സാങ്കേതിക വിദ്യാഭ്യാസവകുപ്പിന്റെ കീഴിലുള്ള ഗവ. ഇന്സ്റ്റിറ്റ്യൂട്ട് ഓഫ് ഫാഷന് ഡിസൈനിംഗ്, ഗവ അംഗീകൃത പ്രൈവറ്റ് ഫാഷന് ഡിസൈനിംഗ് സ്കൂളുകളിലും നടത്തുന്ന രണ്ടു വര്ഷത്തെ ഫാഷന് ഡിസൈനിംഗ് സര്ട്ടിഫിക്കറ്റ് കോഴ്സില് പ്രവേശനത്തിന് അപേക്ഷിക്കാനുള്ള അവസാന തീയതി നവംബര് 28 വരെ നീട്ടി.
അപേക്ഷാഫോമും വിശദവിവരങ്ങള് അടങ്ങിയ പ്രോസ്പക്ടസും www.sitttrkerala.ac.in ല് നിന്ന് ഡൗണ്ലോഡ് ചെയ്യാം. ഡൗണ്ലോഡ് ചെയ്ത് പൂരിപ്പിച്ച അപേക്ഷ, സ്വയം സാക്ഷ്യപ്പെടുത്തിയ നിര്ദിഷ്ട സര്ട്ടിഫിക്കറ്റുകളുടെ പകര്പ്പുകള്, രജിസ്ട്രേഷന് ഫീസ് ആയി 25 രൂപ എന്നിവ സഹിതം പ്രവേശനം ആഗ്രഹിക്കുന്ന സ്ഥാപനത്തില് 28ന് വൈകിട്ട് നാലുമണിക്കുള്ളില് സമര്പ്പിക്കണം.
എസ്.എസ്.എല്.സിയാണ് അടിസ്ഥാന യോഗ്യത. ഉയര്ന്ന പ്രായപരിധിയില്ല. അപേക്ഷാസമര്പ്പണത്തിനും അഡ്മിഷന് പ്രക്രിയയിലും കോവിഡ് ആരോഗ്യസുരക്ഷാമാനദണ്ഡങ്ങള് കര്ശനമായി പാലിക്കണം.
വസ്ത്ര നിര്മ്മാണം, അലങ്കാരം, രൂപകല്പന, വിപണനം എന്നീ മേഖലകളില് ശാസ്ത്രീയമായ പരിശീലനം നല്കും. പരമ്പരാഗത വസ്ത്ര നിര്മ്മാണ മേഖലകളില് വൈദഗ്ധ്യം നേടുന്നതിനോടൊപ്പം കമ്പ്യൂട്ടര് അധിഷ്ഠിത ഫാഷന് ഡിസൈനിംഗിലും പ്രാവീണ്യം നേടാന് അവസരം ലഭിക്കും.
Also Read: അഭ്യൂഹങ്ങള്ക്ക് വിരാമം; 2021 സി.ബി.എസ്.ഇ ബോര്ഡ് പരീക്ഷകള് എന്നു മുതല്?
വസ്ത്ര നിര്മ്മാണ മേഖലയിലെ പുതിയ മാറ്റങ്ങള് കൂടി ഉള്പ്പെടുത്തി 2017 ല് കരിക്കുലം പരിഷ്ക്കരിച്ചിട്ടുണ്ട്. ആറാഴ്ച നീളുന്ന ഇന്ഡസ്ട്രി ഇന്റേണ്ഷിപ്പ്, വ്യക്തിത്വ മികവും ഇംഗ്ലീഷ് ഭാഷാ നൈപുണ്യം വര്ദ്ധിപ്പിക്കാനുള്ള കമ്മ്യൂണിക്കേറ്റീവ് ഇംഗ്ലീഷ് പരിശീലനവും കോഴ്സിന്റെ സവിശേഷതയാണ്. ജോലിക്ക് പുറമേ ബിസിനസ്സ് സംരംഭങ്ങള് ആരംഭിക്കാനും വിദ്യാര്ത്ഥികള്ക്ക് കോഴ്സ് സഹായമാകും.