ഡിസംബർ 9; ഇന്ത്യൻ ഓഹരിവിപണിയിലെ പ്രധാന വാർത്തകൾ

ഇന്ന് ഇന്ത്യൻ ഓഹരിവിപണികൾ നഷ്ടം നേരിട്ടു. വ്യാപാരം അവസാനിച്ചപ്പോൾ, ബിഎസ്ഇ സെൻസെക്സ് സൂചിക 389.01 പോയിന്റുകൾ (0.62%) ഇടിഞ്ഞ് 62181.67 നിലവാരത്തിൽ ക്ലോസ് ചെയ്തു. നിഫ്റ്റി 50 സൂചിക 112.70 പോയിന്റുകൾ (0.61%) താഴ്ന്ന് 18,496.60 പോയിന്റുകളിൽ വ്യാപാരം ക്ലോസ് ചെയ്തു.

ആഗോള സൂചകങ്ങൾ പോസിറ്റീവായതിനെ തുടർന്ന് ഉണർവിലാണ് ഇന്ത്യൻ ഓഹരി വിപണികൾ വ്യാപാരം ആരംഭിച്ചത്. എ്നാൽ പെട്ടെന്നു തന്നെ വിപണികളിൽ നഷ്ടം നേരിടുകയാണ് ഉണ്ടായത്.

എച്ച്സിഎൽ ടെക്നോളജീസ്, ടെക് മഹീന്ദ്ര, ഇൻഫോസിസ്, വിപ്രോ, ഹിൻഡാൽകോ ഇൻഡസ്ട്രീസ് എന്നീ ഓഹരികൾ നിഫ്റ്റിയിൽ ഏറ്റവും കൂടുതൽ നഷ്ടം നേരിട്ടു. അതേ സമയം നെസ്ലെ ഇന്ത്യ, സൺ ഫാർമ, ഡോ.റെഡ്ഡീസ് ലബോറട്ടറീസ്, ടൈറ്റാൻ കമ്പനി, ഐഷർ മോട്ടോഴ്സ് എന്നീ കമ്പനികൾ ഏറ്റവും കൂടുതൽ ലാഭമുണ്ടാക്കി. ‌

സെക്ടറുകളുടെ അടിസ്ഥാനത്തിൽ പരിശോധിക്കുമ്പോൾ നിഫ്റ്റി ഐടി മൂന്ന് ശതമാനം ഇടിഞ്ഞു. പി എസ് യു ബാങ്ക്, മെറ്റൽ, എനർജി സെക്ടറുകൾ ഓരോന്നും 1 ശതമാനം വീതം താഴ്ച നേരിട്ടു. അതേ സമയം എഫ്എംസിജി സൂചിക 1 ശതമാനം നേട്ടമുണ്ടാക്കി.

ബിഎസ്ഇ മിഡ്ക്യാപ് ഇൻഡക്സ് 0.4% ഇടിഞ്ഞപ്പോൾ, സ്മാൾ ക്യാപ് സൂചിക 1% താഴ്ച നേരിട്ടു.

ബിഎസ്ഇയിൽ ഐടി ഇൻഡക്സ് 3% ഇടിഞ്ഞു. റിയൽറ്റി ഇൻഡക്സ് 1.5% നഷ്ടം നേരിട്ടു. മെറ്റൽ ഇൻഡക്സ് 1%, പവർ ഇൻഡക്സ് 0.9%, ഓയിൽ & ഗ്യാസ് ഇൻഡക്സ് 0.89% , ക്യാപിറ്റൽ ഗുഡ്സ് ഇൻഡക്സ്0.6% എന്നിങ്ങനെ ഇടിവ് നേരിട്ടു. അതേ സമയം എഫ്എംസിജി ഇൻഡ്ക്സ് 0.7 ശതമാനം ലാഭമുണ്ടാക്കി.

വ്യക്തിഗത സ്റ്റോക്കുകൾ പരിശോധിക്കുമ്പോൾ എച്ച്സിഎൽ ടെക്നോളജീസ്, കമ്മിൻസ് ഇന്ത്യ, പഞ്ചാബ് നാഷണൽ ബാങ്ക് എന്നീ ഓഹരികളിൽ 500 ശതമാനത്തിലധികം വോളിയം സ്പൈക് രേഖപ്പെടുത്തി.

അതേ സമയം എച്ച്സിഎൽ ടെക്നോളജീസ്, ഇന്റലക്ട് ഡിസൈൻ അരീന, ബിർള സോഫ്റ്റ് എന്നിവയിൽ ഷോർട് ബിൽഡ് അപ് രേഖപ്പെടുത്തി. കമ്മിൻസ് ഇന്ത്യ, ഗോദ്റെജ് കൺസ്യൂമർ പ്രോഡക്ടസ്, നെസ്ലെ ഇന്ത്യ എന്നീ ഓഹരികളിൽ ലോങ് ബിൽഡ് അപ് പ്രകടമായി.

ബിഎസ്ഇ യിൽ 52 ആഴ്ചയിലെ ഉയർന്ന നിലവാരത്തിലെത്തിയ ഓഹരികൾ
യൂക്കോ ബാങ്ക്, വി ഗാർഡ് ഇൻഡസ്ട്രീസ്, സൗത്ത് ഇന്ത്യൻ ബാങ്ക്, ഷാൽബി, എൽ&ടി, ആക്സിസ് ബാങ്ക്, ബാങ്ക് ഓഫ് മഹാരാഷ്ട്ര, കല്പതരു പവർ ട്രാൻസ്മിഷൻ, ഗ്രാവിറ്റ ഇന്ത്യ, സെൻട്രൽ ബാങ്ക് ഓഫ് ഇന്ത്യ

Read Latest Business News and Malayalam New