യുഎഇയിലെ മഴ: ലഭിച്ചത് ക്ലൗഡ് സീഡിങ് വഴി

യുഎഇയില്‍ കനത്ത മഴ ലഭിച്ചത് ക്ലൗഡ് സീഡിങ് പദ്ധതിയിലൂടെയാണെന്ന് ദേശീയ കാലാവസ്ഥ കേന്ദ്രത്തിലെ ശാസ്ത്രജ്ഞര്‍. മഴ ലഭിക്കാനായി 58 തവണക്ലൗഡ് സീഡിങ് നടത്തി. ഇത്തരത്തില്‍ 10 മുതല്‍ 30 ശതമാനം വരെ മഴ വര്‍ദ്ധിപ്പിക്കുവാന്‍ കഴിയും.

അന്തരീക്ഷത്തിൽ മേഘങ്ങളുടെ ഘടനയിൽ വ്യത്യാസം വരുത്തി കൃത്രിമമഴ‌ പെയ്യിക്കുന്ന രീതിയെ ക്ലൗഡ് സീഡിംഗ് എന്നു പറയുന്നത്. മേഘങ്ങളിൽ, മഴപെയ്യുവാൻ വേണ്ടി നടക്കുന്ന സൂക്ഷ്മഭൗതികപ്രവർത്തനങ്ങൾ, രാസപദാർത്ഥങ്ങൾ ഉപയോഗിച്ച് സൃഷ്ടിച്ചാണ്‌ ഇത് ചെയ്യുന്നത്. ഇത് സാധാരണരീതിയിൽ മഴ പെയ്യിക്കുന്നതിനോ, കൃത്രിമമഞ്ഞ് വരുത്തുന്നതിനോ ആണ്‌ ഉപയോഗിക്കുന്നത്. കൂടാതെ മൂടൽ മഞ്ഞ് കുറക്കുന്നതിനും ഈ പ്രവർത്തനം ഉപയോഗിക്കുന്നു.
English Summary: Cloud seeding has increased rainfall in UAE, says NCMS