ഇന്നത്തെ ഓഹരിവിപണി വാർത്തകൾ‌; 3 ദിവസത്തെ ഇടിവിനു ശേഷം സൂചികകൾ തിരിച്ചു കയറി

Stock Market News April 20: ഇന്ന് ഇന്ത്യൻ ഓഹരിവിപണികൾ ലാഭം നേടി. നിഫ്റ്റി 50 സൂചിക 7.20 പോയിന്റുകൾ (0.03%) ഉയർന്ന് 17,624.45 നിലവാരത്തെലെത്തി. ബിഎസ്ഇ സെൻസെക്സ് സൂചിക 96.87 പോയിന്റുകൾ (0.16%) കയറി 59,664.67 നിലവാരത്തിൽ വ്യാപാരം ക്ലോസ് ചെയ്തു. നിഫ്റ്റിയിലെ സെക്ടറുകളിൽ പകുതിയിലധികവും നഷ്ടം നേരിട്ടു.

ഇന്നലെ ഇന്ത്യൻ ഓഹരിവിപണികൾ നഷ്ടം നേരിട്ടു. നിഫ്റ്റി 50 സൂചിക 41.40 പോയിന്റുകൾ (0.23%) ഇടിഞ്ഞ് 17,618.75 നിലവാരത്തിൽ വ്യാപാരം അവസാനിപ്പിച്ചു. ബിഎസ്ഇ സെൻസെക്സ് 169.16 പോയിന്റുകൾ (0.28%) താഴ്ന്ന് 59,557.85 നിലവാരത്തിൽ വ്യാപാരം ക്ലോസ് ചെയ്തു. നിഫ്റ്റിയിലെ സെക്ടറുകളിൽ മെറ്റൽ, ഫാർമ, റിയൽറ്റി, ഫിൻസെർവ് എന്നിവ മാത്രമാണ് ലാഭം നേടിയത്.


നിഫ്റ്റിക്ക് 17,450-17,550 നിലവാരത്തിൽ മികച്ച സപ്പോർട്ടുള്ളതായി ചോയിസ് ബ്രോക്കിങ് ഇക്വിറ്റി റിസർച്ച് അനലിസ്റ്റ് ദേവൻ മെഹ്ത പറഞ്ഞു. ഓപ്പൺ ഇന്ററസ്റ്റ് ഡാറ്റ പരിശോധിക്കുമ്പോൾ കാൾ സൈഡിൽ ഏറ്റവും കൂടുതലുള്ളത് 17,700 സ്ട്രൈക്ക് പ്രൈസും, പിന്നീട് 17,800 നിലവാരവുമാണ്. പുട് സൈഡിൽ 17,500 സ്ട്രൈക്ക് പ്രൈസിലാണ് ഉയർന്ന ഓപ്പൺ ഇന്ററസ്റ്റുള്ളത്. ബാങ്ക് നിഫ്റ്റിയിൽ 41,500-41,700 നിലവാരത്തിലാണ് സപ്പോർട്ടുള്ളത്. ബാങ്ക് നിഫ്റ്റിയുടെ പ്രതിരോധം 42,500-42,700 നിലവാരത്തിലാണെന്നും അദ്ദേഹം പറഞ്ഞു. ഓപ്ഷൻ വ്യാപാരം നടത്തുന്നവർ ഇന്ന് പ്രതിവാര എക്സ്പയറി ദിവസമാണെന്നത് ശ്രദ്ധിക്കുക.

ടാറ്റ കമ്മ്യൂണിക്കേഷൻ നാലാം പാദഫലങ്ങൾ പ്രഖ്യാപിച്ചു. YoY അടിസ്ഥാനത്തിൽ, വരുമാനം 0.89% വർധിച്ച് 4,568.66 കോടിയായി. അറ്റാദായം 17.22% ഇടിഞ്ഞ് 326.03 കോടിയായി. ഒരു ഓഹരിക്ക് 21 രൂപ എന്ന നിരക്കിൽ കമ്പനി, അന്തിമ ലാഭവിഹിതം പ്രഖ്യാപിച്ചിട്ടുണ്ട്.

Also Read : ഓഹരിവിപണികളിൽ വിപ്ലവത്തിന് കളമൊരുങ്ങുന്നു; ചാറ്റ് ജിപിറ്റിക്ക് വിപണിയുടെ ചലനങ്ങൾ പ്രവചിക്കാൻ സാധിക്കുമെന്ന് പഠനങ്ങൾ
ഐസിഐസിഐ സെക്യൂരിറ്റീസ് നാലാം പാദഫലങ്ങൾ പ്രഖ്യാപിച്ചു.
YoY അടിസ്ഥാനത്തിൽ, വരുമാനം 0.77% ഇടിഞ്ഞ് 884.78 കോടി രൂപയായി. അറ്റാദായം 22.81% താഴ്ന്ന് 262.68 കോടി രൂപയായി.

ഇന്ന് പുറത്തു വരുന്ന നാലാംപാദഫലങ്ങൾ
എച്ച്സിഎൽ ടെക്നോളജീസ്, ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് കമ്പനി, റിലയൻസ് ഇൻഡസ്ട്രിയൽ ഇൻഫ്രാസ്ട്രക്ചർ, സ്റ്റെർലിങ് & വിൽസൺ റിന്യൂവബിൾ എനർജി, സയന്റ്, ഓറിയന്റൽ ഹോട്ടൽസ്, രജ്നിഷ് വെൽനസ്

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ /വ്യാപാര നിർദേശങ്ങളല്ല

Read Latest Business News and Malayalam News