Kerala Polytechnic Allotment 2019: ആദ്യ അലോട്ട്മെൻറും ഫൈനൽ റാങ്ക് ലിസ്റ്റും പ്രസിദ്ധീകരിച്ചു

തിരുവനന്തപുരം: പോളിടെക്നിക്ക് കോളേജുകളിലേക്കുള്ള പ്രവേശനത്തിൻെറ ഭാഗമായുള്ള 2019 വർഷത്തെ ആദ്യ അലോട്ട്മെൻറും ഫൈനൽ റാങ്ക് ലിസ്റ്റും പ്രസിദ്ധീകരിച്ചു. ഡിപ്പാർട്ട്മെൻറ് ഓഫ് ടെക്നിക്കൽ എജ്യുക്കേഷൻ തിങ്കളാഴ്ചയാണ് ലിസ്റ്റ് പ്രസിദ്ധീകരിച്ചത്.

അപേക്ഷിച്ചിട്ടുള്ള വിദ്യാർഥികൾക്ക് പോളിടെക്നിക്ക് അഡ്മിഷൻ പോർട്ടലായ polyadmission.org യിൽ നിന്ന് വിശദ വിവരങ്ങൾ അറിയാവുന്നതാണ്. ആദ്യ അലോട്ട്മെൻറും ഫൈനൽ റാങ്ക് ലിസ്റ്റും ഈ സൈറ്റിൽ നിന്ന് ഡൗൺലോഡ് ചെയ്യുവാൻ സാധിക്കും.

അപേക്ഷകർക്ക് റീ അപ്പീലിനും റീ ഓപ്ഷനും തിരുത്തലുകൾക്കുമായി ജൂൺ 22 വരെ സമയം അനുവദിച്ചിട്ടുണ്ട്. പോളി ടെക്നിക്ക് കോളേജ് അഡ്മിഷന് വേണ്ടിയുള്ള പ്രൊവിഷണൽ റാങ്ക് ലിസ്റ്റും ട്രയൽ അലോട്ട്മെൻറും ജൂൺ 19ന് പ്രസിദ്ധീകരിച്ചിരുന്നു.