വിപണിയിൽ വീണ്ടും കാളകളുടെ കുതിപ്പ്..അടുത്തയാഴചത്തെ ഓഹരി നിർദേശങ്ങൾ അറിയാം

ഇന്ത്യൻ ഓഹരി വിപണിയിൽ കുതിപ്പുണ്ടായ ദിവസമായിരുന്നു ഇന്ന്. നിഫ്റ്റി 50 സൂചിക 228.65 പോയിന്റുകൾ ഉയർന്ന് 17,158.25 ലാണ് ക്ലോസ് ചെയ്തത്. പിഎസ്യു ബാങ്ക് ഒഴികെ നിഫ്റ്റിയിലെ എല്ലാ സെക്ടറുകളും ഇന്ന് നേട്ടമുണ്ടാക്കി. ബാങ്ക് നിഫ്റ്റി 113.25 പോയിന്റുകൾ ഉയർന്ന് നിഫ്റ്റിക്ക് ശക്തമായ പിന്തുണ നൽകി. ബിഎസ്ഇ സെൻസെക്സ് 712.46 പോയിന്റുകൾ ഉയർന്ന് 57,570.25 പോയിന്റുകളിലാണ് വ്യാപാരം അവസാനിപ്പിച്ചത്.

ആഗോളവിപണികളിൽ അമേരിക്കൻ - യൂറോപ്യൻ മാർക്കറ്റുകളെല്ലാം ഇന്ന് നേട്ടത്തിലായിരുന്നു. എന്നാൽ ഏഷ്യൻ സൂചികകൾ നഷ്ടത്തിലാണ് വ്യാപാരം നടത്തിയത്.

അടുത്തയാഴ്ച വാച്ച്ലിസ്റ്റിൽ പരിഗണിക്കാവുന്ന ഏതാനും ഓഹരികൾ താഴെ നൽകിയിരിക്കുന്നു.

എസ്കെഎഫ് ഇന്ത്യ
ടാർഗറ്റ് വിലയായി 4600 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് ജെഎം ഫിനാൻഷ്യൽ നിർദേശിക്കുന്നു. 4,219 രൂപയാണ് നിലവിലെ ഓഹരി വില

ഫിനോ പേയ്മെന്റ്സ് ബാങ്ക്
ഈ ഓഹരി വാങ്ങാനാണ് ഐസിഐസിഐ സെക്യൂരിറ്റീസ് നിർദേശിക്കുന്നത്. 325 രൂപയാണ് ലക്ഷ്യമായി നിശ്ചയിച്ചിരിക്കുന്നത്. നിലവിലെ ഓഹരി വില 270 രൂപയാണ്.

ഹോം ഫസ്റ്റ് ഫിനാൻസ് കമ്പനി
995 രൂപ ലക്ഷ്യമായി നിശ്ചയിച്ച് ഈ ഓഹരി വാങ്ങാമെന്ന് ഐസിഐസിഐ സെക്യൂരിറ്റീസ് നിർദേശിക്കുന്നു. ഇപ്പോൾ ഓഹരിയൊന്നിന് 828.90 രൂപയാണ് വില.

ഡോ.ലാൽ പാത് ലാബ്സ്
ലക്ഷ്യവിലയായി 2919 രൂപ നിശ്ചയിച്ച് ഈ ഓഹരി വാങ്ങിക്കാമെന്ന് ഐസിഐസിഐ സെക്യൂരിറ്റീസ് നിർദേശം നൽകുന്നു. 2,302 രൂപയാണ് ഇപ്പോഴത്തെ ഓഹരി വില.

സോന ബിഎൽഡബ്ല്യു പ്രിസിഷൻ ഫോർജിങ്
ടാർഗറ്റ് വിലയായി 726 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് ഐസിഐസിഐ സെക്യൂരിറ്റീസ് നിർദേശിക്കുന്നു. 568.35 രൂപയാണ് നിലവിലെ ഓഹരി വില

ഇന്ന് കൂടുതൽ നേട്ടമുണ്ടാക്കിയ ചില ഓഹരികൾ ഇനി പറയുന്നവയാണ്. ജിഎംഎം പിഫൗദ്ലെർ, റൂട്ട് മൊബൈൽ, ഫാക്ട്, വെസ്റ്റ് ലൈഫ് ഡെവലപ്മെന്റ്, ടാൻല സൊല്യൂഷൻസ്, എസ്ബിഐ ലൈഫ്, ദേവയാനി ഇന്റർനാഷണൽ, സുസ്ലോൺ എനർജി, ഡോ.ലാൽ പാത് ലാബ്സ്, ക്രെഡിറ്റ് ആക്സിസ് ഗ്രാമീൺ, ടാറ്റ സ്റ്റീൽ

ഇന്നത്തെ വ്യാപാരത്തിൽ കൂടുതൽ നഷ്ടം നേരിട്ട ചില ഓഹരികൾ ഇനി പറയുന്നവയാണ്. ശ്രീരാം ട്രാൻസ്ഫിൻ, ഇന്റലക്ട് ഡിസൈൻ, എം ആൻഡ് എം ഫിനാൻഷ്യൽ, വിആർഎൽ ലോജിസ്റ്റിക്സ്, ഇക്വിറ്റാസ് സ്മാൾ ഫിൻ, ഐബുൾ ഹൗസിങ് ഫിൻ, ജിഎച്ച്സിഎൽ, ഡോ.റെഡ്ഡീസ്, പിഎൻബി, നിപ്പോൺ ലൈഫ് എൻസി, പിരാമൾ എന്റർപ്രൈസസ്, മദർസൺ സുമി വയറിങ് ഇന്ത്യ ലിമിറ്റഡ്.

(മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും വിധത്തിലുള്ള ഓഹരി നിർദേശമല്ല, നിക്ഷേപകരുടെ അറിവിലേക്കുള്ള കാര്യങ്ങൾ‍ മാത്രമാണ്. ഓഹരിവിപണിയിലെ നിക്ഷേപം ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ സ്വന്തം ഉത്തരവാദിത്തത്തിൽ മാത്രം പണം നിക്ഷേപിക്കേണ്ടതാണ്)