ഡല്ഹി സര്വകലാശാലയിലേക്കുള്ള പ്രവേശന പരീക്ഷയുടെ (DUET) അഡ്മിറ്റ് കാര്ഡ് വിദ്യാര്ത്ഥികള്ക്ക് ഡൗണ്ലോഡ് ചെയ്യാം.
DUET സെപ്റ്റംബര് 2020 ന് അപേക്ഷിച്ചിട്ടുള്ളവര്ക്ക് നാഷണല് ടെസ്റ്റിങ് ഏജന്സിയുടെ (എന്.ടി.എ) ഔദ്യോഗിക വെബ്സൈറ്റായ https://nta.ac.in/DuetExam ല് നിന്ന് അഡ്മിറ്റ് കാര്ഡ് ഡൗണ്ലോഡ് ചെയ്തെടുക്കാം. ഡല്ഹി സര്വകലാശാലയില് അണ്ടര് ഗ്രാജ്വേറ്റ്, പോസ്റ്റ് ഗ്രാജ്വേറ്റ്, എംഫില്, പിഎച്ച്ഡി എന്നിവയിലേക്കുള്ള പ്രവേശനപരീക്ഷയാണ് DUET.
അപേക്ഷകന്റെ ഫോം നമ്പറും ജനന തീയതിയും നല്കി അഡ്മിറ്റ് കാര്ഡ് ഡൗണ്ലോഡ് ചെയ്യാം. പോസ്റ്റല് മാര്ഗം അഡ്മിറ്റ് കാര്ഡ് വീട്ടിലെത്തില്ലെന്ന് ഓര്മ്മയുണ്ടായിരിക്കണം. ഓണ്ലൈന് വഴി മാത്രമായിരിക്കും അഡ്മിറ്റ് കാര്ഡ് ലഭ്യമാവുക.
Also Read: കാലിക്കറ്റ് സര്വകലാശാല പി.ജി പ്രവേശനം: ഇപ്പോള് അപേക്ഷിക്കാം
അഡ്മിറ്റ് കാര്ഡ് ഡൗണ്ലോഡ് ചെയ്യുന്നതില് ബുദ്ധിമുട്ട് നേരിടുന്നവര്ക്ക് 8287471852, 8178359845, 9650173668, 9599676953, 8882356803 എന്നീ നമ്പറുകളുമായി ബന്ധപ്പെടാം. അതല്ലെങ്കില് duet@nta.ac.in എന്ന മെയില് ഐഡിയില് സന്ദേശം അയക്കുകയും ചെയ്യാവുന്നതാണ്.
Also Read: ഡി.എല്.എഡ് പ്രവേശനം: അപേക്ഷ ക്ഷണിച്ചു
കൂടുതല് വിവരങ്ങള്ക്ക് www.nta.ac.in എന്ന വെബ്സൈറ്റ് സന്ദര്ശിക്കുക.