കോമൺ ലോ അഡ്മിഷൻ ടെസ്റ്റ് (ക്ലാറ്റ്)
ഇന്ത്യയിൽ നിയമപഠനത്തിനായി വിദ്യാർത്ഥികൾ ആദ്യം തെരഞ്ഞെടുക്കാൻ ആഗ്രഹിക്കുന്നത് നാഷണൽ ലോ യൂണിവേഴ്സിറ്റികളായിരിക്കും. ഇവയിൽ ഏതെങ്കിലുമൊരു സർവകലാശാലയിൽ പ്രവേശനം നേടി പഠനമാരംഭിക്കുക എന്നതാണ് ലക്ഷ്യം. ഇതിനായി കോമൺ ലോ അഡ്മിഷൻ ടെസ്റ്റ് (ക്ലാറ്റ്) എന്ന പ്രവേശ പരീക്ഷയെഴുതി യോഗ്യത നേടണം. എല്ലാ വർഷവും മേയ്, ജൂൺ മാസങ്ങളിൽ ഈ പ്രവേശന പരീക്ഷ നടത്തും. പ്ലസ്ടു കഴിഞ്ഞ് 5 വർശത്തെ ഇന്റഗ്രേറ്റഡ് എൽ.എൽ.ബി കോഴ്സാണ് ഉദേശിക്കുന്നതെങ്കിൽ ഈ പരീക്ഷയെഴുതാം. ക്ലാറ്റ് പരീക്ഷയിൽ സഹകരിക്കുന്നത് 22 നാഷണൽ ലോ യൂണിവേഴ്സിറ്റികളാണ്.
എൽ.സാറ്റ്
ലോ സ്കൂൾ അഡ്മിഷൻ കൗൺസിൽ (LSAC) നടത്തുന്ന ലോ സ്കൂൾ അഡ്മിഷൻ ടെസ്റ്റാണ് (LSAT) മറ്റൊരു പ്രധാനപ്പെട്ട പ്രവേശന പരീക്ഷ. അമേരിക്ക ഉൾപ്പടെയുള്ള രാജ്യങ്ങളിൽ നടത്തുന്ന ലോ സ്കൂൾ അഡ്മിഷൻ ടെസ്റ്റിന്റെ ചുവടുപിടിച്ചാണ് ഇന്ത്യയിലും ഈ പരീക്ഷ നടത്തുന്നത്. നിരവധി സ്വകാര്യ കോളേജുകളിലേക്കും സർവകലാശാലയിലേക്കുമുള്ള പ്രവേശനം ഈ പരീക്ഷയിൽ ലഭിക്കുന്ന സ്കോറിന്റെ അടിസ്ഥാനത്തിലായിരിക്കും. കൊവിഡിന്റെ സാഹചര്യത്തിൽ ഓൺലൈൻ മോഡിലായിരിക്കും ഈ പരീക്ഷ നടത്തുക. മേയ് 29ന് പരീക്ഷ നടക്കും. വിദ്യാർത്ഥികൾക്ക് വീടുകളിലുരുന്ന് പരീക്ഷയെഴുതാൻ ഇത്തവണ അവസരമുണ്ട്. 5 വർഷത്തെ ഇന്റഗ്രേറ്റഡ് എൽ.എൽ.ബി, മൂന്ന് വർഷത്തെ എൽ.എൽ.ബി, എൽ.എൽ.എം കോഴ്സുകളിലേക്ക് ഈ പ്രവേശന പരീക്ഷയിലൂടെ വിദ്യാർത്ഥികളെ തെരഞ്ഞെടുക്കും.
എം.എച്ച് സി.ഇ.ടി ലോ
സംസ്ഥാന തലത്തിൽ നടക്കുന്ന ഏറ്റവും വലിയ ലോ പ്രവേശന പരീക്ഷയാണ് മഹാരാഷ്ട്രയുടെ എം.എച്ച് സി.ഇ.ടി. 5 വർഷ എൽ.എൽ.ബി, 3 വർഷ എൽ.എൽ.ബി കോഴ്സുകളിലേക്കുള്ള പ്രവേശനത്തനായാണ് പരീക്ഷ നടത്തുന്നത്. ധാരാളം സീറ്റുകളുണ്ടെന്നതിനാൽ രാജ്യത്തെ എല്ലാ ഭാഗത്തു നിന്നുള്ള വിദ്യാർത്ഥികളും ഈ പരീക്ഷയെഴുതാറുണ്ട് എന്നതാണ് പ്രത്യേകത. മഹാരാഷ്ട്രയിൽ മുൻനിര ലോ കോളേജുകളായ മുംബൈയ് ഗവ. ലോ കോളേജ്, മുംബൈയ് സർവകലാശാലയുടെ ലോ അക്കാദമി തുടങ്ങിയവയിൽ പ്രവേശനം നേടാം.
Also Read: എൻട്രൻസ് ഇല്ല, ടെലിഫോണിക് ഇന്റർവ്യൂ മാത്രം; അമൃത സർവകലാശാലയിൽ വിവിധ കോഴ്സുകളിൽ പ്രവേശനം
സിമ്പയോസിസ് ലോ ആപ്റ്റിറ്റ്യൂഡ് ടെസ്റ്റ്
സിമ്പയോസിസ് അന്താരാഷ്ട്ര സർവകലാശാലയും കോണൽ ലോ പ്രവേശന പരീക്ഷ (SLAT) നടത്താറുണ്ട്. മികച്ച ഒരു സ്വകാര്യ ലോ സ്കൂളിൽ നിന്ന് ബി.എ എൽ.എൽ.ബി, ബി.ബി.എ എൽ.എൽ.ബി കോഴ്സുകൾ പഠിക്കാൻ ആഗ്രഹമുള്ളവർക്ക് ഈ പ്രവേശന പരീക്ഷയെഴുതാം. ജൂൺ 27നാണ് പ്രവേശന പരീക്ഷ നടത്താൻ നിശ്ചയിച്ചിരിക്കുന്നത്.
Also Read: സി.ബി.എസ്.ഇ പന്ത്രണ്ടാം ക്ലാസ് പരീക്ഷ: നിർണായക തീരുമാനം ഇന്ന്
ഡൽഹി നാഷണൽ ലോ യൂണിവേഴ്സിറ്റി
2020ലെ എൻ.ഐ.ആർ.എഫ് റാങ്കിംഗ് പ്രകാരം ഡൽഹിയിലെ നാഷണൽ ലോ യൂണിവേഴ്സിറ്റിയാണ് രാജ്യത്തെ ഏറ്റവും മികച്ച രണ്ടാമത്തെ ലോ സ്കൂൾ. ഇവിടെ പ്രവേശനം ലഭിക്കണമെങ്കിൽ ഓൾ ഇന്ത്യ ലോ എൻട്രൻസ് ടെസ്റ്റ് (AILET) പാസായിരിക്കണം. 5 വർഷത്തെ ബി.എ എൽ.എൽ.ബി കോഴ്സ് ഇവിടെ ചേർന്ന് പഠിക്കാം. ജൂൺ 20നാണ് AILET 2021 പരീക്ഷ നടത്താൻ നിശ്ചയിച്ചിരിക്കുന്നത്.