കൊവിഡ് 19 ന്റെ സാഹചര്യം കണക്കിലെടുത്ത് ജൂലൈ സെഷനില് പ്രവേശനം ആഗ്രഹിക്കുന്ന വിദ്യാര്ത്ഥികള്ക്ക് ഇന്ദിരാഗാന്ധി നാഷണല് ഓപ്പണ് യൂണിവേഴ്സിറ്റി (ഇഗ്നോ) താല്ക്കാലിക പ്രവേശനം അനുവദിക്കും. പ്രവേശനത്തിനുള്ള യോഗ്യതാ പരീക്ഷയുടെ സര്ട്ടിഫിക്കറ്റുകള് ഹാജരാക്കാതെ തന്നെ പ്രവേശനം സാധ്യമാക്കാനാണ് സര്വകലാശാലയുടെ തീരുമാനം. എല്ലാ സര്വാകലാലകളിലും ബോര്ഡുകളിലും വിദ്യാഭ്യാസ സ്ഥാപനങ്ങളിലും പരീക്ഷ നടത്തിപ്പും ഫലം പ്രഖ്യാപിക്കലുമടക്കമുള്ള കാര്യങ്ങള് അനന്തമായി നീണ്ടു പോയ സാഹചര്യത്തിലാണിത്. വിദ്യാര്ത്ഥികളുടെ ഫലത്തിനായി കാത്തു നിന്നാല് അത് പുതിയ കോഴ്സുകളുടെ പ്രവേശന നടപടികളെ ബാധിക്കും. അതേസമയം വിദ്യാര്ത്ഥികള്ക്ക് ഇഗ്നോ സര്ട്ടിഫിക്കറ്റുകള് ഹാജരാക്കാന് ഡിസംബര് 31 വരെ സമയം നല്കുന്നുണ്ട്. അതിനിടയില് ഹാജരാക്കിയില്ലെങ്കില് പ്രവേശനം റദ്ദാവും.
ഇഗ്നോയില് പ്രവേശനം ആഗ്രഹിക്കുന്ന വിദ്യാര്ത്ഥികള് സര്വകലാശാല പറയുന്ന നിബന്ധനകള് പാലിക്കണം. അണ്ടര് ഗ്രാജ്വേറ്റ് കോഴ്സുകള്ക്ക് പ്രവേശം തേടുന്നവര് പ്ലസ്ടു പരീക്ഷകള് എഴുതിയെന്നതിന്റെ തെളിവ് ഹാജരാക്കേണ്ടതുണ്ട്. പി.ജി കോഴ്സുകള്ക്ക് ചേരുന്നവര് ഡിഗ്രി കോഴ്സുകളുടെ രണ്ടാം വര്ഷം അല്ലെങ്കില് അഞ്ചാം സെമസ്റ്റര് പാസ് സര്ട്ടിഫിക്കറ്റ് ഹാജരാക്കണം.
Also Read: NEET 2020: ഫലം ഇവിടെ പരിശോധിക്കാം
യു.ജി.സി നിര്ദേശങ്ങള് പ്രകാരം ഇത്തവണ ഇഗ്നോ വിദ്യാര്ത്ഥികള്ക്ക് പ്രൊവിഷണല് പ്രവേശനം അനുവദിക്കും.