ഇഗ്നോ ജനുവരി 2021 സെഷനിലേക്കുള്ള റീ-രജിസ്‌ട്രേഷന്‍: തീയതി നീട്ടി

ജനുവരി 2021 സെഷനിലേക്കുള്ള റീ-രജിസ്‌ട്രേഷന്‍ ചെയ്യാനുള്ള അവസാന തീയതി നീട്ടി ഇന്ദിരാ ഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റി (ഇഗ്നോ). ജനുവരി 31 വരെ റീ-രജിസ്‌ട്രേഷന്‍ നടത്താന്‍ അവസരമുണ്ട്.

ബിരുദ, ബിരുദാനന്തര ബിരുദ, സെമസ്റ്റര്‍ പ്രോഗ്രാമുകളിലേക്ക് രജിസ്റ്റര്‍ ചെയ്തിട്ടുള്ളവര്‍ക്ക് അടുത്ത വര്‍ഷത്തേക്ക് അല്ലെങ്കില്‍ സെമസ്റ്ററിലേക്ക് രജിസ്റ്റര്‍ ചെയ്യാം. മുന്‍ സെമസ്റ്ററിലെ ടേം എന്റ് പരീക്ഷയെഴുതാത്തവര്‍ക്കും രജിസ്റ്റര്‍ ചെയ്യാം.

ക്ഷീര കര്‍ഷകരുടെ കുട്ടികള്‍ക്കായുള്ള വിദ്യാഭ്യാസ ധനസഹായ പദ്ധതിയിലേക്ക് അപേക്ഷിക്കാം
ഇഗ്നോ ജനുവരി 2021 സെഷനിലേക്ക് റീ-രജിസ്റ്റര്‍ ചെയ്യാന്‍ ഇഗ്നോയുടെ ഔദ്യോഗിക വെബ്‌സൈറ്റായ ignou.ac.in സന്ദര്‍ശിക്കുക. പോര്‍ട്ടലില്‍ ലോഗിന്‍ ചെയ്യണം. തുടര്‍ന്ന് New Registration എന്ന ലിങ്കില്‍ ക്ലിക്ക് ചെയ്യുക. നിങ്ങളുടെ മൊബൈല്‍ നമ്പറും ഇമെയില്‍ ഐഡിയും നല്‍കണം. നേരത്തെ പോര്‍ട്ടലില്‍ രജിസ്റ്റര്‍ ചെയ്തിട്ടുള്ളവരാണെങ്കില്‍ യൂസര്‍നെയിമും പാസ്വേര്‍ഡും ഉപയോഗിച്ച് ലോഗിന്‍ ചെയ്യുക.