പ്രളയം: സംസ്ഥാനത്ത് പാഠപുസ്തക വിതരണം തിങ്കളാഴ്ച മുതല്‍

തിരുവനന്തപുരം: സംസ്ഥാനത്ത് പ്രളയബാധയിൽ പാഠപുസ്തകങ്ങൾ നഷ്ടപ്പെട്ട വിദ്യാർഥികൾക്ക് തിങ്കളാഴ്ച മുതൽ പുതിയ പുസ്തകങ്ങൾ വിതരണം ചെയ്യും. ഒന്ന് മുതല്‍ പത്ത് വരെ ക്ലാസുകളിലെ വിദ്യാര്‍ഥികളുടെ ഒന്നാം വാള്യ പാഠപുസ്തകങ്ങളാണ് വിതരണം ചെയ്യുന്നത്. പൊതു വിദ്യാഭ്യാസ ഡയറക്ടറാണ് ഇക്കാര്യം അറിയിച്ചത്.

ഇത് കൂടാതെ ഈ വര്‍ഷത്തെ രണ്ടാം വാള്യ പാഠപുസ്തകങ്ങളും ഇതോടൊപ്പം തന്നെ വിതരണം ചെയ്യും. വിദ്യാലയങ്ങളിൽ നോട്ട് ബുക്ക് വിതരണവും തുടങ്ങി. ബാഗും പഠനോപകരണങ്ങളും നഷ്ടപ്പെട്ടവർക്ക് അവ നൽകാനുള്ള നടപടികളും തുടങ്ങിയെന്ന് പൊതു വിദ്യാഭ്യാസ ഡയറക്ടർ വ്യക്തമാക്കി.