ഡിഗ്രിക്കാർക്ക് കേരളാ ഹൈക്കോടതിയിൽ അവസരം; ശമ്പളം 27,800-59, 400 വരെ

കൊച്ചി: ഡിഗ്രിക്കാർക്ക് കേരള ഹൈക്കോടതിയിൽ അവസരം. അസിസ്‌റ്റൻ്റ് തസ്‌തികയിലേക്കാണ് നിയമനം. 38 ഒഴിവുകളാണ് റിപ്പോർട്ട് ചെയ്തിട്ടുള്ളത്‍. ഓൺലൈനായാണ് അപേക്ഷിക്കേണ്ടത്. പാർട്ട് 1, പാർട്ട് 2 എന്നിങ്ങനെ രണ്ടു ഘട്ടമായി വേണം അപേക്ഷിക്കാൻ. പാർട്ട് 1 സമര്‍പ്പിക്കേണ്ട അവസാന തീയതി ഒാഗസ്റ്റ് 20 ആണ്. സെപ്റ്റംബര്‍ ആറാണ് പാർട്ട് 2 സമര്‍പ്പിക്കേണ്ട അവസാന തീയതി.

എഴുത്തു പരീക്ഷ ഇൻ്റർവ്യൂ എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്. തിരുവനന്തപുരം, ആലപ്പുഴ, എറണാകുളം, തൃശൂർ, കോഴിക്കോട് എന്നീ ജില്ലകളില്‍ പരീക്ഷ കേന്ദ്രങ്ങള്‍ ഉണ്ടാകും. 5/ 2018 എന്ന ബാര്‍ കോഡോടെയാണ് അപേക്ഷിക്കേണ്ടത്.

അൻപത് ശതമാനം മാര്‍ക്കോടെ ഡിഗ്രി പാസായിരിക്കണമെന്നതാണ് ഏറ്റവും കുറഞ്ഞ വിദ്യാഭ്യാസ യോഗ്യത. സംസ്ഥാനത്തെ യൂണിവേഴ്സിറ്റികളിൽ നിന്ന് നേടിയ ഡിഗ്രി കോഴ്സുകൾ മാത്രമേ പരിഗണിക്കുകയുള്ളൂ. കമ്പ്യൂട്ടര്‍ ഓപ്പറേഷൻസിലുള്ള ജ്ഞാനം അഭികാമ്യമാണ്. 27,800രൂപ മുതൽ 59, 400 വരെയാണ് ശമ്പളം.

വിശദ വിവരങ്ങള്‍ക്കും അപേക്ഷക്കും സന്ദര്‍ശിക്കുക : കേരള ഹൈക്കോടതി