സൈബര്‍ ആക്രമണം ബാധിച്ചത് 2 ലക്ഷം കമ്പ്യൂട്ടര്‍ ശൃംഘലകളെ

ലണ്ടന്‍: ലോകത്തെ പിടിച്ചുകുലുക്കിയ റാന്‍സംവെയര്‍ സൈബര്‍ ആക്രമണം ഇതുവരെ ബാധിച്ചത് 150 രാജ്യങ്ങളിലെ 200000 കമ്പ്യൂട്ടര്‍ ശൃംഘലകളെ. തിങ്കളാഴ്‍ച കമ്പ്യൂട്ടര്‍ ശൃംഘലകള്‍ വീണ്ടും പ്രവര്‍ത്തിച്ചു തുടങ്ങുമ്പോള്‍ ഇനിയും പ്രശ്‍നങ്ങള്‍ ഉണ്ടായേക്കാമെന്ന് യൂറോപ്യന്‍ യൂണിയന്‍ നയ സമിതിയായ യൂറോപോളിന്‍റെ തലവന്‍ റോബ് വെയിന്‍‍റൈറ്റ് പറഞ്ഞു.

സൈബര്‍ ആക്രമണം ഏഷ്യയില്‍ വലിയ ചലനങ്ങള്‍ ഉണ്ടാക്കിയില്ലെങ്കിലും തിങ്കളാഴ്‍ച ചില പ്രശ്‍നങ്ങള്‍ നേരിട്ടേക്കാമെന്നാണ് കരുതപ്പെടുന്നത്. തിങ്കളാഴ്‍ച ഓഫീസുകള്‍ തുറന്ന് പ്രവര്‍ത്തിക്കാന്‍ തുടങ്ങുമ്പോള്‍ ആക്രമണം വീണ്ടും ഉണ്ടായേക്കാമെന്നാണ് വിദ‍ഗ്‍ധര്‍ മുന്നറിയിപ്പു നല്‍കുന്നു. ഇമെയില്‍ വഴിയുള്ള ആക്രമണം ഇനിയും നടന്നേക്കാമെന്ന് സിംഗപ്പൂര്‍ ആസ്ഥാനമായുള്ള സൈബര്‍ സുരക്ഷാ വിദ‍ഗ്‍ധന്‍ ക്രിസ്‍റ്റ്യന്‍ കരാം പറഞ്ഞു.

ഇന്ത്യ ഉള്‍പ്പെടെയുള്ള രാജ്യങ്ങളെ സൈബര്‍ ആക്രമണം ബാധിച്ചിട്ടുണ്ട്. ആഗോളതലത്തില്‍ ബാങ്, ആശുപത്രികള്‍, സര്‍ക്കാര്‍ സ്ഥാപനങ്ങള്‍ എന്നിവയെ ആണ് ആക്രമണം ബാധിച്ചിട്ടുള്ളത്. ഇതിനു പിന്നിലുള്ളവരെ കണ്ടെത്താനുള്ള ശ്രമങ്ങള്‍ നടന്നുവരികയാണ്.

Cyberattack hits two lakh in 150 nations, number may rise

Investigators are looking for those behind the hack that affected systems at banks, hospitals and government agencies globally, media reports said.