നീറ്റ്, ജെ.ഇ.ഇ അടക്കമുള്ള പ്രധാന പ്രവേശന പരീക്ഷകള് മാറ്റിവെക്കണമെന്നാവശ്യപ്പെട്ട് രാജ്യവ്യാപകമായി പ്രതിഷേധമുയരുന്നു. കൊവിഡ് 19 വ്യാപനത്തിന്റെ പശ്ചാത്തലത്തില് പരീക്ഷകള് നടത്തുന്നതിനെതിരെയാണ് വിദ്യാര്ത്ഥി സംഘടകകള് ഉള്പ്പടെ പ്രതിഷേധവുമായി രംഗത്തു വന്നിരിക്കുന്നത്.
ഓള് ഇന്ത്യ സ്റ്റുഡന്റ്സ് അസോസിയേഷന്റെ നേതൃത്വത്തില് നാലായിരത്തിലേറെ വിദ്യാര്ത്ഥികള് കഴിഞ്ഞ ദിവസം നിരാഹാര സമരവുമായി രംഗത്തു വന്നു. നീറ്റ്, ജെ.ഇ.ഇ എന്നീ പരീക്ഷകള്ക്കു പുറമെ ഡല്ഹി സര്വകലാശാല പ്രവേശന പരീക്ഷ, യു.ജി.സി നെറ്റ്, ഐസര് പ്രവേശന പരീക്ഷ, ക്ലാറ്റ് പരീക്ഷ എന്നിവയും മാറ്റിവെക്കാന് ആവശ്യമുയരുന്നുണ്ട്. രാജ്യത്ത് ഗതാഗത സംവിധാനങ്ങള് പുനസ്ഥാപിക്കാത്ത സാഹചര്യത്തില് പരീക്ഷാ കേന്ദ്രങ്ങളില് എത്തിപ്പെടുക എന്നത് ഏറെ ശ്രമകരമായിരിക്കും. പല പരീക്ഷകള്ക്കും രാവിലെ ഏഴു മണിക്ക് തന്നെ റിപ്പോര്ട്ട് ചെയ്യണമെന്നാണ് മാര്ഗനിര്ദേശം. ഇപ്പോഴത്തെ സാഹചര്യത്തില് ഇത് എളുപ്പമല്ലെന്ന് വിദ്യാര്ത്ഥികള് പറയുന്നു.
Also Read: കെപ്കോയില് ഇഗ്നോയുടെ കോഴ്സുകളിലേക്ക് അപേക്ഷ ക്ഷണിച്ചു
വിദ്യാര്ത്ഥികളുടെ സംഘടനകള് പരീക്ഷകള് മാറ്റിവെക്കണമെന്നാവശ്യപ്പെട്ട് സുപ്രീം കോടതിയില് നല്കിയ ഹര്ജി തള്ളിയിരുന്നു. സെപ്റ്റംബറില് പരീക്ഷ നടത്താന് നാഷണല് ടെസ്റ്റിങ് ഏജന്സിക്ക് (എന്.ടി.എ) അനുമതി നല്കുകയും ചെയ്തു.