കോമൺ അഡ്മിഷൻ ടെസ്റ്റിന്റെ (CAT 2021) തീയതി പ്രഖ്യാപിച്ച് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ്. കംപ്യൂട്ടർ അധിഷ്ഠിത ക്യാറ്റ് പരീക്ഷ നവംബർ 28ന് നടക്കുമെന്ന് ഔദ്യോഗിക വെബ്സൈറ്റിൽ അറിയിപ്പ് വന്നു. മൂന്ന് സെഷനുകളിലായാണ് പരീക്ഷ നടക്കുക. ക്യാറ്റ് പരീക്ഷയുടെ രജിസ്ട്രേഷൻ ഓഗസ്റ്റ് 4ന് ആരംഭിക്കും. താൽപ്പര്യമുള്ള വിദ്യാർത്ഥികൾക്ക് ക്യാറ്റിന്റെ ഔദ്യോഗിക വെബ്സൈറ്റായ www.iimcat.ac.in സന്ദർശിച്ച് അപേക്ഷിക്കാം. രാജ്യത്തിലുടനീളമുള്ള 158 പരീക്ഷാ കേന്ദ്രങ്ങളിലായി ക്യാറ്റ് നടക്കും. വിദ്യാർത്ഥികൾക്ക് ആറ് ടെസ്റ്റ് നഗരങ്ങൾ തെരഞ്ഞെടുക്കാൻ അവസരമുണ്ട്. തെരഞ്ഞെടുപ്പ് പ്രകൃിയയിലുടനീളം വിദ്യാർത്ഥികൾക്ക് ഒരു ഇമെയിൽ ഐ.ഡിയും മൊബൈൽ നമ്പറുമുണ്ടായിരിക്കണം.
ജനറൽ വിഭാഗക്കാർക്ക് 2200 രൂപയാണ് രജിസ്ട്രേഷൻ ഫീസ്. എസ്.സി, എസ്.ടി, ഭിന്നശേഷിക്കാർ എന്നിവർക്ക് 1100 രൂപ അടച്ചാൽ മതിയാകും. ഒരു തവണ ഫീസടച്ചാൽ റീഫണ്ട് ചെയ്യില്ല എന്ന കാര്യം പ്രത്യേകം ശ്രദ്ധിക്കണം.
ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റുകളിലെ വിവിധ പോസ്റ്റ് ഗ്രാജ്വേറ്റ്, ഫെല്ലോ/ ഡോക്ടറേറ്റ് പ്രോഗ്രാമുകളിലേക്കുള്ള പ്രവേശനത്തിനായാണ് ക്യാറ്റ് പരീക്ഷ സംഘടിപ്പിക്കുന്നത്. പ്രവേശനം നൽകുന്ന സ്ഥാപനങ്ങളുടെ പട്ടിക ഔദ്യോഗിക വെബ്സൈറ്റിൽ നൽകിയിട്ടുണ്ട്.
ക്യാറ്റ് പരീക്ഷയ്ക്കായുള്ള രജിസ്ട്രേഷൻ ഓഗസ്റ്റ് 4ന് രാവിലെ 10ന് ആരംഭിക്കും. സെപ്റ്റംബർ 15ന് വൈകുന്നേരം 5ന് രജിസ്ട്രേഷൻ അവസാനിക്കും. ഒക്ടോബർ 27 മുതൽ നവംബർ 28 വരെ അഡ്മിറ്റ് കാർഡ് ഡൗൺലോഡ് ചെയ്യാം. നവംബർ 28ന് പരീക്ഷ നടക്കും. ഫലം 2022 ജനുവരി രണ്ടാമത്തെ ആഴ്ച്ച പ്രഖ്യാപിച്ചേക്കും.
ജനറൽ വിഭാഗക്കാർക്ക് 2200 രൂപയാണ് രജിസ്ട്രേഷൻ ഫീസ്. എസ്.സി, എസ്.ടി, ഭിന്നശേഷിക്കാർ എന്നിവർക്ക് 1100 രൂപ അടച്ചാൽ മതിയാകും. ഒരു തവണ ഫീസടച്ചാൽ റീഫണ്ട് ചെയ്യില്ല എന്ന കാര്യം പ്രത്യേകം ശ്രദ്ധിക്കണം.
ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റുകളിലെ വിവിധ പോസ്റ്റ് ഗ്രാജ്വേറ്റ്, ഫെല്ലോ/ ഡോക്ടറേറ്റ് പ്രോഗ്രാമുകളിലേക്കുള്ള പ്രവേശനത്തിനായാണ് ക്യാറ്റ് പരീക്ഷ സംഘടിപ്പിക്കുന്നത്. പ്രവേശനം നൽകുന്ന സ്ഥാപനങ്ങളുടെ പട്ടിക ഔദ്യോഗിക വെബ്സൈറ്റിൽ നൽകിയിട്ടുണ്ട്.
ക്യാറ്റ് പരീക്ഷയ്ക്കായുള്ള രജിസ്ട്രേഷൻ ഓഗസ്റ്റ് 4ന് രാവിലെ 10ന് ആരംഭിക്കും. സെപ്റ്റംബർ 15ന് വൈകുന്നേരം 5ന് രജിസ്ട്രേഷൻ അവസാനിക്കും. ഒക്ടോബർ 27 മുതൽ നവംബർ 28 വരെ അഡ്മിറ്റ് കാർഡ് ഡൗൺലോഡ് ചെയ്യാം. നവംബർ 28ന് പരീക്ഷ നടക്കും. ഫലം 2022 ജനുവരി രണ്ടാമത്തെ ആഴ്ച്ച പ്രഖ്യാപിച്ചേക്കും.