JIPMER ബി.എസ്.സി പ്രവേശന പരീക്ഷക്ക് അപേക്ഷിക്കാം

പുതുച്ചേരി ജവഹര്‍ലാൽ ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജ്വേറ്റ് മെഡിക്കൽ എജ്യുക്കേഷൻ ആൻഡ് റിസര്‍ച്ച് (ജിപ്മര്‍) വിവിധ ബി.എസ്.സി കോഴ്സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ഏപ്രിൽ 21 മുതൽ മേയ് 20 വരെ വിദ്യാര്‍ഥികൾക്ക് അപേക്ഷാ രജിസ്ട്രേഷൻ നടത്താം.

ബി.എസ്.സി നേഴ്സിങ് പ്രോഗ്രാം കൂടാതെ മെഡിക്കൽ ലബോറട്ടറി ടെക്നോളജി, അനസ്തേഷ്യ ടെക്നോളജി, കാര്‍ഡിയാക് ലബോറട്ടറി ടെക്നോളജി, ഡയാലിസിസ് ടെക്നോളജി, ബ്ലഡ് ബാങ്കിങ് ടെക്നോളജി, റേഡിയോ ഡയഗണോസിസ് ടെക്നോളജി, ന്യൂറോ ടെക്നോളജി, ന്യൂക്ലിയ‍ര്‍ മെഡിസിൻ ടെക്നോളജി, പെര്‍ഫ്യൂഷൻ ടെക്നോളജി, റേഡിയോ തെറാപ്പി ടെക്നോളജി, ക്ലിനിക്കൽ ന്യൂട്രീഷ്യൻ തുടങ്ങിയ കോഴ്സുകളാണ് ഇവിടെ ഉള്ളത്.

പ്രധാനപ്പെട്ട തീയതികൾ

1. ഓൺലൈൻ രജിസ്ട്രേഷൻ - ഏപ്രിൽ 21
2. അവസാന തീയതി - മേയ് 20
3. ഹാൾ ടിക്കറ്റ് - ജൂൺ ആദ്യ ആഴ്ച
4. ജിപ്മര്‍ ബി.എസ്.സി പരീക്ഷ - ജൂൺ 21
5. പരീക്ഷാഫലം - ജൂൺ അവസാന ആഴ്ച
6. ആദ്യ കൗൺസിലിംഗ് - ജൂലൈ 8
7. അവസാന കൗൺസിലിംഗ് - ആഗസ്റ്റ് 12
8. അഡ്മിഷൻ അവസാന തീയതി - ആഗസ്റ്റ് 31
9. എം.ഡി, എം.എസ് പരീക്ഷ - മേയ് 17
10. എം.എസ്.സി, മറ്റ് അനുബന്ധ കോഴ്സുകൾ - ജൂൺ 21
11. എം.ഡി, എം.എസ് - ഡിസംബര്‍ 6

അതേസമയം, എംബിബിഎസ് പ്രവേശനത്തിന് ജിപ്മര്‍ പ്രവേശന പരീക്ഷ നടത്തുന്നില്ല. നീറ്റ് യുജി 2020 മാര്‍ക്കിൻ്റെ അടിസ്ഥാനത്തിലാവും തിരഞ്ഞെടുപ്പ്. ബി.എസ്.സി പ്രവേശനത്തിന് അപേക്ഷിക്കുന്ന വിദ്യാര്‍ഥികൾ 17 വയസ്സ് തികഞ്ഞവരായിരിക്കണം.

അപേക്ഷാഫീസ്

ജനറൽ വിഭാഗത്തിന് 1500 രൂപയും നിര്‍ദ്ദിഷ്ട സംവരണ വിഭാഗങ്ങൾക്ക് 1200 രൂപയുമാണ് അപേക്ഷാഫീസ്. വിദ്യാര്‍ഥികൾക്ക് നെറ്റ് ബാങ്കിങ്, ക്രഡിറ്റ്, ഡെബിറ്റ് കാര്‍ഡ് വഴി ഫീസ് അടക്കാം.

പരീക്ഷാ കേന്ദ്രം

ചെന്നൈ, കൊൽക്കത്ത, മുംബൈ, ഡൽഹി, പുതുച്ചേരി, തിരുവനന്തപുരം, വിജയവാഡ എന്നിവടങ്ങളിൽ പരീക്ഷാ കേന്ദ്രങ്ങളുണ്ടാവും.

ഇവ ശ്രദ്ധിക്കാം

1. പരീക്ഷ - കമ്പ്യൂട്ടര്‍ അധിഷ്ഠിത പരീക്ഷ
2. സമയം - 1.30 മണിക്കൂര്‍
3. ചോദ്യം - 100
4. മാര്‍ക്ക് - 100
5. നെഗറ്റീവ് മാര്‍ക്ക് - നെഗറ്റീവ് മാര്‍ക്ക് ഇല്ല

ചോദ്യങ്ങൾ

1. ഫിസിക്സ് - 20
2. കെമിസ്ട്രി - 20
3. ബയോളജി - 40
4. ഇംഗ്ലീഷ് - 10
5. ലോജിക് ആൻഡ് റീസണിങ് - 10