സിബിഎസ്ഇ പ്ലസ് ടു പരീക്ഷാ ഫലം ഞായറാഴ്‍ച

ന്യൂഡല്‍ഹി: സിബിഎസ്ഇ പന്ത്രണ്ടാം ക്ലാസ് പരീക്ഷാ ഫലം ഞായറാഴ്‍ച പ്രഖ്യാപിക്കും. സിബിഎസ്ഇയുടെ 10 മേഖലകളുടെയും ഫലം ഒരുമിച്ചാണ് പ്രഖ്യാപിക്കുക. 1098891 കുട്ടികളാണ് ഇത്തവണ പന്ത്രണ്ടാം ക്ലാസ് പരീക്ഷ എഴുതിയത്. കഴിഞ്ഞ വര്‍ഷത്തേതില്‍നിന്ന് 2.86 ശതമാനം അധികമാണിത്.

മാര്‍ച്ച് 9 മുതല്‍ ഏപ്രില്‍ 29 വരെയാണ് പരീക്ഷകള്‍ നടന്നത്. ഡല്‍ഹി മേഖലയിലാണ് ഏറ്റവും കൂടുതല്‍ കുട്ടികള്‍ പരീക്ഷ എഴുതിയത്. 2,58,321 പേര്‍ ഡല്‍ഹി മേഖലയില്‍ പരീക്ഷ എഴുതി. രണ്ടാം സ്ഥാനത്തുള്ള പഞ്ച്കുലയില്‍ 1,84,557 പേരും അജ്‍മീറില്‍ 1,31,449 പേരുമാണ് പരീക്ഷ എഴുതിയത്. അംഗവൈകല്യമുള്ള 2,497 പേരും ഇത്തവണ പരീക്ഷ എഴുതിയിട്ടുണ്ട്.

മോഡറേഷന്‍ നല്‍കുന്നത് ഡല്‍ഹി ഹൈക്കോടതിയുടെ വിധി അനുസരിച്ചാകുമെന്നും സിബിഎസ്ഇ അറിയിച്ചു.

CBSE to announce Class 12 results on Sunday, May 28

The Central Board of Secondary Education (CBSE) will announce the Class XII exam results on Sunday, May 28.