ബുള്ളിഷ് മൂഡിൽ ഇന്ത്യൻ വിപണി.. നാളെ വാച്ച് ലിസ്റ്റിൽ സൂക്ഷിക്കാനുള്ള സ്റ്റോക്കുകൾ ഇവയാണ്

ആഗോള വിപണികളുടെ ചുവടു പിടിച്ച് ഇന്ത്യൻ വിപണികൾ കയറ്റത്തിന് ശ്രമിച്ച ദിവസമായിരുന്നു ഇന്ന്. നിഫ്റ്റി 50 സൂചിക 42.70 പോയിന്റുകൾ ഉയർന്ന് 17,388.15 ലാണ് ക്ലോസ് ചെയ്തത്. എന്നാൽ നിഫ്റ്റിയിലെ ഫിൻസെർവ്, ഐടി മേഖലകൾ ഒഴികെയുള്ളവ നഷ്ടത്തിലാണ് ക്ലോസ് ചെയ്തത്. ബാങ്ക് നിഫ്റ്റി 34.75 പോയിന്റുകൾ ഇടിഞ്ഞു. ബിഎസ്ഇ സെൻസെക്സ് 255.02 പോയിന്റുകൾ ഉയർന്ന് 58391.38 പോയിന്റുകളിലാണ് വ്യാപാരം അവസാനിപ്പിച്ചത്.

ആഗോളവിപണികളിൽ യുഎസ് മാർക്കറ്റ് കയറ്റിറക്കങ്ങളിലായിരുന്നു. യൂറോപ്യൻ മാർക്കറ്റുകളെല്ലാം ഉയർന്നപ്പോൾ ഏഷ്യൻ വിപണികളിൽ ചൈനീസ് വിപണി മാത്രം നേരിയ നഷ്ടം നേരിട്ടു.

ഓപ്ഷൻ വ്യാപാരം നടത്തുന്നവർ നാളെ ആഴ്ചയിലെ എക്സ്പയറി ദിവസമാണെന്ന് ഓർത്തിരിക്കേണ്ടതാണ്. ആർബിയുടെ ധനനയം അടുത്ത ദിവസങ്ങളിൽ പുറത്തു വരാനിരിക്കുന്നതും വിപണിയെ സ്വാധീനിക്കുന്ന ഘടകമാണ്. 50 ബേസിസ് പോയിന്റിന്റെയെങ്കിലും വർധനയാണ് പലിശ നിരക്കുകളിൽ വിദഗ്ധർ പ്രവചിക്കുന്നത്. ഇതിന്റെ ഫലമായി ബാങ്കുകൾ പലിശ നിരക്ക് വർധിപ്പിക്കാൻ നിർബന്ധിതമാവും. ഇത് ബാങ്കുകളുടെ ലാഭം വർധിപ്പിക്കും. അതിനാൽ‍ത്തന്നെ ഈ രീതിയിലാണ് പ്രഖ്യാപനമെങ്കിൽ ബാങ്കിങ് ഓഹരികൾ നേട്ടമുണ്ടാക്കാൻ സാധ്യതയുണ്ട്.

നാളെ വാച്ച്ലിസ്റ്റിൽ പരിഗണിക്കാവുന്ന ഏതാനും ഓഹരികൾ താഴെ നൽകിയിരിക്കുന്നു.

ലെമൺ ട്രീ ഹോട്ടൽസ്
ടാർഗറ്റ് വിലയായി 84 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് ഐസിഐസിഐ സെക്യൂരിറ്റീസ് നിർദേശിക്കുന്നു. 65.90 രൂപയാണ് നിലവിലെ ഓഹരി വില.

ഗതി ലിമിറ്റഡ്
ഈ ഓഹരി വാങ്ങാനാണ് ഐസിഐസിഐ സെക്യൂരിറ്റീസ് നിർദേശിക്കുന്നത്. 250 രൂപയാണ് ലക്ഷ്യമായി നിശ്ചയിച്ചിരിക്കുന്നത്. നിലവിലെ ഓഹരി വില 158.60 രൂപയാണ്.

ബ്രിഗേഡ് എന്റർപ്രൈസസ്
573 രൂപ ലക്ഷ്യമായി നിശ്ചയിച്ച് ഈ ഓഹരി വാങ്ങാമെന്ന് ഐസിഐസിഐ സെക്യൂരിറ്റീസ് നിർദേശിക്കുന്നു. ഇപ്പോൾ ഓഹരിയൊന്നിന് 508 രൂപയാണ് വില.

മെട്രോ ബ്രാൻഡ്സ്
ലക്ഷ്യവിലയായി 821 രൂപ നിശ്ചയിച്ച് ഈ ഓഹരി വാങ്ങിക്കാമെന്ന് സെൻട്രം ബ്രോക്കിങ് നിർദേശം നൽകുന്നു.762.30 രൂപയാണ് ഇപ്പോഴത്തെ ഓഹരി വില.

ബജാജ് കൺസ്യൂമർ കെയർ
ടാർഗറ്റ് വിലയായി 221 രൂപ നിശ്ചയിച്ച് കമ്പനിയുടെ ഓഹരി വാങ്ങാമെന്ന് സെൻട്രം ബ്രോക്കിങ് നിർദേശിക്കുന്നു. 163.30 രൂപയാണ് നിലവിലെ ഓഹരി വില. ഈ ഓഹരി വാങ്ങാനാണ് ഐസിഐസിഐ സെക്യൂരിറ്റീസും നിർദേശിക്കുന്നത്. 250 രൂപയാണ് ലക്ഷ്യമായി നിശ്ചയിച്ചിരിക്കുന്നത്.

(മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും വിധത്തിലുള്ള ഓഹരി നിർദേശമല്ല, നിക്ഷേപകരുടെ അറിവിലേക്കുള്ള കാര്യങ്ങൾ‍ മാത്രമാണ്. ഓഹരിവിപണിയിലെ നിക്ഷേപം ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ സ്വന്തം ഉത്തരവാദിത്തത്തിൽ മാത്രം പണം നിക്ഷേപിക്കേണ്ടതാണ്)