മാനസിക സമ്മര്‍ദ്ദം
കൊവിഡ് 19 മഹാമാരിയില്‍ ലോകം മുഴുവന്‍ ഭയത്തിലാണ്. ഇന്ത്യയില്‍ ജൂലൈ ഓഗസ്റ്റ് മാസങ്ങളില്‍ കൊവിഡ് 19 കേസുകള്‍ അതിന്റെ മൂര്‍ദ്ധന്യാവസ്ഥയിലെത്തുമെന്നും പഠനങ്ങള്‍ സൂചിപ്പിക്കുന്നു. ഒന്നാം ക്ലാസ് മുതലുള്ള വിദ്യാര്‍ത്ഥികളുടെ വിദ്യാഭ്യാസത്തെ ഇത് പ്രതികൂലാമായി ബാധിച്ചിട്ടുണ്ട്. പ്ലസ്ടു കഴിഞ്ഞ് നില്‍ക്കുന്ന വിദ്യാര്‍ത്ഥികളുടെ ഏറ്റവും നിര്‍ണായകമായ സമയമായിരുന്നു ഇത്. ജീവിതത്തിലെ ഏറ്റവും വലിയ വഴിത്തിരിവിന്റെ സമയം. പ്രൊഫഷണല്‍ ഡിഗ്രി കോഴ്‌സുകള്‍ക്കുള്ള പ്രവേശന പരീക്ഷകള്‍ക്കായി തയ്യാറെടുക്കുന്നത് ലക്ഷങ്ങളാണ്.
വിദഗ്ദ്ധര്‍ പറയുന്നത്
കൊവിഡ് 19 ഭീതി നിലനില്‍ക്കുമ്പോള്‍ ലക്ഷക്കണക്കിന് വിദ്യാര്‍ത്ഥികള്‍ക്കായി എന്‍ട്രന്‍സ് പരീക്ഷകള്‍ നടത്തുന്നത് അത്ര നല്ല കാര്യമല്ലെന്ന് വിദഗ്ദ്ധര്‍ ചൂണ്ടിക്കാട്ടുന്നു. ഈ വര്‍ഷത്തേക്കെങ്കിലും നീറ്റ്, ജെഇഇ അടക്കമുള്ള പരീക്ഷകള്‍ റദ്ദാക്കേണ്ടതാണെന്ന് സേവ് ഹയര്‍ എജ്യൂക്കേഷന്‍ മൂവ്‌മെന്റിന്റെ തിമിഴ്‌നാട് സെക്രട്ടറി ഡോ. ആര്‍ മുരളി അഭിപ്രായപ്പെട്ടു. കൊവിഡ് 19 മഹാമാരിയുടെ കാലത്ത് വിദ്യാര്‍ത്ഥികള്‍ അനുഭവിക്കുന്ന മാനസിക സമ്മര്‍ദ്ദവും ചെറുതല്ലെന്നും അദ്ദേഹം പറഞ്ഞു. പരീക്ഷകള്‍ നീണ്ടു പോകുന്തോറം അവരുടെ മാനസിക സംഘര്‍ഷവും വര്‍ദ്ധിക്കുന്നു.
കാത്തിരിക്കാനാവില്ല
നീറ്റ്, ജെഇഇ അടക്കമുള്ള എന്‍ട്രന്‍സ് പരീക്ഷകള്‍ കൊവിഡ് 19 ഭീതി ഒഴിയുന്നതു വരെ നീട്ടി വയ്ക്കുക എന്നത് പ്രാവര്‍ത്തികമല്ലെന്ന് തിരുന്നല്‍വേലി മെട്രിക്കുലേഷന്‍ സ്‌കൂള്‍സ് അസോസിയേഷന്‍ പ്രസിഡന്റും വിദ്യാഭ്യാസ വിദഗ്ദ്ധനുമായ വി ജയേന്ദ്രന്‍ മണി അഭിപ്രായപ്പെട്ടു. വിദ്യാര്‍ത്ഥികളെ അവരുടെ പ്ലസ്ടു ബോര്‍ഡ് പരീക്ഷയുടെ മാര്‍ക്ക് അടിസ്ഥാനത്തില്‍ പ്രൊഫഷണല്‍ ഡിഗ്രി കോഴ്‌സുകളില്‍ പ്രവേശിപ്പിക്കുന്നത് പരിഗണിക്കാവുന്ന കാര്യമാണ്. അതത് വിഷയങ്ങളില്‍ വിദ്യാര്‍ത്ഥികള്‍ നേടിയ മാര്‍ക്കിന്റെ അടിസ്ഥാനത്തില്‍ അവരെ പ്രവേശിപ്പിക്കുക. എന്‍ട്രന്‍സ് പരീക്ഷ ഈ വര്‍ഷത്തേക്ക് റദ്ദാക്കുകയാണ് ഉചിതമെന്നും അദ്ദേഹം കൂട്ടിച്ചേര്‍ത്തു.
Also Read: കണക്കിനോട് പ്രണയമാണോ? ഇത് നിങ്ങള്‍ക്കു വേണ്ടിയാണ്
കേരള മോഡല്‍
കേരളത്തില്‍ എന്‍ട്രന്‍സ് ടെസ്റ്റിന്റെയും പ്ലസ്ടു മാര്‍ക്കിന്റെയും അടിസ്ഥാനത്തില്‍ റാങ്കി ലിസ്റ്റ് തയ്യാറാക്കുന്ന രീതിയാണെന്നും ജയേന്ദ്രന്‍ മണി പറഞ്ഞു. പ്ലസ് ടു പരീക്ഷയില്‍ വിദ്യാര്‍ത്ഥി നേടിയ മാര്‍ക്കിന്റെ അടിസ്ഥാനത്തില്‍ പ്രവേശനം നടത്തുന്നു. ഓരോ വിഷയങ്ങള്‍ക്കും നേടിയ മാര്‍ക്കിന്റെ അടിസ്ഥാനത്തില്‍ റാങ്ക് ലിസ്റ്റ് തയ്യാറാക്കുന്നു. ഇതില്‍ നിന്ന് വിദ്യാര്‍ത്ഥികള്‍ക്ക് പ്രവേശനം സാധ്യമാക്കും.