ഓഹരിവിപണിയിൽ ഇടിവ്; നിഫ്റ്റി 0.26%, സെൻസെക്സ് 0.31% എന്നിങ്ങനെ നഷ്ടത്തിൽ

Stock Market News April 18: ഇന്ന് ഇന്ത്യൻ ഓഹരിവിപണികൾ നഷ്ടം നേരിട്ടു. നിഫ്റ്റി 50 സൂചിക, 46.70 പോയിന്റുകൾ (0.26%) ഇടിഞ്ഞ് 17,660.15 നിലവാരത്തിൽ വ്യാപാരം ക്ലോസ് ചെയ്തു. ബിഎസ്ഇ സെൻസെക്സ് സൂചിക 185.48 പോയിന്റുകൾ (0.31%) ഇടിഞ്ഞ് 59,725.27 നിലവാരത്തിലെത്തി. നിഫ്റ്റിയിലെ സെക്ടറുകളിൽ ഫിൻസെർവ്, എഫ്എംസിജി, മീഡിയ എന്നിവ നഷ്ടം നേരിട്ടു.

ഇന്ന് അദാനി ഓഹരികളിൽ, അദാനി ടോട്ടൽ ഗ്യാസ് ഒഴികെ എല്ലാം നഷ്ടം നേരിട്ടു. ബ്രോക്കിങ് സ്ഥാപനമായ സിഎൽഎസ്എ, ടാറ്റ മോട്ടോഴ്സ്, മാരുതി സുസുക്കി ഇന്ത്യ എന്നീ കമ്പനികളെ മുൻഗണന നൽകുന്ന ഫോർ വീലർ ഓഹരികൾ എന്ന വിഭാഗത്തിൽ ഉൾപ്പെടുത്തി. ഇതേത്തുടർന്ന് ടാറ്റ മോട്ടോഴ്സ് 2%, മാരുതി സുസുക്കി ഏകദേശം 1% എന്നിങ്ങനെ വില വർധിച്ചു.

ഇന്നലെ ഇന്ത്യൻ ഓഹരിവിപണികൾ നഷ്ടത്തിലാണ് വ്യാപാരം ക്ലോസ് ചെയ്തത്. നിഫ്റ്റി 50 സൂചിക, 121.15 പോയിന്റുകൾ (0.68%) ഇടിഞ്ഞ്, 17,706.85 നിലവാരത്തിലെത്തി. ബിഎസ്ഇ സെൻസെക്സ് സൂചിക, 497.39 പോയിന്റുകൾ (0.82%) താഴ്ന്ന് 59,933.61 നിലവാരത്തിൽ വ്യാപാരം ക്ലോസ് ചെയ്തു. നിഫ്റ്റിയിലെ സെക്ടറുകളിൽ ഫിൻസെർവ്, ഐടി, മീഡിയ, ഫാർമ സെക്ടറുകൾ നഷ്ടം നേരിട്ടു. തുടർച്ചയായ 9 ദിസവസങ്ങളിൽ ലാഭം നേടിയതിനു ശേഷമാണ് വിപണിയിൽ ഇന്നലെ ഇടിവുണ്ടായത്.


നിലവിൽ ആഗോള സൂചകങ്ങൾക്ക് വിപണിയിൽ വലിയ പ്രാധാന്യമുണ്ടെന്ന് മോട്ടിലാൽ ഓസ്വാൾ ഫിനാൻഷ്യൽ സർവീസസ്, റീടെയിൽ റിസർച്ച് ഹെഡ് സിദ്ധാർത്ഥ ഖേമ പറഞ്ഞു. ചൈനയിലെ ജിഡിപി, യുഎസ് കോർപറേറ്റ് വരുമാനക്കണക്കുകൾ, യുകെ, ജപ്പാൻ എന്നിവിടങ്ങളിലെ പണപ്പെരുപ്പ നിരക്കുകൾ തുടങ്ങിയവയ്ക്കാണ് പ്രാധാന്യമെന്നും അദ്ദേഹം അഭിപ്രായപ്പെട്ടു.

ഓപ്ഷൻ ഡാറ്റ പ്രകാരം നിഫ്റ്റിയിലെ ട്രേഡിങ് റേഞ്ച് 17,400-18,000 സോണുകളിലാണെന്നും, തൊട്ടടുടത്ത ട്രേഡിങ് റേഞ്ച് 17,500-17,850 സോൺ ആണെന്നും വിദഗ്ധർ വിലയിരുത്തുന്നു.

Also Read : 80 വന്ദേഭാരത് ട്രെയിനുകളുമായി ബന്ധപ്പെട്ട ഓർഡർ; പൊതുമേഖലാ കമ്പനിയുടെ ഓഹരിവില കുതിക്കുന്നു
ഇന്ന് പുറത്തു വരുന്ന നാലാം പാദഫലങ്ങൾ
ഐസിഐസിഐ ലൊംബാർഡ് ജനറൽ ഇൻഷുറൻസ് കമ്പനി, ആക്സിലിയ സൊല്യൂഷൻസ്, സ്കാഫ്ലർ ഇന്ത്യ, ടാറ്റ കോഫി, ക്രിസിൽ

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല

Read Latest Business News and Malayalam News