Polytechnic Diploma Admission 2020 Third Round Spot Admission Registration Till December 27
പോളിടെക്നിക് ഡിപ്ലോമ മൂന്നാം സ്പോട്ട് അഡ്മിഷന്‍ രജിസ്ട്രേഷന് 27 വരെ
പരമാവധി രണ്ടു ജില്ലകളിലേക്ക് മാത്രമേ ഒരേസമയം സ്പോട്ട് അഡ്മിഷനു വേണ്ടി രജിസ്റ്റര്‍ ചെയ്യാന്‍ സാധിക്കുകയുള്ളൂ
Samayam Malayalam24 Dec 2020, 9:43 am
സംസ്ഥാനത്തെ വിവിധ പോളിടെക്നിക് കോളേജുകളില്‍ നിലവിലുള്ള ഒഴിവുകള്‍ നികത്താന്‍ സ്പോട്ട് അഡ്മിഷന്‍ ജില്ലാതലത്തില്‍ നോഡല്‍ പോളിടെക്നിക് കോളേജില്‍ നടത്തും. ഒരു ജില്ലയിലെ എല്ലാ പോളിടെക്നിക് കോളേജുകളിലേക്കും (സ്വാശ്രയമുള്‍പ്പെടെ) ഉള്ള പ്രവേശനത്തിന് ആ ജില്ലയിലെ നോഡല്‍ പോളിടെക്നിക് കോളേജില്‍ ഹാജരായാല്‍ മതിയാവും. പ്രത്യേകം രജിസ്റ്റര്‍ ചെയ്യാത്തവരെ സ്പോട്ട് അഡ്മിഷനില്‍ പങ്കെടുപ്പിക്കില്ല.
Samayam Malayalamപോളിടെക്നിക് പ്രവേശനം
അപേക്ഷകര്‍ക്ക് ഡിസംബര്‍ 24 മുതല്‍ 27 വരെ അഡ്മിഷന്‍ വെബ്സൈറ്റിലെ 'Spot Admission Registration' എന്ന ലിങ്ക് വഴി രജിസ്റ്റര്‍ ചെയ്യാം. അപേക്ഷകന് പരമാവധി രണ്ടു ജില്ലകളിലേക്ക് മാത്രമേ ഒരേസമയം സ്പോട്ട് അഡ്മിഷനു വേണ്ടി രജിസ്റ്റര്‍ ചെയ്യാന്‍ സാധിക്കുകയുള്ളൂ. നോഡല്‍ പോളിടെക്നിക് കോളേജില്‍ സ്പോട്ട് അഡ്മിഷന്‍ ഡിസംബര്‍ 28, 29, 30, 31 തീയതികളിലായി നടത്തും. നിലവില്‍ ലഭ്യമായ ഒഴിവുകള്‍ കോളേജ് അടിസ്ഥാനത്തില്‍ www.polyadmission.org എന്ന വെബ്സൈറ്റിലെ vacancy position എന്ന ലിങ്ക് വഴി മനസ്സിലാക്കാം. രജിസ്റ്റര്‍ ചെയ്യുമ്പോള്‍ ഓപ്ഷനുകള്‍ നല്‍കേണ്ടതില്ല. നിലവില്‍ അഡ്മിഷന്‍ ലഭിച്ചവരില്‍ സ്ഥാപനമാറ്റമോ ബ്രാഞ്ച് മാറ്റമോ ആഗ്രഹിക്കുന്നവര്‍ക്കും, പുതിയതായി അഡ്മിഷന്‍ നേടാന്‍ ആഗ്രഹിക്കുന്നവര്‍ക്കും (റാങ്ക്ലിസ്റ്റില്‍ ഉള്‍പ്പെട്ടിട്ടുള്ളവര്‍) സ്പോട്ട് അഡ്മിഷനു വേണ്ടി രജിസ്റ്റര്‍ ചെയ്യാം.
മൂന്നാം സ്പോട്ട് അഡ്മിഷനു വേണ്ടി ഓണ്‍ലൈനായി പ്രത്യേകം രജിസ്റ്റര്‍ ചെയ്യാത്തവരെ സ്പോട്ട് അഡ്മിഷനില്‍ പങ്കെടുപ്പിക്കുന്നതല്ല. ആപ്ലിക്കേഷന്‍ നമ്പരും ജനനതീയതിയും നല്‍കുമ്പോള്‍ ലഭിക്കുന്ന ഒടിപി ഉപയോഗിച്ച് അപേക്ഷകന് ഓരോ ജില്ലയിലേക്കുമുള്ള റജിസ്ട്രേഷന്‍ പൂര്‍ത്തിയാക്കാം. ഓരോ ജില്ലയിലേക്കും രജിസ്റ്റര്‍ ചെയ്തവരില്‍നിന്നും തയ്യാറാക്കുന്ന റാങ്ക്ലിസ്റ്റിന്റെ അടിസ്ഥാനത്തില്‍ ഒഴിവുള്ള സീറ്റുകളിലേക്ക് അഡ്മിഷന്‍ നടത്തും. ഓരോ ജില്ലയിലെയും സ്പോട്ട് അഡ്മിഷന്‍ നടത്തുന്ന സമയക്രമം വെബ്സൈറ്റില്‍ പ്രസിദ്ധീകരിക്കുന്നത് പരിശോധിച്ച് സമയക്രമം കൃത്യമായി പാലിച്ച് അപേക്ഷകര്‍ ബന്ധപ്പെട്ട നോഡല്‍ പോളിടെക്നിക് കോളേജുകളില്‍ ഹാജരാകണം.
ഫെബ്രുവരി വരെ സി.ബി.എസ്.ഇ ബോര്‍ഡ് പരീക്ഷകള്‍ ഉണ്ടാവില്ല ഒന്നില്‍ കൂടുതല്‍ ജില്ലകളില്‍ ഹാജരാകാന്‍ ആഗ്രഹിക്കുന്നവര്‍ നിശ്ചിത പ്രോക്സിഫോം പൂരിപ്പിച്ച് അപേക്ഷകന്റെയും രക്ഷാകര്‍ത്താവിന്റെയും ഒപ്പോടുകൂടി ഹാജരാക്കണം. അവര്‍ സര്‍ട്ടിഫിക്കറ്റ്, ഫീസ് അടച്ച രസീത്, അഡ്മിഷന്‍ സ്ലിപ്പ് എന്നിവയുടെ പകര്‍പ്പും ഹാജരാക്കണം. ഒരു അപേക്ഷകന് ഒന്നില്‍ കൂടുതല്‍ ജില്ലയില്‍ അഡ്മിഷന്‍ നേടിയാല്‍ അവസാനം നേടിയ അഡ്മിഷന്‍ മാത്രമേ നിലനില്‍ക്കുകയുള്ളു. അതിനുമുന്‍പ് നേടിയ അഡ്മിഷന്‍ സ്വമേധയാ റദ്ദാകും.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
