കേരളത്തിലെ മുഴുവന്‍ സര്‍ക്കാര്‍, ഗവ. എയ്ഡഡ്, സ്വാശ്രയ, ഐ.എച്ച്. ആര്‍.ഡി. പോളിടെക്നിക്കുകളിലേക്ക് ലാറ്ററല്‍ എന്‍ട്രി മുഖേന ഡിപ്ലോമ പ്രവേശനത്തിന് പ്ലസ് ടു/വി.എച്ച്.എസ്.ഇ വിജയിച്ച, ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളില്‍ ഓരോ വിഷയങ്ങള്‍ക്കും 50 ശതമാനം മാര്‍ക്ക് വേണമെന്നുള്ള യോഗ്യത, ഈ വിഷയങ്ങളില്‍ ഒരുമിച്ച് 50 ശതമാനം മാര്‍ക്ക് ലഭിച്ചാല്‍ മതിയെന്ന് പുതുക്കി നിശ്ചയിച്ചു. പുതുക്കിയ യോഗ്യതയനുസരിച്ച് പ്രവേശനത്തിന് 26 വരെ അപേക്ഷ നല്‍കാം.
എ.ഐ.സി.റ്റി.ഇ മാനദണ്ഡ പ്രകാരം ഈ വര്‍ഷം മുതല്‍ രണ്ടുവര്‍ഷ ഐ.റ്റി.ഐ/കെ.ജി.സി.ഇ കോഴ്‌സുകള്‍ പാസായവര്‍ക്ക് തങ്ങളുടെ നൈപുണ്യ സര്‍ട്ടിഫിക്കറ്റുമായി ബന്ധപ്പെട്ട ഡിപ്ലോമ പ്രോഗ്രാമിലേക്ക് ലാറ്ററല്‍ എന്‍ട്രി വഴി നേരിട്ട് രണ്ടാം വര്‍ഷത്തിലേക്ക് പ്രവേശനം ലഭിക്കും.
ഇവര്‍ക്ക് ഒന്നാം വര്‍ഷ ഡിപ്ലോമ പ്രവേശനത്തിന് നീക്കി വച്ച മുഴുവന്‍ സീറ്റുകളും ഈ വര്‍ഷം മുതല്‍ ലാറ്ററല്‍ എന്‍ട്രി വഴി രണ്ടാം വര്‍ഷത്തിലേക്ക് നേരിട്ട് പൂര്‍ത്തിയാക്കാം. കഴിഞ്ഞ വര്‍ഷംവരെ ഐ.റ്റി.ഐ/കെ.ജി.സി.ഇ കോഴ്‌സുകള്‍ പഠിച്ചവര്‍ക്ക് മൂന്ന് വര്‍ഷം കൊണ്ട് ഡിപ്ലോമ സര്‍ട്ടിഫിക്കറ്റ് ലഭിച്ചിരുന്നു.
Also Read: യുജിസി നെറ്റ് ഉള്‍പ്പടെ പ്രധാന പരീക്ഷകളുടെ തീയതികള്‍ പ്രഖ്യാപിച്ചു
പോളിടെക്‌നിക് കോളേജുകളില്‍ പഠിച്ചുകൊണ്ടിരിക്കുന്നവര്‍ക്കോ മുന്‍പ് പഠിച്ചവര്‍ക്കോ അപേക്ഷിക്കാനാവില്ല. ലാറ്ററല്‍ എന്‍ട്രി വഴി പ്രവേശനം നേടുന്നവര്‍ പ്രോസ്‌പെക്ടസില്‍ പ്രതിപാദിച്ചിട്ടുള്ള ഒന്നാംവര്‍ഷത്തിന്റെ ക്രെഡിറ്റ് ലഭ്യമാക്കുന്നതിനായി നിശ്ചയിച്ചിട്ടുള്ള അധിക വിഷയങ്ങള്‍ നിശ്ചിത സമയത്തിനകം പാസ്സാകണം.
Also Read: സിബിഎസ്ഇ കംപാര്‍ട്‌മെന്റ് പരീക്ഷ റദ്ദാക്കണമെന്ന ഹര്‍ജി സുപ്രീം കോടതി തള്ളി
300 രൂപയാണ് അപേക്ഷാ ഫീസ് (എസ്.സി/എസ്.ടി വിഭാഗക്കാര്‍ക്ക് 150 രൂപ). അപേക്ഷ www.polyadmission.org/let ല്‍ ഓണ്‍ലൈനായി ഓഗസ്റ്റ് 26 വരെ നല്‍കാം. അപേക്ഷയോടൊപ്പം അപേക്ഷാഫീസും ഓണ്‍ലൈനായി അടയ്ക്കണം. മാര്‍ക്കിന്റെ അടസ്ഥാനത്തിലാണ് റാങ്കുകള്‍ തയ്യാറാക്കുന്നത്. റാങ്കുകളുടെ അടിസ്ഥാനത്തില്‍ സ്‌പോട്ട് അഡ്മിഷന്‍ വഴിയായിരിക്കും പ്രവേശനം.