Stock Market News: വലിയ കുതിപ്പ് നടത്താനാവാതെ വിപണി; നിഫ്റ്റി 24.90 പോയിന്റുകളും, സെൻസെക്സ് 10.06 പോയിന്റുകളും ഉയർന്നു

Stock Market News Today : ഇന്ന് ഇന്ത്യൻ ഓഹരി വിപണികൾ ലാഭത്തിലാണ് വ്യാപാരം അവസാനിപ്പിച്ചത്. നിഫ്റ്റി 50 സൂചിക 24.90 പോയിന്റുകൾ (0.14%) ഉയർന്ന് 17,624.05 നിലവാരത്തിലെത്തി. ബിഎസ്ഇ സെൻസെക്സ് സൂചിക 10.06 പോയിന്റുകൾ (0.02%) കയറി 59,843.03 നിലവാരത്തിൽ വ്യാപാരം ക്ലോസ് ചെയ്തു. എൻഎസ്ഇയിലെ സെക്ടറുകളിൽ ബാങ്ക്, ഫിൻസെർവ്, എഫ്എംസിജി, പി എസ് യു ബാങ്ക് എന്നിവ നഷ്ടം നേരിട്ടു. അദാനി ഓഹരികളെല്ലാം ഇന്ന് ലാഭം നേടി.
ഇത് തുടർച്ചയായ ആറാമത്തെ വ്യാപാര സെഷനിലാണ് നിഫ്റ്റിയും, സെൻസെക്സും 4% ൽ അധികം ലാഭം നേടുന്നത്. ഡിസംബർ 1 ന് ശേഷം നിഫ്റ്റി 50 തുടർച്ചയായി ലാഭം നേടുന്നത് ഇപ്പോഴാണ്.

കഴിഞ്ഞ വ്യാഴാഴ്ച്ച ഇന്ത്യൻ ഓഹരിവിപണികൾ ലാഭം നേടി. നിഫ്റ്റി 50 സൂചിക 42.10 പോയിന്റുകൾ (0.24%) ഉയർന്ന് 17,599.15 നിലവാരത്തിലെത്തി. ബിഎസ്ഇ സെൻസെക്സ് സൂചിക 143.66 പോയിന്റുകൾ (0.24%) ഉയർന്ന് 59,832.97 നിലവാരത്തിൽ വ്യാപാരം ക്ലോസ് ചെയ്തു.


പലിശ നിരക്കുകളിൽ മാറ്റം വരുത്തേണ്ടെന്ന ആർബിഐ തീരുമാനം, കഴിഞ്ഞയാഴ്ച്ച വിപണികളിൽ ഉണർവിന് കാരണമായിരുന്നു. എന്നാൽ ആഗോള സാമ്പത്തിക മാന്ദ്യ സൂചനകൾ, യുഎസിലെ മാന്ദ്യത്തിനുള്ള സാധ്യതകൾ എന്നിവ, സമീപകാലത്ത് മാർക്കറ്റ് റേഞ്ച് ബൗണ്ട് നിലയിലേക്ക് പോകാൻ സാധ്യതയുണ്ടെന്ന സൂചനകളും നൽകുന്നതായി വിദഗ്ധർ വിലയിരുത്തുന്നു.

കമ്പനികളുടെ നാലാം പാദഫലങ്ങൾ ഈയാഴ്ച്ച മുതൽ പുറത്തു വന്നു തുടങ്ങും. ഈ സാഹചര്യത്തിൽ സ്റ്റോക്ക് സ്പെസിഫിക് ആക്ഷന് സാധ്യത കൂടുതലാണ്. യുഎസിലെ ബാങ്കിങ് തകർച്ചയും,മാന്ദ്യ സൂചനകളും ടെക് കമ്പനികളുടെ പ്രകടനത്തെ ബാധിച്ചേക്കാമെന്ന ആശങ്ക ശക്തമാണ്. ഇതിനാൽത്തന്നെ ടിസിഎസ്, ഇൻഫോസിസ് തുടങ്ങിയ മുൻനിര കമ്പനികളുടെ പ്രകടനത്തിലേക്കാണ് വിപണിയുടെ ശ്രദ്ധ പതിയുന്നത്.

Also Read : 34 പൈസയിൽ നിന്ന് 15.62 രൂപയിലേക്ക്; 4500% നേട്ടം നൽകിയ കെമിക്കൽ ഓഹരി
നിഫ്റ്റിയുടെ സമീപകാല ട്രെൻഡ് പോസിറ്റീവാണെന്ന് വിദഗ്ധർ വിലയിരുത്തുന്നു. ഉയർന്ന നിലകളിൽ കൺസോളിഡേഷനുള്ള സാധ്യതയുമുണ്ട്. തൊട്ടടുത്ത സപ്പോർട്ട് 17,500 നിലവാരത്തിലാണ്. 17,600-17,700 നിലവാരങ്ങളിൽ അപ് സൈഡ് ബ്രേക്കൗട്ടിനുള്ള സാധ്യതകളും വിദഗ്ധർ പ്രവചിക്കുന്നു.

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല

Read Latest Business News and Malayalam News