ജെഇഇ, നീറ്റ് എന്നീ പരീക്ഷകള് കൊവിഡ് 19 ന്റെ പശ്ചാത്തലത്തില് സെപ്റ്റംബറിലേക്ക് മാറ്റിയ സാഹചര്യത്തില് അപേക്ഷകര്ക്ക് പരീക്ഷാ കേന്ദ്രം മാറാന് അവസരമുണ്ട്.
അപേക്ഷിച്ച സിറ്റിയുള്പ്പടെ സെന്ററുകള് മാറുന്നതിന് ജൂലൈ 15 ന് വൈകുന്നേരം അഞ്ച് വരെ നാഷണല് ടെസ്റ്റിങ് ഏജന്സി (എന്ടിഎ) സമയം അനുവദിച്ചു. അധികഫീസ് ആവശ്യമെങ്കില് അന്ന് രാത്രി 11.50 വരെ ഓണ്ലൈനായി അടയ്ക്കാം. ഓണ്ലൈന് അപേക്ഷയില് തിരുത്തലുകള് വരുത്തുമ്പോള് വിദ്യാര്ത്ഥികളും രക്ഷിതാക്കളും ശ്രദ്ധിക്കണം. തിരുത്തലുകള് വരുത്താന് പിന്നീട് അവസരമുണ്ടായിരിക്കില്ല. സെന്റര് മാറുന്നത് സംബന്ധിച്ചും മറ്റ് വിവരങ്ങള്ക്കുമായി https://nta.ac.in/ എന്ന വെബ്സൈറ്റ് സന്ദര്ശിക്കുക.