രാജ്യത്തെ ഐ.ഐ.ടി കളിലേക്കുള്ള പ്രവേശനത്തിനായി നടത്തുന്ന ജോയിന്റ് എന്ട്രന്സ് എക്സാമിനേഷന് അഡ്വാന്സ്ഡ് (ജെ.ഇ.ഇ) പരീക്ഷയ്ക്ക് ഇത്തവണ വിദേശരാജ്യങ്ങളില് പരീക്ഷ കേന്ദ്രങ്ങളുണ്ടാവില്ല. കൊവിഡ് 19 വ്യാപനത്തിന്റെ പശ്ചാത്തലത്തിലാണ് ഈ തീരുമാനം.
നിലവിലുള്ള നിയന്ത്രണങ്ങളും വിസ ലഭ്യതയുടെ അഭാവവും മൂലമാണ് വിദേശത്ത് പരീക്ഷ നടത്തേണ്ടെന്ന് തീരുമാനിച്ചത്. ഡല്ഹി ഐ.ഐ.ടിക്കാണ് ഇത്തവണത്തെ ജെ.ഇ.ഇ അഡ്വാന്സ്ഡ് പരീക്ഷയുടെ സംഘാടന ചുമതലയുള്ളത്. വിദേശത്ത് താമസിക്കുന്ന വിദ്യാര്ത്ഥികള്ക്ക് ജെ.ഇ.ഇ അഡ്വാന്സ്ഡ് 2020 പരീക്ഷയെഴുതാന് ഇന്ത്യയില് സൗകര്യമുള്ള പരീക്ഷാ കേന്ദ്രം തെരഞ്ഞെടുക്കാം.
Also Read: ഗേറ്റ് 2021 ന്റെ മാറ്റങ്ങള് മനസ്സിലാക്കാം
ജെ.ഇ.ഇ അഡ്വാന്സ് 2020 പരീക്ഷ സെപ്റ്റംബറിലാണ് നടത്താന് നിശ്ചയിച്ചിരിക്കുന്നത്. രാജ്യത്ത് കൊവിഡ് 19 ന്റെ വ്യാപനം തുടരുന്ന സാഹചര്യത്തില് ജെ.ഇ.ഇ അടക്കമുള്ള എല്ലാ എന്ട്രന്സ് പരീക്ഷകളും നീട്ടിവെക്കണമെന്ന് വിദ്യാര്ത്ഥികളും രക്ഷകര്ത്താക്കളും ആവശ്യപ്പെടുന്നുണ്ട്.
Also Read: സിബിഎസ്ഇ ഫലം 2020: സര്ട്ടിഫിക്കറ്റിലെ തെറ്റുകള് തിരുത്തേണ്ടത് എങ്ങനെ?
പരീക്ഷയുടെ തീയതി മാറ്റത്തെ സംബന്ധിച്ച് ഇതുവരെ അധികൃതര് അറിയിപ്പുകളൊന്നും നല്കിയിട്ടില്ല. നിശ്ചയിച്ചതു പോലെ തന്നെ നടക്കാനാണ് സാധ്യത.