സ്‌പെഷ്യല്‍ എഡ്യൂക്കേറ്റര്‍ ഒഴിവ്; അപേക്ഷിക്കാം

പൊതുവിദ്യാഭ്യാസ വകുപ്പിനു കീഴില്‍ പ്രവര്‍ത്തിക്കുന്ന രാഷ്ട്രീയ മാധ്യമിക് ശിക്ഷാ അഭിയാന്‍ പ്രോജക്ടിന്റെ ജില്ലാ ഓഫീസില്‍ സ്‌പെഷ്യല്‍ എഡ്യൂക്കേറ്ററെ കരാര്‍ വ്യവസ്ഥയില്‍ നിയമിക്കുന്നു.

അപേക്ഷകര്‍ ബയോഡേറ്റ, യോഗ്യതാ സര്‍ട്ടിഫിക്കറ്റ്, മാര്‍ക്ക് ലിസ്റ്റ്, എക്‌സ്പീരിയന്‍സ് സര്‍ട്ടിഫിക്കറ്റ് സഹിതമുള്ള അപേക്ഷ ഒക്‌ടോബര്‍ 17 ന് മുമ്പായി ജില്ലാ പ്രോജക്ട് ഓഫീസര്‍, ആര്‍.എം.എസ്.എ, വിദ്യാഭ്യാസ ഉപ ഡയറക്ടറുടെ കാര്യലയം, കിള്ളിപ്പാലം, തിരുവനന്തപുരം എന്ന വിലാസത്തില്‍ നേരിട്ടോ തപാല്‍ മുഖേനയോ എത്തിക്കണം.

ബന്ധപ്പെട്ട വിഷയങ്ങളില്‍ ബിരുദാനന്തര ബിരുദവും സ്‌പെഷ്യല്‍ എഡ്യൂക്കേഷന്‍ ബി.എഡുമാണ് യോഗ്യത. ജനറല്‍ ബി.എഡിനൊപ്പം സ്‌പെഷ്യല്‍ എഡ്യൂക്കേഷനില്‍ രണ്ടു വര്‍ഷത്തെ ഡിപ്ലോമയുള്ളവര്‍ക്കും അപേക്ഷിക്കാം.

Applications invited for special educator