കോളേജുകളില്‍ പുതിയ അധ്യയന വര്‍ഷം ഒക്ടോബര്‍ മുകള്‍ ആരംഭിച്ചാല്‍ മതിയെന്ന് യുജിസിയുടെ നിര്‍ദേശം. കൊവിഡ് 19 ന്റെ പശ്ചാത്തലത്തില്‍ സര്‍വകലാശാല പരീക്ഷകള്‍ മാറ്റിവെക്കണമെന്നും യുജിസി നിര്‍ദേശിച്ചിട്ടുണ്ട്.
പുതിയ അധ്യയന വര്‍ഷം സെപ്റ്റംപറില്‍ ആരംഭിക്കാനായിരുന്നു നേരത്തെ യുജിസി നിര്‍ദേശം നല്‍കിയിരുന്നത്. എന്നാല്‍ കൊവിഡ് 19 ഭീതി ഒഴിയാത്തതിനാല്‍ ഒക്ടോബറിലേക്ക് മാറ്റണമെന്ന് പുതിയ നിര്‍ദേശം വന്നു. അവസാന വര്‍ഷ പരീക്ഷയ്ക്കു പകരം നേരത്തെയുള്ള ഇന്റേണല്‍ പരീക്ഷകളുടെയും സെമസ്റ്റര്‍ പരീക്ഷകളുടെയും മാര്‍ക്കുകള്‍ കണക്കിലെടുത്ത് മൂല്യനിര്‍ണയം നടത്തി ഫലപ്രഖ്യാപനം നടത്താമെന്ന നിര്‍ദേശമാണ് യുജിസി മുന്നോട്ട് വയ്ക്കുന്നത്. ഇത് സംബന്ധിച്ച മാര്‍ഗനിര്‍ദേശം അടുത്തയാഴ്ച്ച പുറത്തിറക്കും.