Stock Market News Today :തുടർച്ചയായ 8ാം ദിവസവും, നിഫ്റ്റിയിലും, സെൻസെക്സിലും കുതിപ്പ്; ഇന്നത്തെ ഓഹരിവിപണി വാർത്തകൾ

Stock Market News Today : ഇന്നും ഇന്ത്യൻ ഓഹരിവിപണികൾ ലാഭത്തിലാണ് വ്യാപാരം അവസാനിപ്പിച്ചത്. ഇത് തുടർച്ചയായ എട്ടാമത്തെ ദിവസമാണ് സൂചികകൾ നേട്ടമുണ്ടാക്കുന്നത്. നിഫ്റ്റി 50 സൂചിക 90.10 പോയിന്റുകൾ (0.46%) ഉയർന്ന് 17,812.40 നിലവാരത്തിൽ വ്യാപാരം അവസാനിപ്പിച്ചു. ബിഎസ്ഇ സെൻസെക്സ് സൂചിക 246.90 പോയിന്റുകൾ (0.41%) കയറി 60,404.62 നിലവാരത്തിൽ വ്യാപാരം ക്ലോസ് ചെയ്തു.

ടാറ്റ കൺസൾട്ടൻസി ലിമിറ്റ‍ഡ്, ഇൻഫോസിസ് അടക്കമുള്ള കമ്പനികളുടെ പാദഫലങ്ങൾ പുറത്തു വരാനിരിക്കെ ഐടി സെക്ടർ ഇന്ന് 0.1% വരെ ഉയർച്ച നേടി. അദാനി ഓഹരികളിൽ പകുതിയലധികവും ഇന്ന് നഷ്ടത്തിലാണ് വ്യാപാരം അവസാനിപ്പിച്ചത്. ഇന്ത്യയിലെ ഉപഭോക്തൃവില സൂചികയെ അടിസ്ഥാനമാക്കിയുള്ള പണപ്പെരുപ്പം മാർച്ചിൽ കുറഞ്ഞതായുള്ള റിപ്പോർട്ടുകൾ വിപണിക്ക് ആശ്വാസമായി. 2023 ൽ ആദ്യമായി റിസർവ് ബാങ്ക് നിശ്ചയിച്ച പരിധിക്ക് താഴെയാണ് 5.80% എന്ന തോതിലുള്ള നിരക്ക്.

ഇന്നലെ ഇന്ത്യൻ ഓഹരിവിപണികൾ നേട്ടത്തിലാണ് വ്യാപാരം ക്ലോസ് ചെയ്തത്. നിഫ്റ്റി 50 സൂചിക, 98.25 പോയിന്റുകൾ (0.56%) ഉയർന്ന് 17,722.30 നിലവാരത്തിൽ വ്യാപാരം ക്ലോസ് ചെയ്തു. ബിഎസ്ഇ സെൻസെക്സ് സൂചിക 313.19 പോയിന്റുകൾ (0.52%) വർധിച്ച് 60,159.70 നിലവാരത്തിൽ വ്യാപാരം ക്ലോസ് ചെയ്തു. തുടർച്ചയായ ഏഴാമത്തെ ദിവസമാണ് നിഫ്റ്റി നേട്ടമുണ്ടാക്കുന്നത്. ഇന്ന് ടാറ്റ കൺസൾട്ടൻസി സർവീസസിന്റെ നാലാം പാദഫലങ്ങൾ പുറത്തു വരും.



നാലാം പാദഫലങ്ങൾ പുറത്തു വരുന്നതിനാൽ വിപണി പോസിറ്റീവായി നിലകൊള്ളാൻ സാധ്യതയുണ്ടെന്ന് മോട്ടിലാൽ ഓസ്വാൾ റീടെയിൽ റിസർച്ച് വിഭാഗം മേധാവി സിദ്ധാർത്ഥ ഖെമ അഭിപ്രായപ്പെട്ടു. നിക്ഷേപകർ, യുഎസ്, ചൈന, ഇന്ത്യ എന്നിവിടങ്ങളിലെ പണപ്പെരുപ്പ നിരക്കുകൾ ശ്രദ്ധിച്ചാൽ കേന്ദ്ര ബാങ്കിന്റെ നടപടികളെ സംബന്ധിച്ച സൂചനകൾ ലഭിക്കുമെന്നും അദ്ദേഹം പറഞ്ഞു.

Also Read : സ്വർണവില വർധന മണപ്പുറം ഓഹരികൾക്ക് തിളക്കമേകുന്നു; 52 ആഴ്ച്ചയിലെ പുതിയ ഉയർന്ന നിലവാരം
17,750-17,800 നിലവാരത്തിലാണ് പ്രതിരോധമുള്ളത്. ഈ നിലവാരം മറികടന്നാൽ 18,200 നിലവാരം വരെ സൂചിക ഉയരാൻ സാധ്യതയുണ്ടെന്നും അവർ പറഞ്ഞു.

Disclaimer : Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക

Read Latest Business News and Malayalam News