എന്നു വരെ
ജനുവരി 30 വരെ വിദ്യാർത്ഥികൾക്ക് തിരുത്തലുകൾ വരുത്താൻ അവസരമുണ്ട്. അവസാന തീയതിക്ക് മുമ്പ് തന്നെ തിരുത്തലുകൾ വരുത്താൻ ശ്രദ്ധിക്കുക. അതിന് ശേശം ഇതിനുള്ള അവസരമുണ്ടാവില്ല.
അവസരം പ്രയോജനപ്പെടുത്താം
ജെ.ഇ.ഇ മെയിൻ ഓൺലൈൻ അപേക്ഷ നടത്തിയപ്പോൾ നൽകിയ പ്രധാനപ്പെട്ട വിവരങ്ങളിൽ തെറ്റുണ്ടെങ്കിൽ ഈ അവസരം പ്രയോജനപ്പെടുത്താം. വിദ്യാർത്ഥിയുടെ പേര്, വിലാസം വിഭാഗം, ഭിന്നശേഷിക്കാരുടെ വിവരങ്ങൾ, വിദ്യാഭ്യാസ യോഗ്യത, ഡേറ്റ് ഓഫ് ബർത്ത്, പരീക്ഷാ കേന്ദ്രത്തിന്റെ ചോയ്സ് എന്നിവയിൽ തിരുത്തലുകൾ വരുത്താനുള്ള അവസരമാണിപ്പോൾ.
നാലു സൈക്കിളുകൾ
നാലു തവണകളായാണ് ഇത്തവണ ജെ.ഇ.ഇ മെയിൻ പരീക്ഷ നടത്തുന്നത്. ഫെബ്രുവരിയിലാണ് ആദ്യ സൈക്കിൾ. തുടർന്ന് മാർച്ച്, ഏപ്രിൽ, മെയ് എന്നീ മാസങ്ങളിലും പരീക്ഷ നടത്തും. കൂടുതൽ വിദ്യാർത്ഥികൾക്ക് അവസരം ലഭിക്കാനാണ് ഇത്. ആദ്യ സൈക്കിൾ ഫെബ്രുവരി 23 മുതൽ 26 വരെയാണ്. രണ്ടാം സൈക്കിൾ മാർച്ച് 15 മുതൽ 18 വരെ. ഏപ്രിൽ 27 മുതൽ 30 വരെയും മെയ് 24 മുതൽ 28 വരെയുമായിരിക്കും മൂന്നും നാലും സൈക്കിളുകൾ.
അഡ്മിറ്റ് കാർഡ് എപ്പോൾ?
ഫെബ്രുവരി രണ്ടാം ആഴ്ച്ചയിൽ ആദ്യ സൈക്കിളിന്റെ അഡ്മിറ്റ് കാർഡ് നാഷണൽ ടെസ്റ്റിംഗ് ഏജൻസി ലഭ്യമാക്കും. അഡ്മിറ്റ് കാർഡ് വരുന്ന തീയതി ഇതുവരെ പ്രഖ്യാപിച്ചിട്ടില്ല.
Also Read: മെഡിക്കൽ / എഞ്ചിനീയറിംഗ് എൻട്രൻസ് പരീക്ഷാ പരിശീലനത്തിന് ധനസഹായം
അഡ്മിറ്റ് കാർഡിൽ തെറ്റുണ്ടെങ്കിൽ
വിദ്യാർത്ഥികൾ അപേക്ഷയുടെ സമയത്ത് അപ്ലോഡ് ചെയ്ത ഫോട്ടോയും ഒപ്പുമായിരിക്കും ഇ-അഡ്മിറ്റ് കാർഡിൽ വരിക. ഇതിൽ എന്തെങ്കിലും തെറ്റുണ്ടെങ്കിൽ ഉടൻ തന്നെ എൻ.ടി.എയുടെ ഹെൽപ്പ്ലൈൻ നമ്പറുമായി ബന്ധപ്പെടുക. രാവിലെ 10 മുതൽ വൈകുന്നേരം 5 വരെ ഈ നമ്പറിൽ ബന്ധപ്പെടാം. വിദ്യാർത്ഥികൾ ഡൗൺലോഡ് ചെയ്ത അഡമിറ്റ് കാർഡുമായി പരീക്ഷയ്ക്കെത്താം. തിരുത്തൽ നടപടികൾ എൻ.ടി.എ പിന്നീട് സ്വീകരിക്കും.