്ന് ലാഭമുണ്ടാക്കിയ ഓഹരികളിൽ ചിലതാണ്. ഭാരത് പെട്രോളിയം കോർപ്പറേഷൻ, ഐസിഐസിഐ പ്രു‍ഡൻഷ്യൽ ലൈഫ് ഇൻഷുറൻസ് കമ്പനി, എസ്ബിഐ കാർഡ്സ്, എസ്ബിഐ ബാങ്ക്, മുത്തൂറ്റ് ഫിനാൻസ് എന്നിവ ഇന്നു നഷ്ടം നേരട്ടവയിൽ ചില ഓഹരികളാണ്.

നാളെ വാച്ച്ലിസ്റ്റിൽ പരിഗണിക്കാവുന്ന ഏതാനും ഓഹരി നിർദേശങ്ങൾ താഴെ നൽകിയിരിക്കുന്നു.

മാരികോ
ടാർഗറ്റ് വിലയായി 550 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് ഐസിഐസിഐ സെക്യൂരിറ്റീസ് നിർദേശിക്കുന്നു. 524.60 രൂപയാണ് നിലവിലെ ഓഹരി വില.

ബ്ലൂസ്റ്റാർ
ഈ ഓഹരി വാങ്ങാനാണ് സെൻട്രം ബ്രോക്കിങ് നിർദേശിക്കുന്നത്. 1250 രൂപയാണ് ലക്ഷ്യമായി നിശ്ചയിച്ചിരിക്കുന്നത്. നിലവിലെ ഓഹരി വില 1,005.05രൂപയാണ്.

കൽപ്പതരു പവർ ട്രാൻസ്മിഷൻസ്
490 രൂപ ലക്ഷ്യമായി നിശ്ചയിച്ച് ഈ ഓഹരി വാങ്ങാമെന്ന് എംകെ ഗ്ലോബൽ നിർദേശിക്കുന്നു. ഇപ്പോൾ ഓഹരിയൊന്നിന് 376.85 രൂപയാണ് വില.

എൽഐസി ഹൗസിങ് ഫിനാൻസ്
ലക്ഷ്യവിലയായി 490 രൂപ നിശ്ചയിച്ച് ഈ ഓഹരി വാങ്ങിക്കാമെന്ന് എംകെ ഗ്ലോബൽ നിർദേശം നൽകുന്നു. 380.70 രൂപയാണ് ഇപ്പോഴത്തെ ഓഹരി വില.

മഹീന്ദ്ര ആൻഡ് മഹീന്ദ്ര
ടാർഗറ്റ് വിലയായി 1390 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് എംകെ ഗ്ലോബൽ നിർദേശിക്കുന്നു. 1,275.60 രൂപയാണ് നിലവിലെ ഓഹരി വില.

സൂര്യോദയ് സ്മാൾ ഫിനാൻസ് ബാങ്ക്
ടാർഗറ്റ് വിലയായി 155 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് ഐസിഐസിഐ സെക്യൂരിറ്റീസ് നിർദേശിക്കുന്നു. 91.25 രൂപയാണ് നിലവിലെ ഓഹരി വില.

(മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും വിധത്തിലുള്ള ഓഹരി നിർദേശമല്ല, നിക്ഷേപകരുടെ അറിവിലേക്കുള്ള കാര്യങ്ങൾ‍ മാത്രമാണ്. ഓഹരിവിപണിയിലെ നിക്ഷേപം ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ സ്വന്തം ഉത്തരവാദിത്തത്തിൽ മാത്രം പണം നിക്ഷേപിക്കേണ്ടതാണ്)