CMAT 2021: അഡ്മിറ്റ് കാർഡ് എപ്പോൾ ഡൗൺലോഡ് ചെയ്യാം?

കോമൺ മാനേജ്മെന്റ് അഡ്മിഷൻ ടെസ്റ്റിന്റെ (സി-മാറ്റ് 2021) അഡ്മിറ്റ് കാർഡ് നാഷണൽ ടെസ്റ്റിംഗ് ഏജൻസി ഉടൻ വെബ്സൈറ്റിൽ ലഭ്യമാക്കും. മാർച്ച് 24ന് രാവിലെ 10ന് മുമ്പ് അഡ്മിറ്റ് കാർഡ് വരും. മാർച്ച് 31നാണ് സിമാറ്റ് പരീക്ഷ.

പരീക്ഷയെഴുതാനായി രജിസ്റ്റർ ചെയ്തിട്ടുള്ള വിദ്യാർത്ഥികൾക്ക് സിമാറ്റിന്റെ ഔദ്യോഗിക വെബ്സൈറ്റായ cmat.nta.nic.in സന്ദർശിക്കാം. രണ്ട് ഷിഫ്റ്റുകളിലായായിരിക്കും സിമാറ്റ് 2021 പരീക്ഷ നടക്കുക. രാവിലെ 9 മുതൽ ഉച്ചയ്ക്ക് 12/ 12.30 വരെയും രണ്ടാം ഷിഫ്റ്റ് ഉച്ചയ്ക്ക് ശേഷം 3 മുതൽ വൈകുന്നേരം 6/ 6.30 വരെയുമാണ്. ആഡീഷണൽ സെഷനായ ഇന്നൊവേഷൻ ആന്റ് എന്റർപ്രനർഷിപ്പ് തെരഞ്ഞെടുത്തിട്ടുള്ളവർക്ക് 30 മിനിറ്റ് അധികം ലഭിക്കും.

ആയുർവേദ ബി.എ.എം.എസ്/പി.ജി ഡിപ്ലോമ കോഴ്‌സുകളിൽ സ്‌പോട്ട് അഡ്മിഷൻ
സിമാറ്റ് അഡ്മിറ്റ് കാർഡ് ഡൗൺലോഡ് ചെയ്യാൻ ആദ്യം ഔദ്യോഗിക വെബ്സൈറ്റായ cmat.nta.nic.in സന്ദർശിക്കുക. ഹോംപേജിൽ കാണുന്ന Download CMAT 2021 admit card എന്ന ടാബ് ക്ലിക്ക് ചെയ്യാം. ആപ്ലിക്കേഷൻ നമ്പറും പാസ്വേർഡും നൽകിയതിന് ശേഷം Submit നൽകാം. CMAT അഡ്മിറ്റ് കാർഡ് സ്ക്രീനിൽ കാണാൻ കഴിയും. അഡ്മിറ്റ് കാർഡ് ഡൗൺലോഡ് ചെയ്ത് പ്രിന്റെടുത്ത് സൂക്ഷിക്കുക.