JEE Main 2021: ഇതുവരെ അപേക്ഷിക്കാത്തവര്‍ ഇപ്പോള്‍ ചെയ്യുക; രജിസ്‌ട്രേഷന്‍ ഉടന്‍ അവസാനിക്കും

ജോയിന്റ് എന്‍ട്രന്‍സ് എക്‌സാമിനേഷന്‍ മെയിന്‍ (ജെ.ഇ.ഇ മെയിന്‍) പരീക്ഷയ്ക്കായുള്ള രജിസ്‌ട്രേഷന്‍ നടപടികള്‍ ഉടന്‍ അവസാനിക്കും. ഇതുവരെ ഓണ്‍ലൈനായി അപേക്ഷിക്കാത്തവര്‍ ഇന്നു തന്നെ അപേക്ഷിക്കാന്‍ ശ്രമിക്കുക. ജനുവരി 16ന് എന്‍.ടി.എ അപേക്ഷ സ്വീകരിക്കുന്നത് അവസാനിപ്പിക്കും. ഫെബ്രുവരി സെക്ഷനിലേക്ക് അപേക്ഷിക്കാന്‍ താല്‍പ്പര്യമുള്ള വിദ്യാര്‍ത്ഥികള്‍ക്ക് അപേക്ഷിക്കാനാണ് ഇപ്പോള്‍ അവസരം നല്‍കിയിരിക്കുന്നത്. ഓണ്‍ലൈനായി jeemain.nta.nic.in എന്ന വെബ്‌സൈറ്റ് സന്ദര്‍ശിച്ച് അപേക്ഷിക്കാം.

മുന്‍ വര്‍ഷങ്ങളില്‍ നിന്ന് വ്യത്യസ്തമായ നാലു സെക്ഷനുകളിലായാണ് ജെ.ഇ.ഇ മെയിന്‍ പരീക്ഷ ഇക്കൊല്ലം നടക്കുന്നത്. ഫെബ്രുവരി, മാര്‍ച്ച്, ഏപ്രില്‍, മെയ് മാസങ്ങളിലായി പരീക്ഷ നടക്കും. ചോദ്യപേപ്പറിന്റെ ഘടനയിലും മാറ്റങ്ങള്‍ വന്നിട്ടുണ്ട്. ജെ.ഇ.ഇ മെയിന്‍ പരീക്ഷയ്ക്കായി അപേക്ഷിക്കുന്നവര്‍ വളരെ ശ്രദ്ധാപൂര്‍വം പൂരിപ്പിക്കണം. ജനുവരി 19 മുതല്‍ ജനുവരി 21 വരെ കറക്ഷന്‍ വിന്‍ഡോ ആക്ടീവാകുമെങ്കിലും എല്ലാം വായിച്ചു മനസ്സിലാക്കിയതിന് ശേഷം മാത്രം വിവരങ്ങള്‍ നല്‍കുക. ഡേറ്റ് ഓഫ് ബര്‍ത്ത്, ജന്‍ഡര്‍, വിഭാഗം എന്നിവ നല്‍കുമ്പോള്‍ പ്രത്യേകം ശ്രദ്ധ വേണം.

National Youth Day 2021: യുവാക്കള്‍ക്ക് പ്രചോദനമേകിയ സ്വാമി വിവേകാനന്ദന്റെ ആ വാക്കുകള്‍ ഇതാ
ചോദ്യപേപ്പറിന്റെ പുതിയ ഘടന പ്രകാരം ജെ.ഇ.ഇ മെയിന്‍ പരീക്ഷയില്‍ മൊത്തം 90 ചോദ്യങ്ങളുണ്ടാകും. ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നീ വിഷയങ്ങളില്‍ നിന്ന് 25 ചോദ്യങ്ങള്‍ വീതമായിരിക്കും ചോദിക്കുക. 90 ചോദ്യങ്ങളില്‍ 75 ചോദ്യങ്ങള്‍ക്ക് ഉത്തരം നല്‍കിയാല്‍ മതിയാകും. സെക്ഷന്‍ ബിയില്‍ 10 ചോദ്യങ്ങളില്‍ നിന്ന് അഞ്ചെണ്ണത്തിന് ഉത്തരം നല്‍കിയാല്‍ മതി. നെഗറ്റീവ് മാര്‍ക്കിങ് ഉണ്ടായിരിക്കില്ല.