നീറ്റ് എം.ഡി.എസ് 2021 പ്രവേശന പരീക്ഷയ്ക്ക് അപേക്ഷ ക്ഷണിച്ച് നാഷണല് ബോര്ഡ് ഓഫ് എജ്യൂക്കേഷന് (എന്.ബി.ഇ). താല്പ്പര്യമുള്ള വിദ്യാര്ത്ഥികള്ക്ക് NEET MDS 2021 നായി ഔദ്യോഗിക വെബ്സൈറ്റായ https://nbe.edu.in സന്ദര്ശിക്കുക. നവംബര് 15 ആണ് അപേക്ഷിക്കാനുള്ള അവസാന തീയതി.
പരീക്ഷയ്ക്കായുള്ള അഡ്മിറ്റ് കാര്ഡ് വെബ്സൈറ്റില് നിന്ന് ഡിസംബര് 9ന് ഡൗണ്ലോഡ് ചെയ്യാം. പരീക്ഷയെഴുതാന് യോഗ്യരല്ലാത്ത വിദ്യാര്ത്ഥികള്ക്ക് അഡ്മിറ്റ് കാര്ഡ് ലഭിക്കില്ല. ഒരു പരീക്ഷാര്ത്ഥി ഒരു ആപ്ലിക്കേഷന് മാത്രമേ നല്കാന് പാടുള്ളൂ. ഒന്നിലധികം അപേക്ഷകള് സമര്പ്പിക്കുന്നവരെ അയോഗ്യരാക്കും. ഓണ്ലൈന് മാത്രമെ അപേക്ഷ സമര്പ്പിക്കാന് അവസരമുള്ളൂ. മറ്റ് വഴികളിലൂടെ നല്കാനാവില്ല.
Also Read: ഫസ്റ്റ്ബെല് ക്ലാസുകള് മുഴുവന് ഇനി ഒരു കുടക്കീഴില്
ഡിസംബര് 16നാണ് എം.ഡി.എസ് പ്രവേശന പരീക്ഷ. ഫലം ഡിസംബര് 31ന് പ്രഖ്യാപിക്കും. ജനറല് വിഭാഗത്തിനും ഒ.ബി.സി വിഭാഗത്തിനും 4425 രൂപയാണ് പരീക്ഷാ ഫീസ്. എസ്.സി, എസ്.ടി, ഭിന്നശേഷിക്കാര് എന്നിവര്ക്ക് 3245 രൂപയാണ് ഫീസ്.
Also Read: ഇഗ്നോ: വിവിധ കോഴ്സുകളുടെ ഫലം പ്രഖ്യാപിച്ചു
240 മള്ട്ടിപ്പിള് ചോയ്സ് ചോദ്യങ്ങള് ഉള്പ്പെടുന്നതാണ് പരീക്ഷ. മൂന്ന് മണിക്കൂര് ദൈര്ഘ്യമുള്ളതാണ് പരീക്ഷ. ഒരോ തെറ്റുത്തരത്തിനും നാലിലൊന്ന് മാര്ക്ക് കുറയും. കംപ്യൂട്ടര് അധിഷ്ഠിത പ്രവേശന പരീക്ഷ ഒറ്റ ദിവസം ഒരു സെഷനായി നടത്തും.