സംസ്ഥാനത്തെ ഗവണ്മെന്റ് ലോ കോളേജുകളിലെ അഞ്ച്/മൂന്ന് വര്ഷ എല്.എല്.ബി കോഴ്സില് കായിക താരങ്ങള്ക്ക് സംവരണം ചെയ്തിട്ടുള്ള സീറ്റുകളില് പ്രവേശനത്തിന് കേരള സ്റ്റേറ്റ് സ്പോര്ട്സ് കൗണ്സില് അപേക്ഷ ക്ഷണിച്ചു.
സംസ്ഥാന എന്ട്രന്സ് കമ്മീഷണര്ക്ക് സമര്പ്പിക്കുന്ന അപേക്ഷയുടെ ഫോട്ടോസ്റ്റാറ്റ് കോപ്പി, യോഗ്യത സര്ട്ടിഫിക്കറ്റുകളുടെയും, സ്പോര്ട്സില് പ്രാവീണ്യം തെളിയിക്കുന്ന സര്ട്ടിഫിക്കറ്റുകളുടെയും സാക്ഷ്യപ്പെടുത്തിയ ഫോട്ടോസ്റ്റാറ്റ് സഹിതം സെക്രട്ടറി, കേരള സ്റ്റേറ്റ് സ്പോര്ട്സ് കൗണ്സില്, തിരുവനന്തപുരം-1 എന്ന വിലാസത്തില് 18നകം അപേക്ഷ സമര്പ്പിക്കണം. സംസ്ഥാന എന്ട്രന്സ് കമ്മീഷണറുടെ പ്രോസ്പെക്ടസില് പ്രതിപാദിച്ചിരിക്കുന്ന നിബന്ധനകള് സ്പോര്ട്സ് ക്വാട്ടാ പ്രവേശനത്തിനു ബാധകമാണ്.
2018 ഏപ്രില് മുതല് 2020 മാര്ച്ച്വരെയുള്ള കാലയളവില് എഡ്യൂക്കേഷണല് ഡിസ്ട്രിക്റ്റ്/സബ് ഡിസ്ട്രിക്റ്റ് സ്കൂള് ചാമ്പ്യന്ഷിപ്പില് പങ്കെടുത്ത് മൂന്നാം സ്ഥാനം വരെ നേടുന്നതാണ് മൂന്ന് വര്ഷ കോഴ്സില് സ്പോര്ട്സ് ക്വാട്ട പ്രവേശനത്തിനുള്ള കുറഞ്ഞ യോഗ്യത.
Also Read: NEET, JEE: പരീക്ഷകള് റദ്ദാക്കുമോ?
2018 ഏപ്രില് ഒന്ന് മുതല് 2020 മാര്ച്ച് 31 വരെയുള്ള കാലഘട്ടങ്ങളില് കേരള സ്റ്റേറ്റ് സ്പോര്ട്സ് കൗണ്സില് അംഗീകരിച്ചിട്ടുള്ള കായികയിനങ്ങളില് ജില്ലയെ പ്രതിനിധീകരിച്ച് സംസ്ഥാന ജൂനിയര്/യൂത്ത് മത്സരങ്ങളില് പങ്കെടുത്ത് മൂന്നാം സ്ഥാനം നേടിയതാണ് അഞ്ച് വര്ഷ എല്.എല്.ബി കോഴ്സിനുള്ള കുറഞ്ഞ യോഗ്യത.