ജെ.ഇ.ഇ മെയിന്‍ 2021: ഫെബ്രുവരി സെഷനിലേക്ക് അപേക്ഷിക്കാത്തവര്‍ക്ക് ഇനിയും അവസരം

ജെ.ഇ.ഇ മെയിന്‍ 2021 പരീക്ഷയുടെ ഫെബ്രുവരി സെഷനിലേക്ക് അപേക്ഷിക്കാനുള്ള അവസാന തീയതി നീട്ടി. വിദ്യാര്‍ത്ഥികള്‍ക്ക് ജനുവരി 23 വരെ അപേക്ഷിക്കാന്‍ സമയമുണ്ട്. ഓണ്‍ലൈന്‍ അപേക്ഷാ ഫോം ഔദ്യോഗിക വെബ്‌സൈറ്റായ jeemain.nta.nic.in ല്‍ ജനുവരി 23 ന് രാത്രി 11.50 വരെ ലഭ്യമാകും.

നേരത്തെ ജനുവരി 16 ആയിരുന്നു അപേക്ഷിക്കാനുള്ള അവസാന തീയതിയായി അറിയിച്ചിരുന്നത്. വിദ്യാര്‍ത്ഥികളുടെ സൗകര്യാര്‍ത്ഥം ഇത് നീട്ടിവെക്കുകയായിരുന്നു. കറക്ഷന്‍ വിന്‍ഡോ ജനുവരി 27 മുതല്‍ ജനുവരി 30 വരെ ആക്ടീവായിരിക്കും.

ഇഗ്നോ ജനുവരി 2021 സെഷനിലേക്കുള്ള റീ-രജിസ്‌ട്രേഷന്‍: തീയതി നീട്ടി
ഫെബ്രുവരി സെഷനിലെ പരീക്ഷയ്ക്കായുള്ള അഡ്മിറ്റ് കാര്‍ഡ് ഫെബ്രുവരി രണ്ടാമത്തെ ആഴ്ച്ച ലഭ്യമാകും. പരീക്ഷയ്ക്കായി രജിസ്റ്റര്‍ ചെയ്തിട്ടുള്ളവര്‍ ഔദ്യോഗിക വെബ്‌സൈറ്റ് നിരന്തരം സന്ദര്‍ശിച്ച് ഏറ്റവും പുതിയ വിവരങ്ങള്‍ മനസ്സിലാക്കുക. അഡ്മിറ്റ് കാര്‍ഡ് ലഭ്യമാകുന്നതടക്കമുള്ള കാര്യങ്ങള്‍ അപ്പപ്പോള്‍ വെബ്‌സൈറ്റില്‍ പ്രസിദ്ധീകരിക്കും. നാലു സെഷനുകളിലായി നടത്തുന്നതിനാല്‍ വളരെ വേഗത്തില്‍ തന്നെ ഫലവും പ്രസിദ്ധീകരിക്കും.