കിറ്റ്‌സില്‍ താത്കാലിക നിയമനം: അപേക്ഷിക്കാം

എറണാകുളം, തൃശൂര്‍ സെന്ററുകളില്‍ അക്കാദമിക് അസിസ്റ്റന്റ്, തിരുവനന്തപുരം സെന്ററില്‍ റിസര്‍ച്ച് അസോസിയേറ്റ് എന്നീ താത്കാലിക തസ്തികകളിലേക്ക് കരാറടിസ്ഥാനത്തില്‍ നിയമനം നടത്തുന്നു. അക്കാദമിക് അസിസ്റ്റന്റിന്റെ യോഗ്യത അറുപത് ശതമാനം മാര്‍ക്കില്‍ കുറയാതെ അംഗീകൃത സര്‍വകലാശാലയില്‍ നിന്ന് ടൂറിസത്തില്‍ ബിരുദാനന്തര ബിരുദവും അയാട്ട സര്‍ട്ടിഫിക്കറ്റും റിസര്‍ച്ച് അസോസിയേറ്റിന്റെ യോഗ്യത ടൂറിസത്തില്‍ ബിരുദാനന്തര ബിരുദം, എം.ഫില്‍/പി.എച്ച്.ഡി അഭിലഷണീയം.

2017 ജനുവരി ഒന്നിന് 36 വയസ് കവിയരുത്. താത്പര്യമുള്ള ഉദ്യോഗാര്‍ഥികള്‍ വിശദമായ ബയോഡാറ്റ, സര്‍ട്ടിഫിക്കറ്റിന്റെ പകര്‍പ്പ് എന്നിവ സഹിതം മെയ് നാലിന് രാവിലെ പത്തിന് എഴുത്ത് പരീക്ഷയ്ക്കായി തിരുവനന്തപുരം തൈക്കാടുള്ള കിറ്റ്‌സിന്റെ മെയിന്‍ കാമ്പസില്‍ എത്തിച്ചേരണം. വിശദ വിവരങ്ങള്‍ക്ക് www.kittsedu.org.

Application invited for KITTS.