ഡല്ഹി സര്വകലാശാലയില് വിവിധ കോഴ്സുകളിലേക്കുള്ള പ്രവേശനത്തിന് അപേക്ഷിച്ചു തുടങ്ങാം. ബിരുദ, ബിരുദാനന്തര, എംഫില്, പിഎച്ച്ഡി, കോഴ്സുകളിലേക്കുള്ള പ്രവേശനത്തിനായി ഇപ്പോള് അപേക്ഷിക്കാം. പ്രവേശനത്തിനായി രജിസ്റ്റര് ചെയ്യാനുള്ള പോര്ട്ടല് ഇന്ന് മുതല് തുറന്നിട്ടുണ്ട്. സിബിഎസ്ഇ ഫലപ്രഖ്യാപനത്തിന് ശേഷം മാര്ക്ക് അപ്ലോഡ് ചെയ്യാനുള്ള പോര്ട്ടല് തുറക്കുമെന്ന് സര്വകലാശാല അക്കാദമിക് കമ്മിറ്റി അറിയിച്ചു.
കൊവിഡ് 19 ന്റെ പശ്ചാത്തലത്തില് അഅപേക്ഷയും പ്രവേശന നടപടികളും നീണ്ടു പോവുകയായിരുന്നു. കഴിഞ്ഞ വര്ഷം മെയ് 30 മുതല് ജൂണ് 22 വരെയാണ് പ്രവേശനം നടത്തിയത്. ഇത്തവണ ഇത് നീണ്ടു പോയി. ഡല്ഹി സര്വകലാശാലയുടെ കീഴില് വരുന്ന കോളേജുകളിലേക്കുള്ള പ്രവേശന നടപടികളാണ് ഇപ്പോള് നടക്കുന്നത്.
Also Read: AIIMS PG 2020: ഫലം പ്രഖ്യാപിച്ചു
അപേക്ഷിക്കാന് du.ac.in എന്ന വെബ്സൈറ്റ് സന്ദര്ശിക്കാം. അപേക്ഷ സമര്പ്പിക്കാനുള്ള അവസാന തീയതി ജൂലൈ 4 ആണ്.