നീറ്റ് പരീക്ഷയുടെ കാര്യത്തില്‍ ഉടൻ തീരുമാനമുണ്ടാകണം: വിദ്യാർത്ഥികളുടെ ആവശ്യങ്ങൾ എന്തെല്ലാം?

മെഡിക്കല്‍ പ്രവേശന പരീക്ഷയായ നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ് (നീറ്റ് 2021) പരീക്ഷയുടെ തീയതികള്‍ക്കായി ആകാംക്ഷയോടെ കാത്തിരിക്കുകയാണ് വിദ്യാര്‍ത്ഥികള്‍. ജെഇഇ മെയിന്‍ 2021 തീയതികള്‍ പ്രഖ്യാപിച്ച ശേഷം നീറ്റ് 2021 പരീക്ഷ തീയതികളെക്കുറിച്ചും വ്യക്തത തേടി നിരവധി വിദ്യാര്‍ത്ഥികള്‍ ട്വിറ്ററില്‍ പോസ്റ്റുകളിട്ടു. നീറ്റ് 2021 തീയതികള്‍ ജനുവരി ആദ്യമോ ഈ മാസം അവസാനത്തോടെയോ എന്‍ടിഎ പ്രഖ്യാപിക്കുമെന്ന് ചില റിപ്പോര്‍ട്ടുകളില്‍ പറയുന്നു. എന്നാല്‍ ഇത് സംബന്ധിച്ച ഔദ്യോഗിക അറിയിപ്പ് വന്നിട്ടില്ല.

കാത്തിരിപ്പിനും അഭ്യൂഹങ്ങള്‍ക്കും വിരാമമിട്ട് വിദ്യാഭ്യാസ മന്ത്രി ജെഇഇ മെയിന്‍ 2021 പരീക്ഷകളുടെ തീയതി കഴിഞ്ഞ ദിവസം ട്വിറ്ററിലൂടെ പ്രഖ്യാപിച്ചു. വിദ്യാര്‍ത്ഥികളുമായുള്ള വെബിനാറില്‍ അദ്ദേഹം നേരത്തെ നിര്‍ദ്ദേശിച്ചതുപോലെ ജെഇഇ മെയിന്‍ 2021 നാല് തവണ സംഘടിപ്പിക്കുമെന്ന് അറിയിച്ചു. നീറ്റ് എഴുതാന്‍ തയ്യാറെടുക്കുന്ന വിദ്യാര്‍ത്ഥികള്‍ പരീക്ഷ ഒന്നിലധികം തവണ നടത്തണമെന്ന ആവശ്യവുമായി മുന്നോട്ട് വരികയാണ്.

ബി.എസ്.സി നഴ്സിംഗ് ആന്റ് പാരാമെഡിക്കല്‍ ഡിഗ്രി: ഓണ്‍ലൈന്‍ അലോട്ട്മെന്റ് പ്രസിദ്ധീകരിച്ചു
നീറ്റ് പരീക്ഷ ജൂണ്‍ വരെ നീട്ടിവെക്കണമെന്ന് ആവശ്യപ്പെട്ട് വിദ്യാഭ്യാസ മന്ത്രിയെ ടാഗുചെയ്ത വിദ്യാര്‍ത്ഥികള്‍ ട്വിറ്ററില്‍ അദ്ദേഹത്തെ സമീപിച്ചു. ചിലര്‍ ഒന്നിലധികം തവണ പരീക്ഷ നടത്തണമെന്ന് അഭ്യര്‍ത്ഥിക്കുകയും മറ്റുള്ളവര്‍ ഓണ്‍ലൈനായി നീറ്റ് പരീക്ഷ നടത്താനും ആവശ്യപ്പെടുന്നുണ്ട്.